ጽሟቕ ሓጺር ታሪኽ ህይወት ሓርበኛ ወ/ሮ ኣዳነሽ በርሀ [1929 – 1926] - ብሓዳስ ኤርትራ
ምሉእ ስም፡ ወ/ሮ አዳነሽ በርሀ
ስም ኣቦ፡ በርሀ ገብረሓዋርያት
ስም አደ፡ መድህን ስእሉ ዓስቡ
ዕለተ ትውልዲ፡ 1929 አስመራ
ዕድመኣን ንትምህርቲ ምስ ኣኸለ፡ ቤት ምህርቲ “ስኳላ ቪቶሪዮ” መባእታ ተማሂረን።
ኣብ 9 ዓመተን ምስ ኣቶ ኣፈወርቂ ኣብርሃም ተመርዕየን (ቃል ኪዳን ኣሲረን)።
ክሳብ ጉርዝውና ኣብ ትሕቲ ክንክን ወለደን ጸኒሔን ሓዳረን ወጺኣን።
አብ 15 ዓመተን በዅሪ ውላደን ተበዅራ።
ቆልዑ እናዕበያ፡ ንባዕለን ዝተፈላለየ ሙያታት ከም ኣሰራርሓ መግቢ፡ ኢደ ጥበብን ስፍየትን እናተማህራ፡ ደቀን መልሚለን።
ኣብ ውሽጢ 42 ዓመታት፡ 14 ውሉዳት ፈርየን፡ 9 ኣጋዲለን 2 ካብኣቶም ስዉኣት ፈርየን።
ወ/ሮ አዳነሽ በርሀ ካብ ንእስነተን “መስተውዓሊት፡ ዓቃል፡ ጸዋር፡ ለዋህ፡ ብዝኾነ ጸገም ዘይድሃላ፡ ትስፍዉቲን ዕትብትን ኣደ ነቢረን” ይብሉ ፈለጥተን።
ኣብ እዋን ሓርነታዊ ቃልሲ ንጠቅላላ ህይወት ስድርኣን ኣስጋኢ ስለዝነበረ፡ ኣብ 1978 ኣብ እዋን ስትራተጂካዊ ምዝላቕ ገለ ምቕሊ ደቀንን ደቂ ደቀንን ሒዘን ብስደት ናብ ኣመሪካ ኣምሪሐን።
ኣብ ናጽነት ኤርትራ ናብ ዓደን ተመሊሰን።
በዓል ቤተን ነፍስሄር ኣቶ ኣፈወርቂ ኣብርሃም ኣብ 1993 ብሞት ተፈልዮም።
ወ/ሮ ኣዳነሽ በርሀ ኣብ መበል 97 ዓመተን ብ22 ሰነ 2026 ካብዚ ዓለም ድኻም ዓዕሪፈን።
ብ 24 ሰነ 2026 ስድራቤተንን ደቂ ዓድን ሰበስልጣን መንግስትን ግንባርን ከምኡውን መራሕቲ ሃይማኖትን ፈተውተንን ከምኡውን ፍረ ማሕጸነን መራሕ መንግስቲ ኤርትራ አቶ ኢሳይያስ ኣፈወርቂ ኣብ ዝተረኽብሉ ኣብ ጸሎት ሓመድ ኣዳም ለቢሰን።
ጽንዓት ንምሉእ ስድራቤተንን ፈተውተንን!
ሀባ እግዚኦ ዕረፍተ ዘለዓለም ወአብርህ ላቲ ብርሃነ ዘለዓለም፡ ወይኹን ዕረፍታ በሰላም!
