President Isaias Afwerki met this afternoon at Denden Guest House the President of African Development Bank, Dr. Akinwumi A. Adesina. Ongoing & new areas of cooperation include the sectors of agriculture, energy, coastal development etc. Prioritized programmes, will be worked out. @hawelti
ፕረዚደንት ኢሳይያስ፡ ንፕረዚደንት ባንክ ልምዓት ኣፍሪቃ ዶ/ር ኣኪንዉሚ ኣዲሲና ተቐቢሉ ተዘራሪቡ።
ፕረዚደንት ኢሳይያስ ኣፈወርቂ፡ ንፕረዚደንት ባንክ ልምዓት ኣፍሪቃ ዶ/ር ኣኪንዉሚ ኣዲሲና፡ ሎሚ ኣብ ሰዓታት ድሕሪ-ቐትሪ ኣብ መቐበሊ ኣጋይሽ ደንደን ተቐቢሉ ኣዘራሪቡ።
ፕረዚደንት ኢሳይያስን ዶ/ር ኣዲሲናን፡ ባንክ ልምዓት ኣፍሪቃ ኣብ ጽላታት ሕርሻ፡ ጸዓት፡ ምምዕባል ገማግም ባሕሪን ካልኦት ንቊጠባዊ ምዕባለ ኤርትራ ዝሕግዙ ጽላታትን ኣተኲሮም ተዘራሪቦም።
ኣብ’ቲ ርክብ፡ ኣብ ዝተፈላለየ ጽላታት ኣብ ዝትግበሩ ዘለዉን ከከም ቀዳምነቶም ኣብ መጻኢ ዝትግበሩን መደባት ልምዓት፡ ብሓባር ንምስራሕ ኣብ ስምምዕ ተበጺሑ።
ዝርዝር ናይ’ቲ ዝህሉ ምትሕብባር፡ ኣብ ዝቕጽል ርክባት ከምዝንጸር ተፈሊጡ’ሎ።
ፕረዚደንት ባንክ ልምዓት ኣፍሪቃ ዶ/ር ኣኪንዉሚ ኣዲሲና ንኤሪና ኣብ ዝሃቦ ሓበሬታ፡ ምስ ፕረዚደንት ኢሳይያስ ዓሚቚን ውጽኢታውን ዘተ ከምዘካየደ ብምጥቃስ፡ ባንክ ልምዓት ኣፍሪቃ ንኤርትራ እሙን መሻርኽቲ ከምዝዀነን መደባት ልምዓት ኤርትራ ንምድጋፍ ቅሩብ ምዃኑን ኣረጋጊጹ።
ኣብ’ቲ ርክብ፡ ሚኒስተር ፋይናንስን ሃገራዊ ልምዓትን ዶ/ር ገርጊስ ተኽለሚካኤልን ሓላፊ ቁጠባዊ ጉዳያት ህዝባዊ ግንባር ንደሞክራስን ፍትሕን ኣቶ ሓጐስ ገብረሂወትን ተረኺቦም ነይሮም።
[/quote]