(ጀናይ) - እዛ እኽብካብ ’’ኣትማን ተከዘ’’ ዝኾነት ጉጅለ ህወሓት፣ ኣብ ኣክሱም-ሆተል ተሓቢኣ፣ ቺቫዝ-ዊስኪ እናጨለጠት ’’ኣደራራስ’’ እያ ክትጻወት ትውዕል ዘላ ኢሎማ።
በዓል ደብረጽየን ምስ በዓል ጌታቸው-ረዳ ኣደራራስ ክጻወቱ፣ ኣቦይ ስብሓት-ነጋ ድማ በቲ ገዚፍ ኢዱ ገይሩ ሕቖኦም ጠ..ፋ..ዕ ከብሎም ይውዕል ኣሎ’ዩ ዝበሃል ዘሎ። ኣቦይ ስብሓት ዝደሰቖም፣ ’’መን ሃሪሙካ ተዛረብ?’’ እንተተባህሉ፣ ’’ኢሰያስ’’ ጥራይ ኮይኑ መልሶም፣ ኣቦይ ስብሓት-ነጋ ከኣ መፍቶቱ ረኺቡ
እናበለ ክድግድጎም’ዩ ዝውዕል ዘሎ ኢሎምኹም።ሃራሚኻ ኣይፈለጥካን ዘለኻ፣ ኢሰያስ ኣብዚ የለን፣ ተመሊስካ ጥራይ ሕቆኻ ሂብካ ኣብኡ ድረስ
ሱቕ ኢልካ’ዩ ናይ ህወሓት ነገር .........!!!
ኣብ ሆተል ተዓጺኻ ከም መርዓት ሕጽኖት፣ ሪሞት ኣብ ኢድካ ሒዝካ፣ ካብ ዓራት ናብ ሳሎን እናተናጠርካ ምሉእ መዓልቲ ክትመጣላዕ ትውዕል እንተኾንካ ደኣ፣ ኩለን ቻነላት ተለቭዥን ቀያይርካ እንተበጻሕካየን’ውን ግዜ ዝኸይድ ኣይኮነን፣ ኣደራራስ ተጻዊትካ’ውን እንተዓሪቡ’ዩ።
ጌታቸው-ረዳ እኳ ካርታ ምጽዋት’ዩ ዝፈቱ ኢሎሞ፣ እንተኾነ ኣቦይ ስብሓት-ነጋ ብሕማም ረሲዕ ዝኣክል ፎንቲ ድዩ ወላ ሸባ’ውን ፈላልዩ ክሰርዕ ስለዘይክእል፣ ንዑኡ ክብሉ’ዮም ኣደራራስ፣ ዳማ ገለታት ክጻወቱ ዝውዕሉ ኢሎሞም።
ኣብ ባይታ ዘሎ ሓቂ፣ ኣቦይ ስብሓት-ነጋ ብጣዕሚ ሰብ ምእማን ስኢኑ፣ ብደቂ ሓፍቱ፣ ደቂ ጓሉ ተኸቢቡ’ዩ ዝንቀሳቀስ። ሞራል ክኾኖ ኢሎም ግዲ ኮይኖም፣
ኢሎም ተመጻቢዖምሉ ከምዘለው ሰሚዕና።ዝመጽእ ዘሎ መበል 87 ዓመት መዓልቲ ልደትካ (Birthday)፣ ዓለም ዘዛርብ ጌርና ብፍሉይ ከነብዕለልካ ኢና
ጉዳያት ከምዚ ንርእዮ ዘለና ግና፣ እታ ’’Birthday celebration’’ ዝብልዋ ዘሎዉ ጽምብል ናብ ’’Death day celebration’’ ምቅያራ ኣይተርፋን’ዩ ዝመስል።
ሱቕ ኢልካ’ዩ ናይ ህወሓት ነገር...... !!!
ቀደም’ውን ኣብ ደደቢት ኮይና ደይ ’’እንቶሽ-ባዶሽ’’ ክትብል እንደሚኖ ክትጻወት’ያ ግዜኣ የሕሊፋቶ፣ ዕድላ ጸቢቁ እንደኣላ ሳላ ህዝባዊ ግንባር ተሓንጊራ ኣዲስ-ኣበባ ኣትያ።
ሱቕ ኢልካዩ ናይ ህወሓት ነገር...... !!! ባህ ኣይበል፣ እቲ ኢሳያስ እንድዩ ከኣ ደንጉዩዎም ሓዲኡ ከይገብሮም።
ህውሓት እዛ ጉጅለ ’’ኣትማን ተከዘ’’ ብጎሮሮኣ ተታሒዛ ኣብ ጻዕረሞት እናሃለወት፣ ሻዕብያ ብጥይት ተኲሱ ክቀትላ’ሞ ክብረት ንክትረክብ’ዩ ዘሎ ኩሉ ጻዕራን ትምኒታን። እሞ የለን ፣ ጥይት ሻዕብያ ውሒጥኪ ሞትኪ ማለት ዘበት !!!
ነዛ ጉጅለ ’’ኣትማን ተከዘ’’ ንምጥፋእ፣ ብደረጃ ሃገር ዘይኮነ፣ ሳክት ካብ ሓንቲ ንእሽቶ ዓዲ ካብ ጓይላ ብ’’ዝዕወት፣ መን ሓራይ’’ ተኣኻኺቦም ከይዶም ምሰለቅዋ። ጥር ትብል እትጠፍእ ህይወት ክህሉ ስለዘይተደልየ ግና፣ ካብ ውሽጣ ብመዋዕልታ መባልዕታ መሳትይታ፣ ገረብ ብሓኽላ ጌርካ ንምሕናቃ’ዩ እቲ ጸወታ ዝምጠጥ ዘሎ። ኮለል ገዲፍካ ’’ክሳድ ሓዝ’’ ዝብልዎ ዘለዉ ነዚ’ዩ።
ሻዕብያ ኲናት እንተዝደልዩ ደኣ፣ ዝሓለፈ 20 ዓመት መን ብኢዶምን እግሮምን ሒዝዎም?። ብልክዕ ዝሓለፈ ዕስራ ዓመት ኣብ ኵናት ኢና ነይርና፣ ግና ሜላ ኲናት’ዩ ተቀይሩ፣ ክዛዘም’ዩ ኸኣ። እዚ ኩሉ ዓመታት ተጸሚሙ፣ ኣብ ሕጂ በጺሑ መንግስቲ ኤርትራ ናብዛ ጉጅለ ’’ኣትማን ተከዘ’’ ብረት ኣልዒሉ፣
ቶግ
ቶሮግ
ቶሮግ-ሮግ ..... ምባል ከም ቀዳማይ ኣምራጺ ዝወስዶ ኣይኮነን።
ሕሰብዎ፣ ውዕል ሰላም ካብ ዝፍረም ካብ ባድመ ንኸነውጽኦም ኢልና ኵናት እንተንኸፍት፣ ብርግጽ ምሰጎግናዮም፣ መስዋእቲ ምኸፈልና፣ ካብ ወገን ጸላእቲ’ውን ተራ ወተሃደራት ምቐተልና፣ እቶም መራሕቲ ህውሓት ክሳብ ዝሃለዉ ግና እቲ ጉዳይ መደምደምታኡ ኣይመተኣማመነን። ኣብ ውሽጢ’ዚ ክልተ ዓመት፣ ምልክዑ ብዝቐየረ ኲናት ግና፣ ክንደይ ጀነራላት ናይ ህውሓት ወዲቖም፣ ካብ ስራሕ ወጻኢ ኮይኖም ኩሉ ዝምስክሮ’ዩ። ምሉእ ሰላም ንምርግጋጽ፣ ኣብ ዓይነቱ ዝቐየረ ኲናት ኢና ዘለና።
እዛ ጉጅለ ’’ኣትማን ተከዘ’’ ከም ካሮቲ ካብ ሱራ ተማሒያ ከይወጸት፣ ኣብ ቀርኒ ኣፍሪቃ ሰላም ተረኽበ ማለት ዘበት ስለዝኾነ፣ ጸላኢ ክሳብ ዝሃለወ እቲ ሜላ ዝቐየረ ኲናት ንስለ ሰላም ክህሉ ናይ ግድን’ዩ !!!
...........ከምኡታት እዩ።
