ብተመስገን ተወልደ
Please wait, video is loading...
ኣምላኽ፡ ንኤርትራውያን ንመወዳእታ ግዜ ክምህሮም ኢሉ፡ ንቢንያም ግርማይ ካብ ዓጋመ ፈጠሮ። ቢንያም ግርማይ ከምቲ ዝመስለና ዝነበረ ወድ ኣክሱም ውን ዘይኮነስ፡ ወድ ኣጽቢ ዓጋመ 'ዪ። ምስ መሓሪ የውሃንስ ደቂ ሓደ ዓዲ ማለት 'ዮም።
ኣነ እዚኣ ምስ ፈለጥኩ ለካ 'ንዶ ኢለ። ካብ ዓገመ ተኣምር ክርከብ ከም ዝክእል እምንቶ ኣለኒ። ናይ ዓጋመ mentality ናይ ዓወት mentality 'ዩ።
ካብዚ ብዙሕ ዝተዋረደ ዓጋመ ገና ብዙሕ ተኣምር ክስማዕ 'ዩ።
ኤርትራውያን ኣብ ልዕሊ ተጋሩ ብዙሕ ናይ ጽልእን ንዕቀትን ኣተዓባብያ ዓቢና። ኣምላኽ እንተ-ተረደኣና ቢሉ ድማ፡ ናብ ተጋሩ ኣሰደደናን የዕቆበናን። ኣብ ትሕቲ እቲ ዓጋመ ተዓቆብና፡ ደሓና፡ ሂወት ረኸብና፡ እንተኾነ ግን ኣይተመሃርናን። ኣብ ዝብጻሕ ምስ በጻሕና እቲ ጽልእን ንዕቀትን ቀጸልናዮ።
ኣምላኽ ኣብዚ ኣይደኸመን፡ ንኤርትራውያን ብተጋሩ ብዙሕ ጽቡቕ ተገብረ። እቲ ኩሩዕ ኤርትራዊ ግን ኣይተማህረን። እንሀ ሕጂ ድማ ምናልባት ንመወዳእታ ግዜ እንተተመሃርና፡ ንቢንያም ግርማይ ካብቲ ዝተዋረደ ዓጋመ ፈጠረ።
እንተኾነ ግን ሕጂ ውን እዚ ኩሩዕ ኤርትራዊ፡ ኣብ 2001፡ ንሓወቦታት ቢንያም ኣብ ኣስመራ፡ ዓጋመ ኢሉ ቀጥቂጡ ሰጒጉ፡ ሕጂ ውን ንምዕባይ ሓዉ ንቢንያም ዓጋመ ጌሩ 'ዩ፡ ብቢንያም፡ ኤርትራዊ ኩርዓት ክረክብ ዝፍትን ዘሎ።
ቢንያም ንኤርትራ ኩርዓት ሂብዋ። ኤርትራ ንቢንያም ግን፡ ንቤተሰቡ ቀጥቂጣ፡ ኣዋሪዳ፡ የሕሲራ፡ ክሳብ ሎሚ ኣብዚ ዓወቱ ድማ ስድርኡ ከይረክብ ከልኪላ የሕፊራቶን ኣዋሪዳቶን ጥራይ 'ያ።
ምናልባት እዚ ኩሉ ውርደት ከኣ፡ ነቲ ናይ ቢንያም ዓቢ ዓወት ገለ motive ድርኺት ኮይኑ ክኸውን ከም ዝክእል ይስምዓኒ።
ዓጋመ፡ ከምቲ ኣብ ኢትዮጵያ ሓይሉ ዘረጋገጸ፡ ገና ኣብ ማእከል ኣስመራ ውን ከረጋግጾ 'ዩ።
የቀንየልና ዓጋመ ።
N.B ፡ ኣብዛ ኢሰያስ ዓጽይዋ ዘሎ ሃገር፡ ሕጂ ብዙሕ ነገር ስቕ ኢሉ 'ዩ ዘሎ ። ጽባሕ ግን ክንደይ ጉድ ክስማዕ 'ዩ ንግዜ ንግደፎ ።
