Mereja.Forum

[Sabur]

በዓል መትከል፥ በዓል ራኢ፥ በሊሕ ሃገራዊ፥ ዓቢ መራሒ፥ ሰላምን ፍቅርን ብንጹህ ልብን ሕልናን ብውሕሉል ቃላት ዝመሃረን፥ ብተግባር ዘርኣየን፤ ጀግና ሓርበኛ ጀነራል ቢትወደድ ኣብርሃ። ኩሉ ሃገራዊ፣ ቃላትካን፣ መትከላትካን፣ ራኢካን፣ ዕላማካን፣ ኤርትራዊያን ይስዕብዎ ኣለው::

ወርቃዊ ቃላት ጅግና ቢተውደድ ኣብርሃ :
------------------------------------

ኣብ 1991 ብዘይ ምይይጥ ናይ ዝምልከቶም ኣካላት ወደብና ዓሰብ ከም ነጻ ወደብ ንኢትዮጵያ ከተገልግል ምስ ኣወጀ። ኣነ እቲ ኣብ እዋን ቃልሲ ኣብ 1984፡ ንባድመ ኣሕሊፍካ ብምሃብ ዝተፈጸመ ጌጋ ከይድገም ፤ ኣብ መንጎ ኤርትራን ኢትዮጵያን ብሕጋዊን ትካላዊ ኣሰራርሓ ክንሰርሕ ከምዝግባእ፤ ብሕጋዊ ዉዕላትን ሰነዳትን ክንሰርሕ ከምዝግባእ፤ መርገጺ ምዉሳደይን ። ንረብሓ ሃገረይን ህዝበይን ብምስራሕን ፤ ብምቅዳምን፥ ይኾርዓሉ እምበር፡ ኣይጭነቐሉን ኢየ ንታሪኽ ይኸውን።

መንግስቲ ኢትዮጵያ ንሰራሕተኛታት ወደብን ሪፋይነሪን (መጻረዪ ነዳዲ) ደሞዝ ንሕና ክንከፍሎም ዝብል ዘቅረበቶ እማመ፡ ከም ኣመሓዳሪ ዓሰብ፡ ኤርትራ ነብሳ ዝኽኣለት ነጻ ሃገር እያ። ሰራሕተኛታት ድማ ባዕላ ትከፍሎም እምበር ዶብ ሰጊራ ትመጽእ ሃገር ክትከፍሎም ኣይግባእን። እዚ ዕማምናዩ፡ ናባና ግደፍዎ። ዝብል መርገጺ ምዉሳደይን። ንረብሓ ሃገረይን ህዝበይን ብምስራሕን ፤ ብምቅዳምን፥ ይኾርዓሉ እምበር፡ ኣይጭነቐሉን ኢየ ንታሪኽ ይኸውን።

ከም ኣመሓዳሪ ዓሰብ፥ ኣብ ወደብና ዓሰብ ዝነበረ ንብረት ኣብ ክንዲ ብነጻ ንኢትዮጵያ ዝዉሃብ ተሸይጡ መክፈሊ ደሞዝ ሰራሕተኛታት ወደብ ዓሰብ ሃገራዊያን ዜጋታት ምጥቃመይን። ወደብ ዓሰብን ሪፋይነሪን ብዘይ ጸገም ባጀት ስርሓን ከምዝጅምራ ምግባረይ። ካብኡ ድማ ነብስወከፍ ትካላት ስለዝተንቀሳቐሳ፡ ብእቶተን ሰራሕተኛታተን ክኽፍላ ምግባረይ።ንረብሓ ሃገረይን ህዝበይን ብምስራሕን፥ ብምቅዳምን፥ ይኾርዓሉ እምበር፡ ኣይጭነቐሉን ኢየ ንታሪኽ ይኸውን።

ኣብ መንጎ ኤርትራን ኢትዮጵያን ብሕጋዊን ትካላዊ ኣሰራርሓ ክንሰርሕ ከምዝግባእ፥ ብሕጋዊ ዉዕላትን ሰነዳትን ክንሰርሕ ከምዝግባእ፤ መርገጺ ምዉሳደይን። ንረብሓ ሃገረይን ህዝበይን ብምስራሕን፥ ብምቅዳምን፥ ይኾርዓሉ እምበር፡ ኣይጭነቐሉን ኢየ፥ ንታሪኽ ይኸውን።

ውሳኔ መንግስቲ ኢትዮጵያ ረብሓ ህዝበይን ሃገረይን ስለዘይሓለወ ምቅዋመይ፡ ርኢቶ ምሃበይ፡ አለፍቲ ሓለፍ ስጉምቲ ምውሳደይ፡ ተሪር መርገጺ ምዉሳደይ፡ ንረብሓ ሃገረይን ህዝበይን ብምስራሕን፥ ብምቅዳምን፥ ይኾርዓሉ እምበር፡ ኣይጭነቐሉን ኢየ፥ ንታሪኽ ይኸውን።
------------------------------------------------------------------------------------------------------------------------------------

ሃገርና መርገጺ ጀግና መራሒ ሃገራዊ ጀነራል ቢትወደድ ኣብርሃ ተትወስድ ነይራ ፡ ከምቲ ኣብዚ እዎን ንኩሉ ሃገራዊ በሪህሉ ዘሎ፥
ኣብ ልዕሊ ሃገርናን ህዝብናን ናይ 20 ዓመት ስቅያትን ክሳራታት ኣይመጋጠመን ፥ ናይ ንጹሃት ኣሕዋትና ብሉጽ ህይወት ኣይምተከፍለን፥
ሃገርና ብቁጠባ ኣብ ዝለዓለ ደረጃ ምሃለወት ፥ ኣብ ሃገርናን ከባቢናን ሰላምን ምርግጋእን ምሃለወ።

ሕጅዉን ኣብዚ እዋን እዚ ከምቲ ጀግና መራሒ ሃገራዊ ጀነራል ቢትወደድ ኣብርሃ ዝወሰዶ መርገጺ ምዉሳድ እዩ ንሃገርናን ህዝብናን ዘዋጽእን ዘርብሕን።
ናይ ሃገርና ዶብ በቲ ናይ ኣልጀርስ ናይ መወዳእታን ቀያድን ኣብ 2000 ዝተገብረ ናይ ሰላም ስምምዕ መሰረት፤ ሰራዊት ኢትዮጵያ ካብ ልእላዉነት ሃገርና ብህጹጽ ክወጹን፤ ብሕጋዊ ዉዕላትን ዶክመንትን ሰነዳትን ክትግበር፤ ብኣፋዊ ዘይኮነ፤ ብጽሑፍ ዉዕል ተገይሩ፤ እቲ ዶክመንትን ኽስነድን ይግባእ። ንመጻኢ ወሎዶታት ክስነድ ይግባእ። ግቡእ ጥራይ ዘይኮነ፤ ካብ ሕጅን ንመጻኢ ወሎዶታት ክመጽእ ዝክእል ክሳራታትን ሓጎጽጎጽን ዉግእን ወረ ዉግእን ከድሕነና ስለ ዝክእልን፤ ነባሪ ሰላምን ምርግጋእን ውን ስለ ዝረጋገጽን፤ ኩሉ ሃገራዊ ክኣ ኣብቲ ሰላም ፍቅሪ ዝብሉ ጡዑማት ቃላት ዘይኮነ ፥ ኣብ ዘርዝራቱን፤ ተግባርን፥ ኣተገባብርኡን፥ ሕጋዊ ዉዕላትን ሰነዳትን ከድህብ ይግብኦ። ብዛዕባ ሰላምን ፍቅርን ክቡር መራሒ ሃገራዊ ጀነራል ቢትወደድ ኣብርሃ ብቃልን ተግባርን ሚሂርናን ኣርእይናን እዮ።

ዶብ ኣብ ሞንጎ ክልተ ሃገራት ዘይኮነ ዘየድሊ፤ መዓጾታት ቤት ማእሰርቲ ናይ ንጹሃት ሃገራዊያን እዩ ዘየድሊ። መዓጾታት ቤት ማእሰርቲ ናይቶም ብዘይ ሕግን ፍርድን ተኣሲሮም ዘለዉ ሃገራውያን፤ ሓርበኛታት ጀጋኑ፤ በላሕቲ ሓሰብቲ፤ በዓል ራኢ መራሕትና፤ ንህዝብን ሃገረን ዘቀድሙ፤ እዩ ዘየድሊ። ሰላም ድማ ካብ ቤትካ እዩ ዝጅመር። ሰላም ምሰ የህዋትናን ኣሓትናን ህዝብናን ሃገርናን ኸነቀድም ይግብእ። ካብ ህዝቢና ንላዕሊ ብንጹህ ልብን ሕልናን ሰላም ፍቅርን ዝደልን ሓደ እኮ የለን።

ልዕሊ ኩሉ ህዝብና ሰላም ኣብ ዉሽጢ ሃገሩ እዩ ሲኢኑ ዘሎ ስለዚ እዚኦም ዝስዕቡ ኩሎም ሃገራዊያን ክጠልቡ ይግባእ።

ናይ ፖለቲካን ሕልናን እሱራት ብዘይ ቅድመ ኩነት ክፍትሑ።
ናይ ሃገርና ዶብ በቲ ናይ ኣልጀርስ ናይ መወዳእታን ቀያድን ኣብ 2000 ዝተገብረ ናይ ሰላም ስምምዕ መሰረት፤ ሰራዊት ኢትዮጵያ ካብ ልእላዉነት ሃገርና ብህጹጽ ክወጹን፤ ብሕጋዊ ዉዕላትን ዶክመንትን ሰነዳትን ክትግበር፤ ብኣፋዊ ዘይኮነ፤ ብጽሑፍ ዉዕል ተገይሩ፤ እቲ ዶክመንት ክስነድን ይግባእ።
ህዝባዊ መንግስቲ ክትከልን ሕጊ ክነግስን።
ምርጫ ክካየድን ህዝቢ ዝመረጾ መራሒ ክመርሕ።
ግሉጽነት ክህሉ ናይ ሑቡእ ፖለቲካ ክተርፍ።
ሕጊ ኣልቦ ስርዓት ካብ ስሩ ክቡንቀስን ሕጊ ክነግስን።
እቲ ክብሪ ንህዝቢን ነቲ ሃገር ዘውሓሰ ሰራዊትን እንበር ንዉልቀ መላኪ ብፍጹም ክከወን ኣይግባእን።
ሃገር ዘውሓሰ ሰራዊት ብኽብሪ ናብ ንቡር መነባብሩኡ ናብ ፍትዋት ስድራቤቱ ክምለሰን ብሰላም ናብርኡ ህይወቱ ክመርሕ ክግበር።

ብሕጋዊን ትካላዊ ኣሰራርሓ ምስራሕ፤ ብሕጋዊ ዉዕላትን ዶክመንትን ሰነዳትን ምስራሕ፤ ብጉሉጽነት ትገብሮም ዉዕላት ምስ ወከልቲ ህዝቢ ዘቲኻን ተማያይጥካን ንህዝቢ ተላዚብካን እዩ ዝግባእ። ግቡእ ጥራይ ዘይኮነ፤ ካብ ሕጅን ንመጻኢ ወሎዶታት ክመጽእ ዝክእል ክሳራታትን ሓጎጽጎጽን ዉግእን ወረ ዉግእን ከድሕነና ስለ ዝኽእልን፤ ነባሪ ሰላምን ምርግጋእን'ውን ስለ ዝረጋገጽ፤ ነዚ ውሕሉል ኣታሓስባ ብምስዓብ ንሃገርናን ህዝብናን ስለ ዝጠቅም፤ ናይ ቀረባ ታሪኽና ተማሂርና :እቲ ሓደን መወዳእታ ምርጫና ይኹን።

ዓወት ንሕዝቢ ኤርትራ !!