FYI - UPDATE: Two buses, reportedly carrying Eritreans from the concentration camps in Tigray.
ኣንቱም ሰባት፡ እዚ ሎም ቅነ ርሱን ዜና ኮይኑ ዘሎ ብዛዕባ ርክብ ኣብ ዶባት ኤርትራን ኢትዮጵያ (ትግራይ)ን ዝነብሩ ህዝብታት ዝብል ኣርእስቲ ዝወሃቦ ዘሎ ተስትውዕልሉ ዶ ኣለኹም? ተጋሩ ካብ ዛላንበሳ ዶ፡ ብመረብ ዶ፡ ብሸሸቢት ዶ፡ ብኦም ሓጀር ዶ. ... ኮታስ ብብዙሕ ቦታታት፡ ምስቲ ሓውና ዝበልዎ ህዝቢ ኤርትራ ክራኸቡ ክጎዩ ይረኣዩ ኣለዉ። እዚ ከኣ ከም መግለጺ ሰናይ እምበይምተጸልአን።
እንተኾነ ግን፡ ነቲ መንግስቲ ኤርትራን ማእከላይ መንግስቲ ኢትዮጵያን ዝኸተምሉ በዓል 5 ነጥቢ ስምምዕ፡ ኣብ ሞንጎ ኣይምቕባል ኣይምጻግ ዝተቐርቀሩ ኣመሓደርቲ ክልል ትግራይ፡ ልዕሊ ጉጭ ትሕቲ ጉጭ ኣብ ዝብለሉ ዘሎ እዋን፡ ህዝቢ ትግራይ ንዶባቶም ጥሒሶም ንሰራዊት ምክልኻል ኤርትራ በጃኹም ኣሕልፉና ምስ ጎረራብትናን እሕዋትናን ኤርትራውያን ክንራኸብ ኢሎም ክሓቱ ምርኣይ፡ ህላወን ተሰማዕነትን ማለሊታውያን ክሳብ ክንደይ ባይታ ከም ዝዘበጠ ዘመልክት ኢዩ። ስነ ሓሳብ መለሳውያን ወየንቲ ብማሕበረ ሰብ ዓለም ይኹን ብህዝቦም ፍጹም ተቐባልነት ከምዘይብሉ ዘመልክት ኢዩ። እዚ ከኣ ቃል ክቡር ፕረዚደንት ኤርትራ ኣብ መሬት ከም ዘይወድቕ ዘደርዐ ሓቂ የርእየካ ''Game over".
ካልእ ክስትውዓል ዘለዎ ነገር ከኣ፡ እቲ ትማሊ ንብረት ኤርትራውያን ንክራሲ፡ ሬሳታት ኣሕዋቱን ደቁን እንዳ ረገጸ ዝመጸን፡ ጥሪት ኤርትራውያን ራስዩ ዝኸደን ህዝቢ ትግራይ እኮ ብፍላይ ተቐማጢ ዶብ ምዃኑ ኢዩ። እሞ ከ ደኣ "ወጋኢ እንተረስዐስ ተወጋኢ ኣይርስዕን" ከም ዝበሃል በታ ሻውዓይቲ ልቦም ዶ ኾን ይሓስቡ ይህልዉ።
ንምጥቕላል፡ ርክብ ህዝቢ ምስ ህዝቢ፡ 2 መንግስታት ብዝወሰንዎ መንገዲ ደኣምበር፡ ሓደ ሕሱርን ውርደተኛን ጭፍራ ብዝወሰኖ ዝትግበር ዘይምኳኑ ኩሉ ክርደኦ ይግባእ። ህዝቢ ደፋፊእካን ኣለዓዒልካን፡ ደላይ ሰላም ተመስልካ ምቕራብ፡ ኤርትራውያን ብሓንቲ እምኒ 2 ጊዜ ክንዕንቀፍ ከምዘይንኽእል፡ እዛ ጭፍራ ክትፈልጥ ይግበኣ። ማዕበል ሰላማውያን ተጋሩ ናብ ዶባትና ምምጻእ ከኣ፡ ተጋሩ ክሳብ ክንደይ ንስዑድያኦም (ኣደ እንጌረኦም) ዝኮነት ኤርትራ ስለ ዝናፈቑ ደኣምበር፡ ምዕጉርቲ ኤርትራውያን ንምስዓምዝበሃጉ ከም ዘይኮኑ ርዱእ ኢዩ።
ትግራዎት ልቢ እንተሂብዎም ኣብዛ ወጣሪትን ቀራናን እዋን፡ ሓንሳብን ንሓዋሩን ንስርዓት ወያነ ኣዕሚቆም ምቕባር ጥራሕ እዮም ክገብርዎ ዘለዎም። እቲ ካልእ ጸኒሕካ ዝግበር እዩ። ኣለዉ ዝበሃሉ ዓበይቲ ዓድን፡ ናይ ሃይማኖት መራሕትን ምሁራትን ደሚርካ ነዚ ኣብ ልዕሊ ህዝቦም ዘንጸላሉ ዘሎ ጸላም ተገንዚቦም፡ ነቲ ጠሊምዎም ዝመጸ ከዳዕ ስርዓት ወያነ ሓንሳብን ንሓዋሩን ከቃብጽዎ ይግባእ። ዴምሓት ኣብዚ ዓቢ ግደ ከበርክት ትጽቢት ይግበረሉ ኣሎ። እዚ ከይገበሩ ብደቡብ ይኹን ብሰሜን ምብራቕን ምዕራብን ወሲኽካ፡ ኣብ ከበባ ስለዝጠሓሉ፡ ከም ህዝቢ ከይተዳቐቑን ኣብ ሕሰም ከይወደቑን ምስ ዝሰፍሐ ህዝቢ ኢትዮጵያ ጠጠው ክብሉ ታሪካዊ ሓላፍነት ዝስከሙሉ እዋን ሕጂ እዩ። ብድሕረይ ሳዕሪ ኣይትብቆላ ዝብል ፕሮፖጋንዳ ወየንቲ ኣብ ውሽጢ ትግራይ ይንብድበድ ስለዘሎ፡ ኣብ መንጎ ዕግርግር ምስዝጎሃሃህር፡ እቶም ጠላማት መራሕቲ ወያነ ከም ኣመሎም ነቲ ህዝቢ ራሕሪሖሞ ናብ ዱባይ ክሃድሙ ምዃኖም ተረዲኡ እጂ እዩ ስጉምቲ ክወስድ ዘለዎ። ስለዝኾነ እዚ ናይ ዓቕሊጽበታዊ ዶብ እንዳሰገርካ ዝግበር ናይ ብሑጋ ርክብ ንወያነ ሂወት መዝርኢ ኢልካ ዝግበር ሃልኪ ስለዝኾነ፡ ዝያዳ'ዃ ድኣ መንዓቒኦም ኮይኑ ስለዘሎ እቲ ህዝቢ ይንቀሓሉ። ስለዚ፡ ህዝቢ ኤርትራ ነዚ ርክብ ህዝቢ ንህዝቢ ዝበሃል ዘሎ መጀመርታ ዕዮ ገዛኹም ምስገበርኩም ነርክበሉ በሃሊ እዩ ።
________
_______________________
VoA Tigray and BBC Tigray, giving life support and intensive care treatment to the woyane.
ብዛዕባ ሕጋውነት`ቲ ተርእዮታትን፡ ፖለቲካዊ ኣንፈታቱን፡ ሕቶታት ምልዓሉ ኣይተረፈን።
ንምዃኑ፡ ኣብ`ቲ ዶባት ዘሎ ኩነታት እንታይ ይመስል። ብወገን ህዝቢ ትግራይ ዝርኤ ዘሎ ናይ ምብጽጻሕ ስጉምቲ`ኸ ብወገን ኤርትራ ተመሳሳሊ ምላሽ ይረክብ ኣሎ`ዶ። ኣብ መንጎ ዶባት ክልተ ሉዑላዊ ሃገራት ክፍጸም ዝግብኦ ሕጋዊ ናይ ኢምግረሽን መስርሕ`ከ ከመይ ክሳለጥ ይግብኦ ዝብል ሕቶታት ሒዙ ክልተ ምሁራት ዓዲሙ`ሎ።
ዶ/ር
ተስፋማርያም መሓሪ ካብ ዓዲ እንግሊዝ፡ ናብዝን ናብትን ምባል ክንህወኽ የብልናን ክብል ከሎ፡ ኣቶ
መሓሪ ዮውሃንስ ካብ ዩኒቨርሲቲ መቐለ ድማ፡ ናይ ሰላምን ሕውነትን ስምዒት ዝደፍኦ ስለዝኾነ፡ ህዝቢ ምርኻቡ ክተባባዕ ዝግብኦ`ዩ ይብል።
ቀዳማይ ክፋል`ቲ ዘተ ኣብ`ዚ ምስማዕ ይክኣል።
https://av.voanews.com/clips/VTG/2018/0 ... e6_48k.mp3
______
________________
መቸም ከም ንፈልጦ: ህወሓት ይኹኑ ስዓብቶም ፖለቲካዊ መኽሰብ እንተረኸቡ ኢሎም ዘይፍትኑዎ ፈተነ የለን:: ሓደ ካብኡ: ብዓል ኣሸንዳ ምኽኒያት ብምግባር ንህቡብ ድምጻዊ
ካሕሳይ በርሀ ኣብኡ ንኽዉዕል ኮንሰርት ዓዲሞሞ: ንሱ ስራሕ ኮይኑዎ ከይዱ ንዕኡ ኢሎም ዝሰለዑዎ ገንዘብ ግና ክህሉዎም"ዩ:-
ካብኣቶም"ስ ያእይ ነቲ ይቅረ ዘይብሃሎ ዝፈጸሙዎ ገበናቶም ብኸምዚ ሓደ ክልተ ህቡባት ሰባት ብምምጻእ ገለ"ተ ተቃለለሎም ብምባል"ዮም እዚ ግን ኮንቱ ፈተነ ጥራሕ"ዩ:- እዚ ህዝቢ ንህዝቢ"ዶ ወላ ጅኒዕፍሪት እናበሉ ብሑጏ ስግረ ዶብ ዝኣትዉ ዘለዉን እቶም ትማሊ ኣንጩዋ ሓለፈት"ዶ ድሙ ተዓንቀፈት ክብሉ ዝወዓሉን ተጋሩ እንብኣር መቀጸልታ ናይቲ ሕሉፍ ዘካይዱዎ ዘመተ"ዩ:-
ብዝኾነ ሕጂ ውን መርገጺና ንጹር"ዩ ፍቅሪን ጉርቡትናን ደሊኹም ነቲ ብማእከላይ መንግስቲ ዝወጸ ኣዋጅ ሰላም ከምቲ ህዝቢ ኢትዮፒያ ብዘይቅድመ ኩነት ተቀቢሎሞ ዝኸዱ ዘለዉ ንስኹም ውን ብሓጎስ ምስ ትቅበሉዎ ጥራይ"ዩ ተዘየለ ኣብ እንዳማትካ መሬት ኮንካ ህዝቢ ንህዝቢ"ዶ ቡን ሽኮር ሕንባሻ ሒዝና ከድና ምስ ወተሃደራት ኤሬትራ ተራኺብና ተሳኢልና"ዶ ገለ:-
ክክክ መስሓቅ ተራኺብካ ስለ ድተሳኣልካ ሰላም ረኺብካ ማለት ኣይኮነን ሕጂ ውን እቲ ሕማም ኣብቲ Game Over ተባሂሉ ዘሎ ህወሓትኩም"ዩ ዘሎ ስለምንታይ ኢኹም ንሰላም ትኣቢዩ ዘለኹም ኢልኩም ሕተቱዎም ተዘየለ ጏል መንገዲ እናምጻኹም ሸንኮለል ግደፉ ባዕልኹም ኣብ ትዕዝብቲ ኣቲኹም ብኽብረት ኣቢኹም ብሕስረት መረጽኩም በቃ!!::
(Eri Swiniwano)
