ዓቕመይ ብዘፍቅዶ ብመንገዲ ክርስቶስ ዝመላለስ ሰዓቢ ካቶሊካዊት ቤ/ክርስትያን ተቐማጢ ከተማ ኣስመራ እየ። እንሆ ከኣ ዕለት 24/02/2020 መበል 50 ዓመት ክብረ-በዓል ቤ/ክርስትያን ኪዳነ ምህረት ንከጸንብል ኣብቲ ቦታ ተረኺበ ኣብ ሞንጎ ምእመናን ኮፍ ኢለ ነበርኩ። ኣብ ሞንጎ ሰዓታት ቅዳሴ፣ ናብ ጽምብል ተዓዲሞም ዝነበሩ ልኡኻት ካቶሊካዊት ቤ/ክ/ኢትዮጵያ ካብ ኤርፖርት ስለዝተመልሱ ብተግባር መንግስቲ ኤርትራ ሓፊርና ክብሉ ኣቡነ መንግስትኣብ ብዓውታ ገለጹልና። ንኩሉ ምእመናን ዘሰንብድ ወረ ነበረ። በዚ ሕማቕ እንዳተሰማዓኒ ከኣ ንቤተይ ተመለስኩ።
እቲ ዘረባ ኣብኡ ኣየብቅዐን። ብቅንያቱ ኣብ ተለቭዥናት ኢትዮጵያ፣ ብድምጺ ኣመሪካ፣ ኣብ ኢንተርነትን፣ ብረድዮ ቫቲካን፣ ብካልኦትን ብበበይኑ መልክዕ ተፈነወን ተደጋገመን። ዘደቅስ ኣይኮነን። ኣነ’ውን እሙን ሰዓቢ ካ/ቤ/ክርስትያን፣ ንመራሕታ ምእዙዝ፣ ስለዝኾንኩ ነቲ ሓቂ ክፈልጥ ክብል ኣይደቀስኩን። ካብ ከባቢ ክ/ሃይማኖታዊ ጉዳያት፣ ቤ/ጽ/ካቶሊካዊት ቤ/ክርስትያን፣ ካብ ከማይ ዝበሉ ተገደስትን፣ ኢንተርነትን ዝረኸብኩዎ ከካፍለኩም። ንቕደም በሉ።
ኣቡነ ሱራፌኤል ብ2017 ንጉባኤ ጳጳሳት ካቶሊክ ምብራቕ ኣፍሪቃ ንኤርትራ ከይኣትዉ ተኸልኪሎም ኔሮም ኢዮም ለከ!። እቲ ምኽንያት ኪፈልጦ’ኳ እተዘይከኣልኩ፣ ስለምንታይ ኢለ ቁሩብ ብዛዕባ ኣቡነ ሱራፌኤል ክመራመር ፈቲንኩ። ውሳኔ ኮምሽን ዶብ ኤርትራን ኢት/ያን ምስተገልጸ ወያኔ ኣይቅበልን ኢሉ ፈንጭራዕ ኣብ ዝበለሉ እዋን ምስኡ ካብ ዘጫፈሩ ምንባሮም ኣይተሰወረንን። 1998 ወያኔ ንብረቶም ዘሚቱ 80ሽሕ ኤርትራያን ሕሙምን ሓራስን ከይበለ ክሰጉግ ንካልኦት ኣብ ማእሰርቲ ክዳጉን ከሎ ብጩቕ ዘይበሉ ሃይማኖታዊ መራሒ እዮም አምበኣር።
ናብቲ መንቀሊየይ ክመልሰኩም።
ዕለት 18/02/2020 ቤ/ጽ/ካ/ቤ/ክርስትያን ኤርትራ ዕዱማቶም ብኣቡነ ሱራፌኤል ዝመርሑ ኣብ ኤርፖርት ኣስመራ VIP lounge ኪቕበሉ ንክ/ሃይማኖታዊ ጉዳያት ብጽሑፍ ፍቓድ ሓተቱ።
ዕለት 19/02/2020 ክ/ሃይማኖታዊ ጉዳያት ንኣሳላጢ ካ/ቤ/ክ ናብ ቤ/ጽሕፈቱ ጸዊዑ እቶም ዕዱማቶም ብቀንዱ ናብ ኤርትራ ክኣትዉ ከምዘይፍቀዶም ሓበሮ።
ዕለት 20/02/2020 ክ/ሃይማኖታዊ ጉዳያት ብቴሌፎን ንወኪል ኣቡነ መንግስትኣብ ረኺቡ ክኣትዉ ዘይፍቀዶም ከም ምዃኑ ደጊሙ ኣፍለጠ።
ዕለት 22/02/2020 ንኢትጵያውያን visa on arrival ስለዝወሃብ ኣቡነ ሱራፌል ምስ ሰዓብቶም ቀጥታ ሰዓት 05:00 ድ/ቀ ኣስመራ ኤርፖርት በጺሖም። ክይኣትዉ ተኸልኪሎም ነፋሪት ውን ገዲፋቶም ተመሊሳ፣ ኣብ ኤርፖርት ሓዲሮም ንጽባሒቱ ንኣ/ኣበባ ተመልሱ።
ዕለት 24/02/2020 ክብረ በዓል ኪዳነ ምህረት ካ/ቤ/ክ ኣብ ዝተባዕለሉ እቲ ንኩላትና ዝሰንበደ መግለጺ ኣቡነ መንግስትኣብ ተዋህበ።
ዕለት 25/02/2020 ካቶሊካዊት ቤ/ክርስትያን ኢትዮጵያ እቲ ዘጋጠሞም ሽግር ንክልቲኡ ቤ/ክ ኢትዮጵያን ኤርትራን ኣሕዚኑ ኣሎ ኪብሉ መግለጺ ኣውጽኡ።
ዕለት 26/02/2020 ወኪል ክ/ሃይማኖታዊ ጉዳያት ምስ ኣቡነ መንግስትኣብ ኣኼባ ገበረ’ሞ፣ ምኽንያት ዘሎ ዜናታት ክኣትዉ ዘይፍቀዶም ኣጋይሽ ብፍላጥ ኣስመራ ከምዝመጹ ስለዝገበሩን፣ ጌጋ ከምዝፈጸሙን ገለጸሎም። ኣቡነ መንግስታብ ዘይተፈቕደ VIP lounge ጥራይ ኢዩ መሲሉኒ በሉ። ንሶም ዕለት14/02/2020 ኣብ ኤርፖርት ኣ/ኣበባ VIP lounge ኣቀባብላ ከምዘይተገብረሎም ውን ገለጹ።
ዕለት 28/02/2020 ካ/ቤ/ክ ኤርትራ፣ ምስ ክ/ሃይማኖታዊ ጉዳያት ብዕለት 26/02/2020 ከምዘይተዘራረቡሉ ኣምሲሎም፣ ቅሬታኦም ዝገልጽ ደብዳብ ናብ ክ/ሃይማኖታዊ ጉዳያት ጸሓፉ። ወይ ጉድ! ትሕዝቶኡ ከኣ ኣብ ረድዮ ቫቲካንን ማሐበራዊ መራኸቢታት ተዘርግሐ።
ኣብ ገለ ተለቭዥናት (ማሕ/መድያታት) ኣብ ሞንጎ ኢትጵያን ኤርትራን ተፈጢሩ ዘሎ ሰላም ሓሶት ኢዩ እናተባህለ ተዘርግሐ- ኣፎምን ትምኒቶምን ከልቢ ይሽነሉ!
ለከስ ሸፈጥን ሓሶትን ጥልመትን ጳጳስ ውን ኣየፈልን እዩ! ለከ wikileaks ኣብ ስራሕ ጸላም ስም ኣቡነ መንግስትኣብ ምልዓላ ኣይተጋገየትን! ለካስ ኮሮናቫይረስ ንምክልኻል ካ/ቤ/ክ ዝኾነ ወፈያ ክሳብ ሕጂ ዘይምሃባስ ቁንቊኛ ኣሎዎ! ምስቶም ብኮሮና ቫይረስ ዝተለበደ ስእሊ ጉደናታት ኣስመራ ኣብ ማሕበራዊ መራኸቢታት ዝዝርግሑ ሰብ ሕማቕ ትምኒት ካ/ቤ/ክ ኪትስራዕሲ ኣሕዚኑኒ፣ ኣሕፊሩኒ። ብሰንኪ መን?
ኣብ ምንቲ-ምንታይከ? ባዕልኹም ፍረዱ!
not too deep political analysts like መሳይ::