https://www.facebook.com/photo.php?fbid ... =3&theater
መልሓሶም ዘይተወሸቡ ሓሰውቲ ዲዮም በዚሖም ኮይኖም ዋላ'ሲ እዚ ኣብ ገዛ ኣመና ኮፍ ምባል ቀጨውጨው የብለና'ሎ ፡ ኩሉ'ኮ ተሓዋዊሱና። ቅሩብ ፈይ ከነብል በሉ ካብ ዝተዓዘብናዮ። ኣብ ውሽጢ'ዚ ዝሓለፈ ክልተ መዓልቲታት ፡ እቲ ንፈልጦ ሰብ (ኣብኡ እንከለኹም ተረድእዎ ብዛዕባ መን ይብል ከምዘለኹ) ናብ መራሕቲ ሃገራት ሞሮኮን ሱዳንን ብምኽንያት ምጅማር ሮሞዳን ናይ 'እንቋዕ ኣብጸሓኩም' መልእኽቲ ሰዲዱ ዝብል ሃተፍተፍ ክንዛሕ ጀሚሩ'ሎ። ኣብዚ ክለዓል ዝግብኦ ማእለያ ዘይብሉ ሕቶታት ኣሎ። ንሱ ድማ ከምዚ ዝስዕብ ይኸውን፤
1. በቶም ኣብ ዉሽጢ ኤርትራ ዝርከቡ ኣመንቲ'ዶ ምጅማር ኣይምሓሾን ኔይሩ?
2. ካብ መዓስ ደኣ 'ብሩኽ ምጅማር ሮሞዳን' ዝብል መልእኽቲ ናብ ካልኦት ሃገራት ክሰድድ ጀሚሩ?
3. ሞሮኮን ሱዳንን ካብተን ንግሆ ንግሆ ዝመላለሰን ሃገራት ኣዕራብ ማለት ስዑዲ ዓረብን ፡ ሕቡራት ኢማራት ዓረብን ቀሪበንኦ ማለት ዲዩ ንመራሕቲ ናይ'ዘን ክልተ ሃገራት ጥራይ እቲ መልእኽቲ ክስደድ ዝተገብረ?
4. ንምዃኑ'ኸ ሮሞዳን ካብ ዝጅምር ሰሙን ምስ ሓለፈ ዲዩ ብሩኽ ምጅማር ዝባሃል?
5. ስለምንታይ'ዩ ከም መልክዕ ዜና ኣምሲሎም ብመንገዲ እሙናት ላዕለዎት ተለኣኣኽቲ ናይቲ ስርዓት ኣብ ትዊተር ክዝርጋሕ ተደልዩ ፡ እቲ ሚኒስተር ዜና ባዕሉ ወግሐ ጸብሐ ብዛዕባ ምንቅስቓስ ሓላፊኡ ኣብ ትዊተር ካብ ምጽሓፍ ዓዲ ዊዒሉ ዘይፈልጥ ኣብዛ ጉዳይ እዚኣ ግን ጥር እትብል ቃል'ውን በጨቕ ዘይኣበለ?
6. ምናልባት እቲ ሚኒስተር ዜና ዘንጊዑ ረሲዑዎ እንተኾይኑ'ውን ስለምንታይ እዚ ዝበሃል ዘሎ ዜና ኣብ መርበብ ሓበሬታኦም ሻባይት ዘይሰፈረ?
ምሕሳውኩም ዘይተረፈኩም ሓቢርኩም ተወሃሂድኩም ሓስዉ ወይ ሱቕ በሉ። እዚ ከም ተረኛ ፋርማሲታት ብሮታ ምሕሳው ኣይክጠቅምን ኢዩ። ኣብ መወዳእታ ፡ ስለምንታይ'ዩ ከምዚ ዓይነት ፈጠራታት ክዝርጋሕ ዝድለ ዘሎ ኣብዚ እዋን'ዚ ኩሉ ሰብ ነናቱ መደምደምታ ክገብር ይኽእል ኢዩ። ናይ ግዜ ሕቶ ጥራይ ይኸውን እምበር ተቐቢሩ ዝተርፍ ሓቂ ግን የለን።
-
Justice Seeker
- Member
- Posts: 4061
- Joined: 09 Jul 2017, 23:35