NationalEr Interest
Tour du Rwanda
|• ሃገራዊት ጋንታ ኤርትራ ኣብ መበል 6ይ-መድረኽ ዙር ሩዋንዳ፡ ናይ 1ይ ደረጃ ቦትኣ ኣዉሒሳ፡ሎሚ 23 ለካቲት 2024፡ ን6ይ መድረኽ ቀጺሉ ዝወዓለ ዙር ርዋንዳ፡ ተሪር ዓቐብ ደይቡ ድሕሪ ምዝዛሙ፡ ሃገራዊት ጋንታ ኤርትራ ንዓበይቲ ፕሮፌሽናል ጋንታታት ቅድድም ብሽክለታ ዓለም በሊጻ ብ36 ሰዓት 33 ደቒቕን 54 ካልኢትን መሪሕነት'ዚ ውድድር ክትጭብጥ ክኢላ ኣላ።
ክልተ መድረኻት ተሪፍዎ ዘሎ ዙር ርዋንዳ፡ 2ይቲ ኮይና ትስዕባ ዘላ ፕሮፌሽናል ጋንታ እስራኤል ፕረምየር-ቴክ ብ2፡07 ደቒቕ ካብ ኤርትራ ትድሕር። ብድሕሪ እስራኤል ፕረምየር-ቴክ ዉን፡ 4-ኤዉረጳዉያን ጋንታታት - ኢጣልያዊት ፖልቲ ኮሜታ፡ ፈረንሳዊት ቶታል ኤነርጂ፡ ጀርመናዊት ባይክ ኤድ፡ ከም'ኡ ዉን ቤልጂማዊት ባይንጎል - ኢየን ብቀደም ተኸተል ተሰሪዐን ዘለዋ።
ኣባል ሃገራዊት ጋንታ ኣኽሊሉ ኣረፋይነ፡ ዛጊት ኣብ ዝባኑ ዘለዋ 3-ማሊያ ዓቂብወን ወጺኡ ኣሎ። ኣብ'ዚ ናይ ሎሚ በዳሂ ጸወታ፡ ናሆም ዘርኣይ፡ ብሉጽ ጸወታ ኣንጸባሪቁ፡ ናይ 4ይ-ደረጃ ቦታ ዝሓዘ ኢዩ።
ኣባል ክለብ ባይክ ኤድ ዝኮነ ዩኤል ሃብተኣብ፡ ኣብ ዝባኑ ዝነበረት ናይ "ኣንበሳ ዓቀብ" (KOM) ማሊያ ተመንጢሉ ኢዩ - ምስ'ኡ ዉን ክለቡ ዝግባእ ሓበሬታን ምክትታልን ከይሃበቶ ስለ'ዝተረፈት፡ ኣብ'ቲ ዉድድር ክሃርሞ ዝግብኦ ግዜ (Time Limit) ኣይሃረመን ተባሂሉ ይግለጽ ኣሎ - እዚ ድማ ከም ሙሴ ኣስሄል ዝኣመሰሉ ኤርትራዉያን ኣሰልጠንትን ሰብ-ሞያን እዚ ዓዉዲ፡ ኣብ ርእሲ እታ ጀርመናዊት ክለብ ተረርቲ ነቐፌታታት የዝንቡ ኣለዉ።
NationalEr Interest