ዓንሰባ – ምስፋሕ ኣገልግሎት ተንቀሳቓሲ ቴሌፎን ብጽቡቕ ይግስግስ
https://www.dendenmedia.com/2020/11/12/ ... -ተንቀሳቓሲ-ቴ/
5 days ago
ኣብ ዞባ ዓንሰባ፡ ብሰንኪ ጂኦግራፊያዊ ኣቀማምጣ ኣገልግሎት ተንቀሳቓሲ ቴሌፎን ከይበጽሖ ዝጸንሐ ከባቢታት ንምርኻብ ክካየድ ብዝጸንሐ ጻዕሪ፡ ኣብ ንኡስ ዞባ ሓጋዝ – ነበርቲ ልዕሊ 10 ዓድታት ምምሕዳራት ከባቢ በጉ፡ ኢንጭናቕን ግላስን ተጠቀምቲ ክኾኑ በቒዖም።
ብመሰረት ሓበሬታ ወኪል
ኤሪና፡ ኣብ ምምሕዳር ከባቢ በጉ – ዓድታት
ቦሳ፡ ብሃይማኖት፡ ገዓብ፡ መሓረ፡ ኣሽዓላ፡ ጉበናባዜን፡ ኣምዑት፡ ዓድ-ሕመድ፡ ኢንኪመትሪ፡ ፍርድጊ፡ ኣሸዲራን ከባቢታት ጥንቁላሓስን፡ ከምኡ’ውን ገለ ክፋል ምምሕዳራት ከባቢ
እንጭናቕን
ግላስን፡ ካብ ዝሓለፈ ወርሒ ጥቅምቲ ተጠቀምቲ ኮይነን ኣለዋ።
ነበርቲ ኣብ ዝሃብዎ ርእይቶ፡ ዝነብሩሉ ከባቢታት ኣዝዩ ዓሚቚን ብጎቦታት ዝተኸበን ብምዃኑ ናይ መስመር ጸገማት ከምዝነበሮ፣ ስለ’ዚ ድማ ጉዳያቶም ንምስላጥ ናብ ከረንን ሓጋዝን ክኸዱ ስለዝግደዱ፡ ማሕበራውን ቁጠባውን ጸቕጢ ክፈጥረሎም ምጽንሑ ብምጥቃስ፡ ኣብ’ዚ እዋን’ዚ ግና ኣብ ገዝኦም ኮይኖም ጉዳያቶም ብቐሊሉ ከሳልጡ ከምዝበቕዑን ጸገማቶም ከምእተቐንጠጠን ገሊጾም።
ምምሕዳር ከባቢ በጉ፡ ሓንቲ ካብ 15 ምምሕዳራት ከባቢ ንኡስ ዞባ ሓጋዝ ኮይና፡ ካብ ከተማ ሓጋዝ 19 ኪሎሜተር ንሸነኽ ምብራቕ፣ ካብ ከተማ ከረን ድማ 6 ኪሎሜተር ንሸነኽ ምዕራብ ርሒቓ ትርከብ።
_____________
ኣብ ልምዓት መስኖ፡ ምዝውታር ዓበይቲ ኣትክልቲ ውጽኢታዊ ምዃኑ፡ ኣብነታዊ ሓረስታይ ገሊጹ
https://www.dendenmedia.com/2020/11/17/ ... ር-ዓበይቲ-ኣት/
11 hours ago
ኣብ ልምዓት መስኖ፡ ምዝውታር ዓበይቲ ኣግራብ ውጽኢታዊ ምዃኑ፡ ካብ 1998 ኣብ ገማግም ሩባ ግራሻ – ሓውሲ ከተማ ሃይኮታ ዝነጥፍ ዘሎ ኣብነታዊ ሓረስታይ ቀሺ
ተኽለ ነገደ ገሊጹ።
ዓበይቲ ናይ ኣትክልቲ ፍረታት፡ ብብዙሕ መለክዒታት ውጽኢታዊ’ዩ
ዝበለ ቀሺ ነገደ፡ ኣሕምልቲ እናፍረኻ ክትሰርሖ ስለዝከኣል፡ ኣልማዕቲ ኣቓልቦ ክገብሩሉ ኣዘኻኺሩ።
ኣብ ወሰናስን ሩባታት ዝካየድ ንጥፈታት ልምዓት፡ ኣብ ዓበይቲ ኣግራብ ምስ ዝኸውን፡ ፍግረ-መሬት ዝከላኸልን ቀጻልነት እቶት ዘረጋግጽን ብምዃኑ ድርብ ረብሓ ከምዝርከቦ ብግብሪ ከምዘረጋገጸ ጠቒሱ ድማ፡ ኣልማዕቲ ናይቲ ከባቢ ኣሰሩ ክስዕቡ ጸዊዑ።
ዛጊት ኣብ ውሱን መሬት – ኣራንሺ፡ ለሚን፡ ዘይቱንን ካልኦት ፍረታትን ዘጠቓልል ልዕሊ 300 ኣግራብ ከምዘልምዐን ኣብ ደረጃ ፍረ ከምዝበጽሐን ዝገለጸ ቀሺ ተኽለ፡ ጎኒ-ጎኒ’ቲ ኣብ ዓበይቲ ኣግራብ ኣተኲሩ ዝገብሮ ወፍሪ፡ ኣብ ልምዓት ኣሕምልቲ’ውን ከምዝነጥፍ፡ እዚ ድማ ዕለታዊ ጠለባት ስድራ-ቤቱን ከባቢኡን ብምምላእ፡ መነባብሮኡ ከምዝለወጠ ኣረጋጊጹ።
ሓላፊ ቤት-ጽሕፈት ሚኒስትሪ ሕርሻ ኣብ ንኡስ ዞባ ሃይኮታ ኣቶ
ዮናስ ዮሴፍ ኣብ ዝሃቦ ሓበሬታ፡ ኣብነታዊ ሓረስታይ ቀሺ ተኽለ ነገደ፡ ብዘካይዶ ኣብ ስነፍልጠት ዝተመርኰሰ ኣሰራርሓ፡ ዝተፈለላየ ዓይነታት ኣትክልቲ ብምትእታትው፡ ብምድቓልን ብምብዛሕን እውን ፍሉጥ ምዃኑ ብምግላጽ፡ ምስ ክኢላታት ሕርሻ እናተማኸረ ስለዝነጥፍ፡ ኣብነት ውጽኢታዊ ዕዮ ኰይኑ ከምዘሎ ኣረዲኡ።
ብቐሺ ተኽለ ነገደ ዝለምዕ ኣብ ፍረታት ዘተኰረ ሕርሻ፡ ኣብ ዞባ ጋሽ-ባርካ ብዝለዓለ ደረጃ ክድፋኣሉ፡ ሓረስቶት ድማ ነዚ ኣብነታዊ ስራሕ ክስዕብዎ፡ ኣቶ ዮናስ ብተወሳኺ ተላብዩ።
________________
መደባት ምግራብ፡ ብውጥን ምዕቃብ ክስነ መዘኻኸሪ ቀሪቡ
11 hours ago
https://www.dendenmedia.com/2020/11/17/ ... ዕቃብ-ክስነ-መ/
ኣብ ዝተፈላለየ ከባቢታት ሃገርና በብዓመቱ ዝትግበር መደባት ምግራብ ውጽኢታዊ ንክኸውን፡ ኣቐዲሙ ናይ ምዕቃብ ውጥን ክዳለወሉን ዓድታት ሓላፍነት ወሲደን ብግቡእ ክከታተልኦን፡ ወሃብቲ ርእይቶ ጸዊዖም።
ኣብ ዝሓለፈ ኣስታት 20 ዓመታት፡ ብወፍሪ ልምዓት ተመሃሮ፡ ከምኡ’ውን ብኮም፡ ሰራሕተኛታት ትካላት መንግስትን ውልቀ ገረብትን ሚልዮናት ፈልሲታት ኣግራብ ከምእተተኽለ፡ እንተዀነ ግን ናይ ዕቃበ ውጥን ወጺኡሉ እቲ ዝድለ ምክትታልን ሓለዋን ስለዘይተገብረሉ፡ እቲ ዝጸደቐ ምስ’ቲ ዕላማን ራእይን ዝሳነ ከምዘይኰነ፡ እቶም ወሃብቲ ርእይቶ ገሊጾም።
ብሰንኪ ዘይምህላው ውርጹጽ ናይ ምዕቃብ ውጥንን ግቡእ ምክትታልን፡ ፍግረ-መሬት ንምክልኻል ዝተተኽለ መበቈላዊ ኣግራብ ንዘቤታዊ ጸዓትን ምስፋሕ ሕርሻታትን ክቑረጽ፡ ከተማ ንምምዕራግ ዝተተኽለ ድማ ብጥሪት ክብላዕ ምርኣይ ልሙድ እናዀነ ምምጽኡ ጠቒሶም ድማ፡ ነበርትን ዝምልከቶም ኣካላትን ኣብ ዕቃበ ኣግራብ ዕቱብነት ከርእዩ ኣተሓሳሲቦም።
ሕሩም ሕዛእቲ ኣብ ዕቃበን ምስሳንን ሃብቲ ገረብ ንዘለዎ ኣበርክቶ ዝጠቕሱ ሞያውያን ብወገኖም፡ ኣብ ርእሲ ምውሓስ ቀለብ እንስሳታታት፡ ቁጠባዊ ረብሓታት’ውን ስለዘለዎ፡ በብከባቢኡ ክድፋኣሉ የዘኻኽሩ።
