ቀጻሊ ተጻብኦታት ሓያላን ሃገራት ጸረ ኤርትራ፡ ስለምንታይ?
ሰብ፡ ነባሪ ኣይኮነን፡፡ ይውለድ፡ ይወልድ፡ ይመውት። ኮምኡ ኢሉ፡ እናተተኻኽኤ ይቕጽል። ባህርያት፡ ድሌታት፡ መልክዓት፡ ሕብርታት፡ ክቀያየሩ ባህርያዊ’ዩ። ኣብ ኤርትራውያን ግን ፍሉይ ዘይቀያየሩ፡ ከም ኣብ እምኒ ዓረ ዝተነድሉ፡ ዘይሞቱ፡ ዘይሃሱ፡ ዘይበርሱ፡ ባህርያት ኣለዉ። ፍቕሪ ሃገር፡ ክብሪ- መንነት፡ ፍቕሪ- ሕውነት፡ ባህሊ ተኸባቢርካ ምንባር፡ ትብዓት- ሓቅነት፡ ጽንዓትj እምነት፡ ጅግንነት- ተወፋይነት፡ ኣብ ነፍሲ ወከፍ ኤርትራዊ ኣእሙሮን መንፈስን ዝተቐርጹ፡ ዘይሃሱን ዘይበርሱን ኣካል ናይ ህዋሳትና እዮም።
ቀጻሊ ተጻብኦታት ሓያላን ሃገራት ጸረ ኤርትራ፡ ስለምንታይ? ንዝብል ሕቶ መልሱ ብዙሕ እኳ እንተኾነ፡ ነዞም ዝተጠቕሱ ክብርታትና ኣፍሪሶም፡ ኣብቲ ንሳቶም ብምዕባሌ ዓይኒ ዝገልጹዎም ግስሩጣት ባህልታት፡ ባህሊ ግብረ ሶዶምነትን፡ ግዙእ ዕጸ-ፋርስነት፡ ቅሉዕ ኣመንዛርነት ኣተኣታትዮም መታን ክገዝኡና፡ ንብዙሕ ዓመታት ተቓሊሶምና ክዕወቱ ስለ ዘይካኣሉ፡ ብድሕሪ ሕጂውን መፈጸምታ ክርከቦዩ ኢልካ ግምት ዘይትህበሉ ተጻብኦታት፡ ዘጋጠሙናን ዘጋጥሙና ዘሎዉን። ህዝቢ ኤርትራ ዘይጸዓድ ህዝቢ’ዩ ክንብል ከሎና፡ ጸላእትና ከምዘይንጽዓድ፡ ልዕለና ኣጸቡቖም ይፈልጥዎ እዮም። ምኽንያቱ ብእኩይ ተግባሮንም ደቂ ሃገር ብጥቕሚ ኣስዲዖም ጸረ ህዝቦምን ሃገሮምን ክቃለሱ ብምግባር፡ ሃገራት ከፍርሱን፡ ኣህዛብ ከባሳብሱን፡ ክቐትሉን ከለዉ ኣባና ግን ክዕወቱ ስለ ዘይከኣሉ እዩ፡ ተጻብኦታቶ ከም ዘይነጽፍ ዛራ ማይ ዝቕጽል ዘሎ። እቶም ንምፍራስና መሳርሒ ክኾኑዎም ዝዓሰብዎም ደቂ ሃገር፡ ካብ ዕሱብ ዝብል ቅጽል ስም ውርደቶም ዘቃልዕ ምሽላም፡ ንዓሰብቶም ክሳራ እንበር መኽሰብ
ኣየምጽእሎምን።
ኤርትራዊ ካብ ሓስዩን ወሽለኽለኽ ኢሉ ዝህብትም፡ ሓቂ ሒዙ ክጠሚ’ዩ ዝመርጽ። ወሽላኽ፡ ዋላ በቶም ዝውሽልኸሎም እሙን ኣይኮነን። ንግዚኡ ክጥቀምሉ፡ ጥራሕ’ዮም ዝቐርብዎ። ምስ ዘየስልጡሉ፡ ብካልቾ ይቐልዕዎ። ንኣብነት፡ ሃሱሳት ነጻነት ኤርትራ ክቕልብሱ ብመምርሒ ወያነ ኣብ ኣዋሳ ዝገበሩዎ ጉባኤን ወያነ ዝሃበቶም ካልቾ ክንርኢ ንኽእል። ኣበይ ኣለዉ? እንታይ ከሲቦም፡ እንትርፎ ተነጽሎ ካብ ህዝቦምን ርእሶም ኣድኒኖም ምንባርን? ስኡን ግን፡ ኩቡር’ዩ። ሎሚ እንተጸገሞ፡ ጺዒሩ ጽባሕ ክሓልፈሉ ዝኽእል’ዩ። ህዝቢ ኤርትራ፡ ናይ ጺዒሮም ዝዕወቱ ሓቀኛ ኣብነት እዩ። ነዚ ዝገልጹ፡ ብዙሓት ኣብነታት ኣሎዉና። ገለ ካብኦም፡
(1) ህዝባዊ ግንባር ኣብ ግዜ ቃልሲ ንነጻነት፡ መታን ጸላእቱ ክስዕር፡ ክብሩ ሸይጡ ካብ ምዕራባውያን ኣጽዋር ኣይሓተተን።
(2)ጥሜቱ ክዕንግል፡ ኩባያ ስርናይ ኣይለመነን።
(3) ዕርቃኑ ክሽፍን፡ ክደኑኒ ኣይበለን።
(4) ሕማሙ ክፍውስ፡ መድሃኒት ለግሱለይ ኣይበለን።
ስለምንታይ?
ሃቡኒ፡ ግዙእ ስለ ዝገብረካ። በተሓሳስባኻ ክትከይድ፡ ስለ ዘይገብረካ። ኣብ ቅድሚ እቶም ትልምኖም፡ ከምኦም ሰብ ስለ ዘየሕስበካ። ናይ ዘሎካ፡ ዋና ክትከውን ስለ ዝዓግተካ። ከም ሰብ ዘይኮነ፡ ከም ህበይ ስለ ዘቖጽሩኻ። ኣብ ሃገርና፡ ሓደ ምሳለ ኣሎ፡፡ “ሃቡኒ ህበይ ይገብር”፡ ዝብል። ህዝባዊ ግንባር ዘይብሉ ከሎ፡ ብስእነት ኣየማረረን። ብሕማም፡ ኣይተደነሰን፡፡ ብዕርቃን፡ ኣይሓፈረን። ብውእግ፡ ኣይተሳዕረን። ጻዕሩን ተበላሕነቱን፡ ዓቕሉን ሓድነቱን፡ እምነቱን ካብ ናይ ሓያላን ኣጽዋርን ገንዘብን ንላዕሊ ሓያል ምዃኑ ኣሚኑ፡ ኣእሚኑ ስለ ዝመከተዩ ተዓዊቱ።
መንግስቲ ኤርትራ ነቲ እናተወራረሰ ዝመጸ ክብርታ ከይብተኽ፡ መንእሰያቱ
ብዘብለጭልጩ መፈንጠርያ ምዕራባውያን መታት ከይትሓዙ፡ የምህርን የሰልጥንን ኣሎ። ሃገሮም ዘየድፍሩ መንእሰያት ኣፍርዩን፡ የፍርን ኣሎ። እምበኣር ምዕራባውያን፡ ብፍላይ መንግስቲ ኣሜርካ፡ ነዚ ኣብ ኤርትራ ብመንእሰያት ዝስራሕ ዘሎ ምውርራስ ጅግንነት ንምቕሃምዮም ኣብ
ጎረባብትና ውጥም ውጥም ዝብሉ ዘለዉ። ንሕና ንምዝመዛ ኣሜርካ ይኹን ካልኦት ሃገራት ዝዕድም ክብርና ዘሕስር፡ መንነትና ዝሓክኽ ሰልኩታት ከምዘይነእቱ ንነብስና ኣጸቢቕና ንፈልጥ ኢና። ጎረባብትና ንዓና እናመሰሉ ዝኸዱ ዘለዉ፡ ኮይኑ ይስምዓና። ክኾኑ ከኣ፡ ተስፋ ኣሎና። ግን ክንዲ ብጹሕ ውላድካ ኣይትምሓል’ዩሞ፡ ነዚ ኣብ ዞባና ዝካየድ ዘሎ ምጉያይ ሓያላን መንግስታት ብቱኽረትን ዕምቆትን ንቕሓትን ክንከታቶሎ፡ እቲ ግዜ ይዕድመና ኣሎ። ልዕሊ ኩሉ መንእሰያት ኤርትራ ኣብ ደገ ይኹን ኣብ ውሽጢ ሃገር ዘሎኹም፡ ኣብ ማእገር ኣቦታትኩም ዘሎ ጾር ምቕባል ተራኹም ስለ ዝኾነ፡ ክሳብ ንሱኹምውን ንቐጻሊ ዎሎዶ ተረክቡዎ፡ ነቲ ሸኸም እጽኒዕኩም ሓዙዎ።
ንእግሪ መንገደይ፡ ሓደ ዝገረመኒ ነገር ኣሎ። ኣነ ጥራሕድየ ተገሪመ፡ ወይስ ንስኻትኩምውን ከምዚ ከማይ ተገሪምኩም ኣሎኹም? እዞም ናይ ሓሶት ሃዋርያት፡ ኳኽ ከለዉ ርግቢት ክኾኑ ዝደልዩ፡ ስም ፐረስደንት ኢሰያስ ክሰምዑ ከለዉ ዝብህርሩ፡ ፕሮፈሶር በሎም ዶክቶር፡ ከምኡውን ኣምባሳደር ዝብል ሽም ተገዚሞም ዝኸድዑ፡ ፖሎቲካዊ ቁርባን ቆሪቦም ድዮም ደሃይ ኣጥፊኦም? ፖሎቲካዊ ቁርባን ዝበሃል፡ ኣሎዶ ይኸውን? ወይስ ብኹነታት ጁንታ፡ ናይ ሓዘኖም ደበስ ተናዊሑ?
ዕድመን ጥዕናን ንህዝብና፡
ሞሳ ንምክልኻል ሓይልታትና፡
ዘልኣለማዊ ዝኽሪ ንሰማእታትና፡
ዓወት ንሓፋሽ፡
ገብረንጉስ መስመር፡
Re: ቀጻሊ ተጻብኦታት ሓያላን ሃገራት ጸረ ኤርትራ፡ ስለምንታይ?
Pictured: Michael Habtom, from Eri-Tel team.
Re: ቀጻሊ ተጻብኦታት ሓያላን ሃገራት ጸረ ኤርትራ፡ ስለምንታይ?
The መስቆርቆሪ ጁንታ in Asmara, is taking us for fools. Imposing sanctions on Red Sea Corp., a state-owned commodity Imp/Exp co. "won't hurt the Eritrean people", since it only creates scarcity of goods & a surge in commodity prices in the country.
Yes, the sanctions are imposed "to hurt the Eritrean people". Nothing more, nothing less!
TN: @tesfanews