ካብ ቃሩራ ጀሚርካ ኣብ መስመር ቃሩራ ፖርት ሱዳን ዘለዋ ቦታታት ከም በዓል ዓጊግን መራፊትን ጦከርን ሰዋክንን ዝኣመሰላ ቦታታት ንኤርትራውያን ጓኖት ኣይኮናን ።
ሓደ ጆርቂ ዝኣተዎ ኣብ ሓደ እዋን ሚኒስተር ናይ ኢዕላም/ኢንፎርሜሽን ዝነበረ ንኤርትራ ዝፈቱን ንፕረዚደንት ዘሃገረ ኤርትራ ብቐረባ ዝፈልጥ ሕያዋይ ሱዳናዊ ፥ " ነዚ ምስ ኢትዮጵያ ዘሎና ናይ ዶብ ሽግር ገዲፍካ ምስ ኤርትራ ክመጽኣና ዝኽእል ዝዓበየ ክኸውን ይኽእል ኢዩ ። ኤርትራውያን ንምብራቕ ሱዳን ከም ቅዱስ ቦታ ጌሮም እዮም ዝወስድዎ ብዛዕብኡ ድማ ብስምዒት እዮም ዝዛረቡ ። " ኢሉ ኣብ ቲቪ ሓቢሩ ።
ሱዳናውያን ደቂ ስሜን ፡ ምብራቅ ሱዳን ካብ ንዓና ንኤርትራ ይቐርብ ዝብል እምነት ስለ ዘለዎም ሓደ መዓልቲ ገዲፎምና ክኸዱ ይኽእሉ እዮም ብኡ ድማ ሱዳን ፈሪሳ ገለ ናብ ምስሪ ገለ ድማ ናብ ኤርትራ ክትከይድ ትኽእል እያ ዝብል ፍርሓት ኣለዎም ።
እቲ ፍርሓት ኣብ ክወስዱልና እዮም ዘይኮነስ ከምዚ ኣብ ተፈጥሮኣዊ ነገራት ከም ምንቅጥቃጥ መሬት ዝተመስረተ ጌሮም እዮም ዝወስድዎ ( ንዐዖም ስለ ዝመስሉ ናብኣቶም ይኸዱ!! ኣስገዳድ የለ ገለ የለ ! ) ።
ብዘይካ እቲ ዝጠቐስክዎ ካልእ ብደረጃ ሚኒስተር ብዙሕ ዘገልገለ ሱዳናዊ ኣዋርሕ ይገብር " እዛ ሃገር ፋሕ-ፋሕ ክትኣትዋ ኢያ ። መሬታ ገለ ናብ ኤርትራ ገለ ድማ ናብ ምስሪ ክኸይድ እዩ " ኢሉ ንሓደ ናይ ኣል-ጃዚራ ምስራዊ ጋዜጠኛ ነጊርዎ ። እቲ ምስራዊ " ገለ ናብ ምስሪ ይኸይድ " ትብል ዘረባ ምስ ሰምዐ ( ብታሕጓስ ) ኣብ ቅድሚ ካሜራ ፍሽኽ ኢሉ !!!
.