Mereja.Forum

Revelations · Post by **Revelations** » 15 Jul 2023, 17:14

ከውጭ ያለውን ኢትዮጵያዊ ጉራማይሌ ንግግር እንድያቆም ትመክራላችሁ ተብሎ ሲጠበቅ ጭራሹኑ እናንተ አገር ውስጥ ያላችሁት ተዘፈቃችሁበት ምነው?! ኧረ ተው! ባይሆን የውጩን ቋንቋ መጠቀም ካለባችሁ ሙሉውን ያንን ቋንቋ ተጠቀሙ::

Revelations · Post by **Revelations** » 15 Jul 2023, 17:19

Revelations · Post by **Revelations** » 15 Jul 2023, 17:30

Revelations · Post by **Revelations** » 15 Jul 2023, 18:22

ዓይኔን ሰው አማረው፤

የሰው ያለህ የሰው!
አያ ብር አለንጋው የሌጌዎን መሪ፣
ልጅ፤ እስከ ማእዜኑ ያስማንዲዮስ መሪ፤
አያ ደሙ በኔ የሳጥናኤል መሪ፣
የቀበሮ እንግዳ በቤቱ አሣዳሪ፣
ተበግ ተቀበሮ ቀበሮን አክባሪ፣
ቀበሮን ወደ ቤት በግን ገደል መሪ፣
የበግ ለምድ ለበሶ በጐችን አባራሪ፣
በቀበሮው አዋጅ አገሩን ወራሪ፣
በለሰለሰ እርሻ አሜኬላ ዘሪ፣
እጅግ ተጠንቅቆ አባቱን አፍቃሪ፣
አባቱን አፍቅሮ እናት አቃጣሪ፣
እናቱን አቃጥሮ አባት አሣሣሪ፣
አባት አሣሥሮ በናቱ መካሪ፣
በናቱ ላይ መክሮ አዋጅ አስነጋሪ፣
በግራ የቆመው ሲመለስ ወደ ቀኝ፣
እኔም በናታችሁ ጐዳናው ሳይርቀኝ፣
በዚያን ጊዜ እናንተን የሚያይ ሰው ናፈቀኝ።

ቀኝ ጌታ ዮፍታሔ ንጉሤ

Revelations · Post by **Revelations** » 15 Jul 2023, 18:38

ጥንተ ሀገሬ ሆይ ጥንተ ተደንግሎ፤
ሕጻናቱ ታርደው ያንቺም ልብ ቆስሎ፤
ሕዝቡ ተሰደደ አንቺን ተከትሎ፤
የሕጻናቱን ደም አዘክሪ ኵሎ፡፡
አስጨነቀኝ ስደትሽ፤
እመቤቴ ተመለሽ፡፡

ቀኝ ጌታ ዮፍታሔ ንጉሤ

Revelations · Post by **Revelations** » 15 Jul 2023, 18:54

ተቀምጬ

ተቀምጬ፣
የሐዘን የትካዜ ሙዚቃ ስሰማ፣
ጓደኛዬ ሁኖ የሲጋራው ጢስ፣
ጢሱ ቅታሬውን እየጎንጎን ክራሴ በላይ፣
የብቻ መሆኔ አዳኛ ሲሳይ፣
ጢሱና ሙዚቃው እየተባበረ፣
የስሜቴን ስሜት የልቤን የውስጡን እየበረበረ፣
ሲያወጣው ፈልቅቆ፣
እኔን እኔነቴን፣ ራሴን ከውስጡ፣ ከውስጤ ሰልቆ፣
ፈርፍሮ፣
ፈልፍሎ፣
ፈታ ፈታታና፣
ደም - ብረት፣ ሐሞት - መርዝ ሊያናግረው ሲል፣
ድንገት ድምጽ ሰማሁ፣
አንዲቱ መዝጊዬ ሰማሁ ስትንኳኳ፣
ገብቶ የነበረው ልቤን ሊያመሰኳ፣
የሙዚቃው ስልቱ፣ የጢሱ ውበቱ በደንገት ቀጥ አለ፣
የበሬም መንኳኳት በዚያው ልክ ቀጠለ፡፡

ዮሃንስ አድማሱ

Revelations · Post by **Revelations** » 15 Jul 2023, 19:38

ጎበና እና አሉላ

አጥንቱን ልልቀመው መቃብር ቆፍሬ ፤
ጎበናን ተሸዋ አሉላን ተትግሬ፤
ስመኝ አድሬያለሁ ትላንትና ዛሬ፤
ጎበናን ለአሞራ አሉላን ለጭሬ፡
ተሰባሰቡና ተማማሉ ማላ ፤
ጎበና ከሸዋ ተትግሬም አሉላ
ጎበና ሴት ልጁን ሊያስተምር ፈረስ
አሉላ ሴት ልጁን ጥይት ሊያስተኩስ
አገሬ ተባብራ ካልረገጠች እርካብ
ነገራችን ሁሉ የእምቧይ ካብ የእምቧይ ካብ።

ቀኝ ጌታ ዮፍታሔ ንጉሤ

Horus · Post by **Horus** » 15 Jul 2023, 21:12

ወይ ካላካበቱ ወይም ካላምታቱ
ማን ለማ ይሰጣል ከዚያ ከሱረቱ

መንግስቱ ለማ
እስረኞቹ ግጥሞቼ

Revelations · Post by **Revelations** » 16 Jul 2023, 00:58

እገበያ መሀል ፈስ እያንዛረጡ
አውራ ጎዳና ላይ ዳቦ እየገመጡ
ቤተክስያን ገብቶ ትምባሆ እየጠጡ
እንዲህ ነው ወይ ጣሊያን አልጋ ላይ ሲወጡ?

ነጋድራስ ተሰማ እሸቴ

Revelations · Post by **Revelations** » 16 Jul 2023, 01:36

በሳህን ሲሆ ነው የሚያምረው ወጥህ
ድንች አትላክልኝ ከመሬት ነቅለህ

ነጋድራስ ተሰማ እሸቴ

Horus · Post by **Horus** » 16 Jul 2023, 02:17

Revelations,
እነዚህን ሁለት ነገሮች ስለ መንግስቱ ለማ ታውቅ ኖሮዋልን?

አንድ፣ ጣሊያን ተባሮ የሃይለ ስላሴ መንግስት እንደ ገና ሲደራጅ ማጆሪቲው የዙፋን መኳንንቶች የኢትዮጵያ አንደኛ ብሄራዊ ቋንቋ እንግሊዝኛ እንዲሆን ሲከራከሩ መንግስቱ ለማ ገና ሁለተኛ ደረጃ ሳይጨርስ ዙፋን ቀርቦ አማርኛ ቋንቋ እንዴት የማንነታችን መገለጫ እንደ ሆነ ኃይለ ስላሴን ያሳመነ ምሁር መሆኑን!!!

የዚህ ድንቅ ሊቅ አባት የታወቁ አለቃ ባለቅኔ ሲሆኑ እናታቸው ጉራጌ እንደ ሆኑ! ልክ የታላቁ ምኒልክ ትህትና ከጉራጌ እናቱ እንደ ወረሰ ሁሉ መንግስቱ ለማም ትሁትነትና ሚዛናዊነት የወረሰው ከጉራጌ እናቱ ነበር!!

Revelations · Post by **Revelations** » 16 Jul 2023, 08:07

Mereja.Forum

ጉራማይሌው ቢቀር

Re: ጉራማይሌው ቢቀር

Re: ጉራማይሌው ቢቀር

Re: ጉራማይሌው ቢቀር

Re: ጉራማይሌው ቢቀር

Re: ጉራማይሌው ቢቀር

Re: ጉራማይሌው ቢቀር

Re: ጉራማይሌው ቢቀር

Re: ጉራማይሌው ቢቀር

Re: ጉራማይሌው ቢቀር

Re: ጉራማይሌው ቢቀር

Re: ጉራማይሌው ቢቀር