ኣፍ ሓርኢ፡ እንክፍክር። ኣብ ኢትዮጵያ ዘለዉ ኤርትራዉያን፡ ብቑልጡፍ ንሃገሮም እንተተመልሱ ይሕሾም።
ሕጅ’ውን ንቕሓት ብፍልጠት!
ማእከል ምርምርን ስነዳን ግዱሳት ሃገራውያን፣ ኣማትን ደወል መጠንቀቕታ ዝኸውን ሓበሬታ ሕጂ’ውን ንዝርግሕ።
1) ኣብዚ እዋን ዘርከበ ቀለም ቀመስ ብዛዕባ ቀይሕ ባሕሪ ይምድር ጥራይ ዘይኮነ ዘሎ፣ ቀይሕ ባሕሪ ናትና እዩ ይብል ኣሎ።
2) ቀዳማይ ሚኒስተር ኢትዮጵያ ዶክተር ኣብይ ኣሕመድ’ውን ብዛዕባ ዓሰብ ኣመልኪቱ፣ ንዲፕሎማሰኛታትን መራሕቲ ዝተፈላለዩ ኣህጉራዊ ውድባትን ክዛረቦ ዝጸንሐ ብዕሊ ፓርላማ ኢትዮጵያ ኣኪቡ ምስ ካልእ ዛዕባታት ደብሊቑ ኣውጽእዎ። ይቕረታ’ውን ኣይሓተተን።
3) ቁስልና ኣይንሕከኽ ዝበለ መለስ ዜናዊ’ውን ኲናት ከም ዝኸፈተ፣ ዶክተር ኣብይ ኣሕመድ’ውን ናብቲ ካብ ሞት ዘድሓኖ ህዝብን መንግስትን ኤርትራ ኲናት ኣይከፍትን ምባል የዋህነት እዩ።
4) ብምኽንያት መዓልቲ ሰራዊት ተባሂሉ ኣብ ዝተኻየደ ሰልፊ፣ ቀይሕ ባሕሪ ናትና፣ ዓሰብ ናትና፣ ባሕርያ ናትና ክብሉ ተሰሚዖም። ሎሚ ቓሎም ጽባሕ ግብሪ ክፍጽሙ ካብ ምሕላም፣ መን ክኽልክሎም ይኽእል?
5) ስለዚ፣ ኤርትራውያን ብልዕሊ ብኣማኢት ኣሽሓት ዶላር ኣብ ኢትዮጵያ የውፍሩ ኣለዉ። ርጉጽ ንምዃን፣ ውሕስነትን ድሕነትን የብሎምን።
6) ምትኹታዂ ኣብ ልዕሊ ኤርትራውያን ብሓፈሻ፣ ኣብ ዝተፈላለዩ ዜጋታት ብፍላይ ኣብ ገያሾ ጀሚሩ ኣሎ። እዚ ግሉሕ ምልክትን ደወል መጠንቀቕታ እዩ።
7) ድሕነትን ውሕስነትን ኣብ ዘይብላ ሃገር ወፍሪ ምግባር፣ ናብ ሓደጋ እናረኣኻን እናሰማዕካን ምእታዉ እዩ።
8 መን እዩ ታሪኽ 1999፣ ራስያ ሃብትን ጸጋን ኤርትራውያን ኣብ ኢትዮጵያ ኣይድገምን እዩ ዝብል?
ስለዚ፣ ንጽቡቕ ሓሲብካ ካብ ሓደገኛ ሳዕቤን ምጥንቃቕ፣ ሕጂ’ውን ንቕሓት ብፍልጠት ከድልይ እዩ።
(*ማእከል ምርምርን ስነዳን ግዱሳት ሃገራውያን ስሙ ከም ዝሕብሮ ናይ ፈተውቲ ህዝቦምን ደገፍቲ መንግስቶምን ልሳን ግዱሳት ኢዩ።)
________
ከይንግራህ
ተባሂሉ ተዋሰኦ ክስራሕ ክዳውንቲ ናይ ሓይልታት ምክልኻል ኤርትራ ኣብ ኣዲስ ኣበባ ተዳልዩ ኣሎ።ኣብ ውግእ ምስ ፋኖ ዝማረኽናዮም ኤርትራውያን፣
Million Abraham
