ሃገረ ኤርትራ፡ ሃገር ክርስትያንን ኣስላማን፡ ዓዲ ጥሙራት ኣሕዋት 9 ብሄራትን እያ። ነዚ ዘይኽበረ ተሓላቒ ተገዳስን ኮይኑ ክቐርብ ኣይክእልን። (MESKEREM.NET)
ከም'ቲ ኢትዮጵያ ብ9 ክልላት ዝቖመት ሃገር ኢያ ኢልካ ክትሕበን ዝተሰማዕካ መጠን፣ ኤርትራ ሃገረይ: ዓዲ ክርስትያን ዓዲ ኣስላም፡ ዓዲ ከበሳን ቆላን፡ ዓዲ ፍቱዋት 9 ብሄርት፡ ትግሬ፣ ሕዳርብ፣ ብሌን፣ ዓፋር፣ ሳሆ፣ ናራ፣ ኩናማ፣ ራሻይዳ፣ ትግርኛ እንሕብናላ ሃገር እያ። ከምዚ እያ ኢልካ ክሳብ ዘይኣመንካ፡ ንፍትውቲ ሃገርና፡ ዓዲ ትግረኛ ከም ዓዲ ኣብ ዶብ ዝዳወቡኻ ጥራይ ገርካ ብምርኣይ ፈላላዩ፡ እኩይ፡ መርዛም ኣካይዳ ክሳብ ዝይገደፍካ፣ ሽግርካ ምስ ህግደፍ ዘይኮነ ምስ ኩሉ ኤርትራዊ፡ እሞ ኣብ ዝሃለወ ሃልዩ፣ ፍልልያቱ ኣብ ውሽጣዊ ጉድያቱ ብዘየገድስ፣ ነዚ ኣስተብሂልሉ ከም ዘሎ ኣይትዘንግዕ። ህዝቢ ኤርትራ በዚ ኣራኣእያኹምን ኣካያዳኹምን ቁጡዕ ምዃኑ እውን ንዓኻን ንእትውክሎ ሰልፊ ህወሓት ክብርሃልኩም ይግባእ።
እንተ እቲ ተመሃራይ ኢሰያስ ኮይኑ ዘሎ መራሒኹም ኣቢይን መራሒና ኢሰያስን፣ ንኢትዮጵያ ንኤርትራን ብገንዘብ ኣዓራብ፡ ኣብ መምለሲ ክረከቦ ዘይክእል ክሽምምዎ ዝዋደድሉ ዘለዉ ውግእን ሓድ-ሕድ ውግእን፣ ሓቢርና ኣይፋልኩም ክንብልን ክንዓግትን ከም ዘድሊ ኣይንስሕቶን። ብሓባር ንኽንዓግቶ፡ ብሓበር ከስርሓና ዝኽ እል እሩም ኣታሓሳስባን ግብርን ክሓተኩም እዩ።
