የማነ ባርያ ንቅድሚ ናጽነት ኢሉ ዝገጠሞ ደርፊ፤ አዝዩ ንድሕሪ ናጽነት ዘሎ 33 ዓመታት መግዛእቲ ሻዕብያ ዝገልጽ ኮይኑ ተረኺቡ! ሻዕብያ ናይ ናጽነት መንግስቲ ዘይኮነስ፤ ትግርኛ ዝዛረብ ካብ ኃይለስላሴን መንግስቱን ዝገደደን ዝጨከነን ገዛኢ ደርቢ ኾይኑ፤ ኤርትራውያን ከም ባሮት ጌሩ ዝሓስብን ዝገዝእን መንግስቲ ኾይኑ ይነብር አሎ።
ዘመን ብ የማነ ገብረሚካኤል ( ባርያ)
ዘመን ተቐይርካኒ ስደተኛ ኮይነ (ካብቲ ቅድሚ ናጽነት ዝነበረ 3 - 4 ዕጽፊ ዝኾነ ኤርትራዊ መንእሰይ ካብታ ነጻ ኤርትራ አምሊጡ ስደተኛ ኮይኑ ይነብር አሎ)ብስክፍታ ዝነብር ክሳደይ ኣድኒነ (ስጋብ ሕጂ)
ሓሳብ ልቡ ዘይፍጽም ሰነፍ መስተማሰሊ (ስጋብ ሕጂ)
እንዳ ተጎድአ ዝነብር ኣሰኪምካኒ ቁስሊ (ስጋብ ሕጂ)
ክሓተካ'የ ኣነ መልሰለይ ዘመንስለምንታይ ከሊእካኒ ስኒት ፍቅሪ ሓበን
ሰብኣዊ መሰለይ ክብረይ ቐንጢጥካዮ (ሰብኣዊ መሰል?! ብኃይለስላሴ ዝነበረ ብኽንድይ ዕጽፊ ይበልጽ። ኤርትራዊ አብ ኤርትራ ከም ጻጸ ኸማን ኣይሕሰብን እዩ።)
ንሓሳረን መከራን ንዕዳጋ ኣውሪድካዮ (ሕጂ'ኳ ይገድድ!)
መሬት ኸም ዘይናቱ ኣትሪሩ ዘይረግጽርእይቶ ዘይብሉ ኣይመርጽ ኣይምረጽ (ብፈደሬሽን መንግስቱ ምስ መረጸ፤ ኣብ 33 ናይ ናጽነት ዓመታት መንግስቱ መሪጹ አይፈልጥን፦ ስደተኛ ኤርትራዊ ግን ናይ ስደት መንግስቱ ይመርጽ እዩ)
ኣይምረጽ ኣይመርጽ (ኤርትራዊ ናይ ፓርላማ ኣባል ኾይኑ ክምረጽ፤ ስዊድን፤ ሆላንድ፤ ኒውዚላንድ ገለ ክኸይድ ኣለዎ። እታ እንኮ ኤርትራዊ ኸም ኣባል ፓርላማ ኾይኑ ዘይምረጸላ ሃገር ኣብ ዓለም ኤርትራ ጥራይ እያ።)
ምድረበዳ ኮይኑ ሸኻ ለምለም ሳዕሪኣቁጽልትና ነቂጹ ጥሉል ቐጠልያ ሕብሪ
ባህርያትካ ተቐይሩ መሬት ኣድሪቅካዮ
ሰናይ ዝነበረ ኣካሒዳ ጌርካዮ (ኣካሒዳ እወ! ናይ ሻዕብያ ኤርትራ ኣቦን ውሉድን፤ ሓውን ሓፍትን፤ ደቂ ሓወቦን ደቂ ሓትነን ዘይተኣማመኑሉ፤ መሬት ኣካሒዳ ኮይና ተሪፋ!)
መሬት ኸም ዘይናቱ ኣትሪሩ ዘይረግጽስደተኛ ጌርካኒ ኣይምረጽ ኣይመርጽ
ኣይምረጽ ኣይመርጽ
ዘመድ ኢኻ ዘመን መዝገብ ተመክሮንኹነታት ትማሊ ሎሚ ትቅይሮ
ወሳኒ ተራ ኢኻ ብዓል ዓቢ ግደ
ባህርያዊ ተፈጥሮ ፈለማ ዝተወልደ
(መሬት ከም ዘይናቱ ኣትሪሩ ዘይረግጽስደተኛ ጌርካኒ ኣይምረጽ ኣይመርጽ
ኣይመርጽ ኣይምረጽ)2
ንህሉው ኹነታት መንእሰያት ሃገርና ብልክዕ እትገልጽ ብልጽቲ ስራሕ ናይ በሃር የማነ ባርያ