ሱቅ ክንብል ንደሊ እሞ፣ ብርቱዕ ቶጎጋ ሓሶት እናተዓብሎኽካ’ሞ ከመይ ገይርካ’ዩ ሱቅ ክበሃል። ሰብ ተዓቢሱ ዓቅሊ ጽበት ከይገብር፣ ተወሓደ ቁሩብ ሓቅታት ፈይ ፈይ እናኣበልካ ነቲ ድነ ሓሶት ግልህ ብምባል፣ ፈውሲ ሕጽረት-ትንፋስ ኦክስይጅን ንምሃብ’ዩ እምበር፣ እታ ዝበለጸት መድሃኒት እኳ ሱቅ ምባል እያ ነይራ፣ ግና ኣይከኣልናያን።
ኣነ ናይቶም እንዳ ጭፍራ ዘውርይዎ ኣይገርመንን እዩ፣ ንሳቶም ነቲ ሓሶት ብውርሻ ኣብ ደሞም ዝኣተዎም እዮም። ኣነ ዝገርመኒ ናይቶም ደምበ ዕንክሊል ኤርትራውያን፣ ‘’ፕረሲደንት ኢሳያስ ሞይቱ’’ ኢሎም ዘረባ ዝደግሙ ብጣዕሚ የሕዝኑኒ፣ ማለት ንሳቶም’ውን ካልእ ዝሓሸ ሜላን ሓሳባትን ስለዝጸንቀቁ፣ ናይ ቀቢጸ-ተስፋ ከም ናይ እንዳ ጭፍራ ሕማም ጻዕዳ-ሓሶት ተለኺፎም ምህላዎም ዘደንግጽ ነገር እዩ።
ኣብ ህዝባዊ ግንባር መስዋእቲ ሓድሽ ኣይኮነን፣ ኣብ ተሪር በዳሂ እዋን ቅድምን ድሕርን ናጽነት፣ መትኒን ኣእምሮን ናይቲ ውድብ ዝኾኑ ጀጋኑ ከም በዓል በርሀ ጻዕዳ፣ ኢብራሂም ዓፋ፣ ውጩ…. ካልኦትን ሓሊፎም እዮም። ንሳቶም ጅግንነት ሰሪሖም ክስውኡ እንከለዉ፣ ታሪኾም ተወሪሱ፣ እቲ ብስነ-ሓሳቦም ዘቆምዎ ውድብ ድማ ይቅጽል ኣሎ፣ ንወለዶታት’ውን ክቅጽል እዩ። ሓደ ውድብ ክህሉን ዘይክህሉን፣ ቅቡል ህዝባዊ ሰረት ዘለዎ ስነ-ሓሳብ ምዃኑ ደኣ እምበር፣ ብህላወ ውልቀ-ሰባትን ጉጅለን ኣይምርኮስን።
እዚ ዓመት መጸ፣ ስም ሓለፍቲ ኤርትራ ኣልዒልኩም ሞይቶም ትብልዎ ግና ገለ ትርጉም ኣለዎ። ቅድሚ ሕጂ ኢሰያስ ሞይቱ ክትብሉ ከለኹም፣ መለስ ሞይቱ። ጀነራል ስብሓት ሞይቱ ክትብሉ ከለኹም፣ ጀነራል ሰዓረ ዝርከቦም ሰለስተ ጀነራላት ኢትዮጵያ ሞይቶም። ሕጂ ዝሓለፈ ሰሙን’ውን ሓሙሽተ ኮሎኔላት ጭፍራ ሞይቶም። ሕጂ ግና ብኸምዚ ሞት ጀነራላት ጥራይ ዝሓልፈልኩም ኣይመስለንን፣ ብዓቢኡ እታ ህውሓት ዝብልዋ ኣብቲ ተሓቢኣትሉ ዘላ ሆተል ገለ ነገር ክርኩዑላ ምዃኖም እዩ ዝመስል፣ እቲ ሕማቅ ፋል ተገልቢጡ ናባኹም ክምለስ ኢና ነንብቦ ዘለና። ጉድጓድ ንፈሓሪኣ።
እምበር ንኢሰያስ ዝሃበ ጥዕና ደኣ ንዓና ይፍጠረልና፣ በዚ ገደምን ጋሕተላይን ቀንዩ ፣ሕጂ ኣብ ዓዲ ሃሎ ይዕንድር ኣሎ፣ ብእግሩ ንወገን ጉልቋ፣ ማይ-ለሓም፣ ሻኻ ጉንደ-ሩባ ዝበሃል በረኻ ኣርሒቁ በይኑ እዩ ዝኸይድ ኢሎሞ። ምናልባት በይኑ ይንቀሳቀስ’ዩ ኢልኩም ኣብቲ በረኻ ድብያ ቅንጸላ ገለ ክትገብሩ ኢልኩም ከይትሓስቡ ከኣ፣ ብምሉኡ እቲ ከባብን ቤት-ጽሕፈት ዓዲ-ሃሎን፣ ኣብ ዝባን እምባ-ጠቀራ ብዝተተኽለ፣ ካብ ርሑቅ ኣብ ገጽካ ዘሎ በሰላ’ውን ከይተረፈ ብንጹር ከርእይ ዝኽእል ተለስኮፒክ-ካሜራ ተጻዊዱ ዝተኣስረ እዩ…….ክክክክክ።
ብሰሉስ ኣብ ኣስመራ ክንቀሳቀስ ተራእዩ፣ ቅድሚ ኣውዳኣመት ዓመታዊ ዕረፍተይ ክወስድ ኢሉ ነይሩ፣ እንተኾነ ተኸሊኡ ሰሚዕና። ንኢሰያስ’ከ ደኣ ዕረፍቲ ከይወስድ ዝኽልክሎ ሓላፊ ኣለዎ ድዩ’ዶ ትብሉ ኣለኹም? ምናልባት ዘይተወገኑ ስራሓት ነይሮም ይኾኑ። ብዝኾነ ከምቲ ፕረዚደንት ባዕሉ ዝበሎ፣
ዝበሎ፣ ኩሉ ትፈጥርዎ ሓሶት ኣብ ኣእምሮኹም እዩ ዘሎ፣ እምበር ኣያይ’ሲ ኣሎ ኣሎ ኣሎ። ንሱ ኣብዘይህልወሉ ሰዓት’ውን እቲ ስነ-ሓሳቡ ክህሉ እዩ።ሕማመይን ሞተይን ኣብ ኣእምሮ እቶም ክፉእ ዝሓስቡ እዩ ዘሎ
ገሊኣቶም ከኣ፣ ነቲ ባዕሎም ዝመሃዝዎ ሓሶት ኣሚኖሞ’ስ፣ ድሮ ከማን ሓድሽ ፕረዚደንት ንሚኒስተር ወልደሚካኤል ኣብርሃ መዚዞሞ። አረ ገለ ገሲማታት ደኣ ዳውን ዳውን ወልደሚካኤል ከማን ክብሉ ጀሚሮም ……ክክክክክክ
ወልዳት ቅድሚ ናብዚ ሕጂ ዘለዎ መዝነት ምቅያሩ፣ ካብ 2004 ዓ.ም ክሳብ 2014 ዓ.ም ከም ሚኒስተር ሚኒስትሪ መጎዓዝያን መራኸቢታትን ኣብ ዝነበረሉ እዋን፣ ኣብ ትሕቲ ንሱ ዝመርሖ ሚኒስትሪ ምስ ምንባረይ፣ ስእሊ ናይ ሕማመይ ዝኾነ ዝፈትዎን ዘኽብሮን ሚኒስተር ወልደምካኤል ብዘይልብኹም ሼር እናበልኩም ከተርእዩና ምቕናይኩም፣ እንዳ ደምበ ዕንክሊል ወላ እንዳ ጭፍራ ፣ ኣብዚኣ ከመዝግነኩም ……መቸም ኣይትስኣኑ።
(courtesy of Jenay Ghebregherghish Ghebremariam)
