Mereja.Forum

[Abe Abraham]

ቦታ ኣብ ሓደ ካፌ ሃገረ-ምዕራብ

ተጋሩ ፥ ክንድያን ወልዱን

ኤርትራዊ ፥ ኣብ ቅድሚ ኣብ ሽግር ምእታውኩም ምስ ኤርትራውያን ክትዛረቡ ዶ ኣይምሓሸኩምን ኔሩ ?

ክንድያ ፥ ኣታዮ እንታይ ኢኻ ትብል እኔአኻ ? ኣነ ይኽድ እኔኹ ። ( ምስ ዓርሱ እንዳ ተዛረበ ተመርቂፉ ይኸይድ)

ወልዱ ፥ ኣይትሓዘሉ ! ከምኡ እዩ ። ወርሒ ይገብር ሓደ ቀደም ዝፈልጦ " ክንድያ እንዲኻ ? " ኢሉ ተሓተቶ ኣይኮንኩን ኢሉ ኣሐሊልዎ ።

ኤርትራዊ ፥ ስለምንታይ ?

ወልዱ ፥ ክንድያ ልኾንን ለይኾንን ደስ ኻም ልበለኒ እዩ ብምባል !

ኤርትራዊ ፥ ክንድዚ ኣጉል ትሪ ካበይ ዝመጽአ ይመስለካ ?

ወልዱ ፥ ትግራዋይ ጎራሕ ፡ ልቢ ትግራዋይ ጥውይ-ዋይ ንሰምዕ ግን ኣብ ትግራይ ዓዲ ነጋውስን ሹማምንትን ትግራዋይ ኣድጊ ፡ ትግራዋይ ራስ-ድንጋይ ሰሚዕና ኣይንፈልጥን ።


ኤርትራዊ ፥ እዚ - ከምዚ ትብሎ ዘለኻ - ናይ ባህርያት ምቕያር ካበይ ዝመጽአ ይመስለካ ?

ወልዱ ፥ ገለ ሰባት ካብ ናይ ተራድኦ ስንዳይ ከይከውን ዝብሉ ኣለዉ ። ኣነ ግን ኣብ 'ዚ ጉዳይ ካልእ መግለጺ እዩ ዘለኒ ።

ኤርትራዊ ፥ ማለት ......

ወልዱ ፥ መራሕቲ - ንናይ ገዛእ-ርእሶምን ናይ ጎይቶቶም ጥቕምን ንህዝቢ ናብ ገደል ዝመርሑ ።

ኤርትራዊ ፥ ምስ ኤርትራውያን ዘረዳድእ ናይ ቋንቋ ሽግር የሎን ማለትካ ድዩ ?

ወልዱ ፥ ሕዚ ላውዚ ፡ ቦቲ ብዚ ፡ እኔአና እኔአኹም ፡ ....ንምርድዳእ ዘጸግም ኣይኮነን ። እቲ ናይና 'ውን እንተኾነ ናይ ፕላስ ና እዩ ። ብርቂ ነገር ኣይኮነን ።

ኤርትራዊ ፥ ጸገም ናብ ገደል ዘእትዉ መራሕቲ እንከለዉ ናብ ላውዚን ሕዝን ኣሕዋታን ኣይተላግቡ ማለትካ ድዩ ?

ወልዱ ፥ ባድመ ኣብ ኤርትራ እንከላ ኣብ ማእከል ትግራይ ኢያ ትርከብ ዝብል ዝነበረ ናይ ቋንቋ ዘይኮነስ ጸገሙ ካልእ እዩ ። ሕጂ 'ውን ነዚ ኩሉ ቆልዓን መንእሰይን ትግራይ ብከንቱ ንክቕዘፍ ናብ ዓደ-ኣምሓራን ምድሪ ዓፋርን ዝልእኽ ዘሎ ናይ ቋንቋ ሽግር ሃልይዎ ኣይኮነን ።

ኤርትራዊ ፥ እሞ ካብ ተጋሩ እንታይ ትጽበ ?

ወልዱ ፥ ነቶም መራሕቲ ዝባሃሉ ካብ ዝባኑ ንሓንሳብን ንሓዋሩን ከውርዶም ኣለዎ ።

ኤርትራዊ ፥ ብከመይ ?

ወልዱ ፥ ንሱ ዳሕራይ ንርእዮ ጉዳይ እዩ ። ሓደ መዓልቲ ንህዝቢ ትግራይ ክርህዎ እዩ ። ኣነ በዛ ነብሰይ ድምጺ ሓፋሽ እንዳ ሰማዕኩ ስለ ዝዓበኹ ምስ ኤርትራውያን ናይ ምርድዳእ ጸገም የብለይን ። ዝገርመካ ኣብ ትግራይ ወለዶም ተጋሩ ዝኾኑ ብቲቪ ኤረ ምክትታል ትግርኛ ዝኾኑ ኣቖልዑት ኣለዉ ። ከም በዓል ህጻን ዶናት ዝኣመሰላ ። ተስፋና ካብ ኣታቶም እዩ ።

ኤርትራዊ ፥ ስተ በል ፡ ቡንካ ዝሒሉ ። ኣብ ትግራይ ቡና እንዲኹም ትብልዎ ?

ወልዱ ፥ ሃ ሃ ሃ ሃ !!! ኣይትሳኣኑ ኤርትራውያን እማ እዛ ዋዛን ምሕጫጭን ለይትገድፉ ! ብዝኾነ ትምኒት ወልዱ ጓለይ ኣይኮነትን ። ንክወልዳ ዕድመይ ኣየፍቅድን !!!

[Abe Abraham]

ኤርትራዊ ፥ ወያነ ከዳሚ ክበሃል እንከሎ እንታይ ይስመዓካ ኔሩ ?

ወልዱ ፥ ገሊኦም ንቋንቋ ትግርኛ ኣጸቢቖም ስለ ዘይመልክዎ ከዳሚ ትብል ቃል ክሰምዑ እንከለዉ ከምዚ ጸርፊ ኮይኑ ይስመዖም ኔሩ ። እቲ ሓቂ ግን ንሱ ኣይኮነን ። እዚ ኩሉ ንርእዮ ዘለና ናይ ኣሜሪካ ምዕልባጥ በቲ ሓደ ምልክት ናይ ትዕቢትን ብጌጋኻ ምእማን ዘይምድላይን ክኸውን እንከሎ በቲ ሓደ ድማ ከዳሚኦም ካብ ስልጣን ስለ ዝተባረረ እዩ ። ነዚ ዘረጋግጽ ባዕሎም ነፍስ-ሄር ኣይተ ስዩም መስፍን ቅድሚ ምሟቶም " ዘረይቲ ኣለዉና ፡ ኣይትቕረቡና " ብዘሰምዕ ኣገባብ " ኣብ 'ዚ ኣከባቢ ጥቕሚ ዘለዎም ሓይልታት ስለ ዘለዉ ኣብ ርእሴና ስጉምቲ እንተ ተወሲዱ ኣእዳዎም ኣጣሚሮም ጠጠው ከም ዘይብሉ ክፍለጥ ኣለዎ " ኢሎም ምዩቕ እንዳ በሉ ኣፈራሪሖም ኔሮም ። ካብ 'ዚ ዝበለጸ ወያነ ስጋዕ ክንደይ ኣብ ውዲትን ክፍኣት ግብርን ተቛማጢዑ ከም ዝነበረ ዘብርህ ጭብጢ የለን ። ንወያነ ምስ ዓሌታውያን መጸይቲ ደም ኣሜሪካውያንን ኤውሮጳውያንን ዘተኣሳስራ ክድምና እምበር ናይ መሰል ወዲ ኣዳም ሓልዮት ኣይኮነን ። ንኣብነት ኣሜሪካ ብዓለም ይኹን ብናይ ውሽጢ ሃገር ደረጃ መሰል ወዲ ሰብ ዝበሃል ነገር ከም ዘየገድሳ ንፈታውን ጸላእን ቅሉዕ እዩ ።

እሞ ንከዳሚ ከዳሚ ክበሃል እንከሎ ቅኑዕ ስለ ዝኾነ ቅቡሉ ኮይኑ እዩ ዝስማዓኒ - ሕጅን ቀደምን ።