ሕጂ'ዉን፣ ኣስተዉዕል ኤርትራዊ!
ጓል ፈዳይን ሻዕቢያ - ትማሊ ኣብ ሸራተን ኣዲስ ሆቴል ብወግዓዊ ናይ መኽፈቲ ስነ ስርዓት ክኽበር ኣብ ዝጀመረ በዓል ኢሬቻ፣ ፕረዚደንት ክልል ኦሮሚያ ሽመልስ ኣብዲሳ
ተባሂሉ ይሕከ ኣሎ።ኣብ ቀይሕ ባሕሪ እዉን ከነኽብሮ ኢና ኢሉ፣ ልኡላዉነት ኤርትራ ግሂሱ
ደቂ ኤርትራ!
ብመሰረቱ ሽመልስ ኣብዲሳ፣ ኣብ ከመይ ዓዉዲ (context) እዩ ብዛዕባ ቀይሕ ባሕሪ ጠቒሱ ኢልና ምርዳእ ኣድላዩ እዩ።
ከምዝፍለጥ፣ ባህላዊ በዓል ኢሬቻ ናይ ህዝቢ ኦሮሞ በዓል እዩ።
ካብ ጥንቲ ጥቅምቲ ኣትሒዙ ድማ ኣብ ከተማ ቢሾፍቱ "ሆራ ኣርሰዲ" ዝርከብ ዓቢ ቃላይ፣ ብኽብ ዝበለ ደረጃ እዩ ክበዓል ጸኒሑ።
ካብ ቅድሚ ሓሙሽተ ዓመታት ጀሚሩ ግን (ድሕሪ ምምጻእ ዶ/ር ኣቢይ ኣሕመድ ናብ ስልጣን) "ኢሬቻ" ቅድሚ እቲ ናይ ቢሾፍቱ "ሆራ ኣርሰዲ" ዓቢ በዓል፣ ብድሮ ኣብ ከተማ ኣዲስ ኣበባ ጥቓ እስጢፋኖስ ቤተ ክርስትያን ዝርከብ ሩባ "ሆራ ፊንፊኔ" ተባሂሉ ክበዓል ጀሚሩ ኣሎ።
እዚ ናይ ኣዲስ ኣበባ "ሆራ ፊንፊኔ" በዓል፣ ንብዙሓት ኦሮሞ ዘይኮኑ ኢትዮጵያዉያን፣ ብፍላይ ድማ ንህዝቢ ኣምሓራ ምስ ዋንነት ከተማ ኣዲስ ኣበባ ተኣሳሲሩ ዘቖጥዕ ዘሎ ፍጻመ ኮይኑ ቀጺሉ ኣሎ።
ፖለቲከኛታት ኦሮሞ፣ ኤሊት ኦሮሞን ህዝቢ ኦሮሞን ብሓፈሻ ድማ ኣዲስ ኣበባ (ፊንፊኔ) ካብ ጥንቲ ጀሚሩ ናይ ወለዶም ርስቲ ምዃና፣ ኣብ ኣዲስ ኣበባ (ፊንፊኔ) በዓል ኢሬቻ ክገብሩ ናይ ዝኾነ ኣካል ፍቓድ ከምዘየድልዮም ብምግላጽ፣ ነዚ ናይ ኣዲስ ኣበባ "ሆራ ፊንፊኔ" ብኽብ ዝበለ ዓጀባ የኽብርዎ ኣለዉ።
ብፍላይ ምስ'ዚ ኣብ ክልል ኣምሓራ ዘሎ ኩነታት ኣብ ሞንጎ ፋኖ ናይ ኣምሓራን ብኦሮሞ ብልጽግና ዝምራሕ ፌዴራላዊ መንግስቲን ዘሎ ምትፍናን ጠርዚ ብምብጽሑ፣ በዓል ኢሬቻ ዝያዳ ካልእ እዋን ፖለቲካዊ መልክዕ ሒዙ ኣሎ።
ስለዝኾነ ድማ እዩ ሽመልስ ኣብዲሳ ነቶም ኢሬቻ ኣብ ኣዲስ ኣበባ ክበዓል የብሉን ንዝብሉ ንኽምልስን ድሕሪ ደጊም ተስፋ ቁረጹን ንኽብልን ደልዩ
ክብል Metaphorically ዝገለጾ።ኢሬቻ ኣብ'ታ ዋንነትና ዝኾነት ከተማ ኣዲስ ኣበባ (ፊንፊኔ) ጥራይ ዘይኮነ ኣብ ዝኾነ ኣፍላግ ይኹን ቃላይ ዋላ ኣብ ገማግም ህንዳዊ ዉቅያኖስ ይኹን ቀይሕ ባሕሪ ክኽበር እዩ
እዚ ማለት ንጂኦግራፊያዊ ዋንነት ንምግላጽ ዘይኮነ፣ ኣብ ድላይና ኬድና እንተኽበርናዮ መሰልና እዩ ንምባል እዩ።
እዚ ማለት፣ ምስ ዋንነት ወደብን ኣፍደገ ባሕርን ዘተኣሳስር የብሉን።
ደቂ ገርሂ ልባ ኤርትራዉያን ግን፣ ነዛ ካብ ዓዉዲ (context) ወጻኢ ትርጉም ተዋሂብዋ ተበቲና ዘላ ሕክያ ብጫፍ ሒዞም ባዕላዊ ተንተናታት ክገብሩላ ንርኢ ኣለና።
ፖለቲከኛታትን elite ኣምሓራን ብወገኖም፣ ኣብ ክልል ኣምሓራ ብዝካየድ ዘሎ ኩናት፣ ኣብ ሞንጎ መንግስቲ ኤርትራን ፌደራላዊ መንግስቲ ኢትዮጵያን ፍሕፍሐ ንኽፍጠር'ሞ ካብኡ ተረባሕቲ ክኾኑ እንተተኻኢሉ ድማ ደገፍ መንግስቲ ኤርትራ ንኽረኽቡ ባዕላዊ ትርጉም እንዳሃቡ ሓለይቲ ተመሲሎም ክብለጹላ ይፍትኑ ኣለዉ።
ተጋሩ ብወገኖም፣ ከም'ቲ ልሙድ ክገብርዎ ዝፍትኑ፣ ካብ'ዚ ዝሓልምዎ ረጽሚ ኤርትራን ኢትዮጵያን ገለ ዝወደቐ ዓጽሚ እንተረኽበና ብምባል ዝጥዕሞም ትርጉም እንዳሃቡ ወረግ ሓለይቲ ልኡላዉነት ኤርትራ ተመሲሎም፣
እንዳበሉ ነቲ ሰይጣናዊ ሕልሚ ዓባይ ትግራይ ክዉን ክገብሩ የጋዉሕዋ ኣለዉ።ተዛረብቲ ትግርኛ ዒፃና ሓደ እዩ፣ ለማዕና ጠፋእና ብሓባር ኢና
ናይ youtube ድኳን ዘለዎም ኢትዮጵያዉያንን ኤርትራዉያንን፣ ባዕላዊ ግምትን ተንተናታትን እንዳወሰኹ እንጀራኦም የብስሉ ኣለዉ።
ናይ ኣምሓራ ኤሊትን ተጋሩን፣ ኦቦ ሽመልስ ኣብዲሳ እንታይ ክብል ከምዝደለየ ጠፊእዎም ኣይኮነን። ይኹን ደኣ'ምበር በብዘዋጽኦም መገዲ ትርጉም እንዳሃቡ፣ ረብሓ እንተረኸቡ ዝጻወትዎ ዘለዉ ናይ ፖለቲካ ጸወታ እዩ።
ከም'ቲ ልሙድ ነዛ ኣጀንዳ ቀይሕ ባሕሪ ብጫፍ ሒዞም ንልቢ ገርሂ ኤርትራዊ ንምስላብ ብዝያዳ ዘጓዉሕዋ ዘለዉ፣ እቶም ናይ መዋእል ደመኛታትና ተጋሩ እዮም።
ኦቦ ሽመልስ ኣብዲሳ!
ኦቦ ሽመልስ ኣብዲሳ ኣብ ስልጣን ምስደየበ ከይደንጎየ፣ ብስርዓት ወያነ ትግራይ ናይ ዝተባረሩ ኤርትራውያን ንብረት ዝመለሰ ተደናጋጺ ህዝቢ ኤርትራ እዩ።
ብመሰረት ስምምዕ ሰላም ኣስመራ፣ ነቶም ካብ ኤርትራ ናብ ኢትዮጵያ ዝኣተዉ ተቓለስቲ ግንባር ሓርነት ኦሮሞ (ኦነግ) ኣብ ትካላት ጸጥታን ፍትሒን መዲቡ ዘስርሕ ዘሎ እዩ።
እሞሲ ኤርትራዉያን ኣሕዋተይ፣ ልክዕ ከም'ቲ ዘዝተዘረበ
እንዳበለት ምስ ጎረባብታ ትናገር መበለት ኣይንኹን።ንዓይ ዝተባህለ ኣሽሙር እዩ
ሽመልስ ኣብዲሳ ኣብ ህንዳዊ ዉቅያኖስ እዉን ከነኽብሮ ኢና ስለዝበለ፣ ጅቡቲን ሶማሊያን ንዓና እዩ ዝኸዉን ኢለን መልሲ ክህባኦ ማለት ድዩ ዝኸዉን ዘሎ? ወይ ከኣ፣ ብኢትዮጵያ ክንዉረር ኢና ኢለን መልሲ ክህባ ኣለወን ማለት ድዩ?
እሞሲ:-
ብፖለቲካ ንቑሕ (Politically conscious) ሕብረተሰብ፣ ብቐሊሉ ኣብ መፈንጠራ ጸላእቲ ኣይወድቕን እዩ።
ንሕና ኤርትራዉያን ኣዚና ዕድለኛታት ኢና፣ እትረፍ ዶ ንህልዉ ኩነታት፣ ንመጻኢ ኣመታት ብዝግባእ ዘንብብ ኣዝዩ ሙኩር መሪሕነት እዩ ዘለና።
መንግስቲ ኤርትራ ብዕሊ መግለጺ ኣብ ዘይሃበሉ ጉዳይ ካብ መትከል መንግስቲ ወጻኢ፣ ባዕላዊ ትነተናታት እንዳሃብኩም፣ ከይተረድኣኩም፣ ብግርህና፣ ኣሳሰይቲ ኣጀንዳታት ደመኛታት ጸላእትና ኮይንኩም ዘለኹም ኣሕዋት ሓንሳብ ደዉ ኢልኩም ኣስተብህሉ።
ኤርትራዉያን፣ ምእኹል ኣተሓሳስባ ሒዝና እንተተጓዒዝና ኢና ንዕወት። ብዓንደ ርእሱ፣ ሳላ ምእኹል ኣተሓሳስባ ዝነበረ እዩ ናጽነት ተረኺቡ።
ኤርትራዉያን፣ ኣጀንዳ ወሃብቲ እምበር፣ ኣጀንዳ ተቐበልቲ ኣይንኹን።
ትኩራትን መስተዉዓልቲን ንኹን!
