NationalEr Interest
2h ·
SAWA
|• መበል 37 ዙሪያ ሃገራዊ ኣገልግሎት ሳዋ ተመሪቖም፡ሎሚ 12 ሓምለ 2025፡ ናይ 12 ክፍሊ ኣካዳሚያዊ ትምህርቲ ከምኡ’ውን ግቡእ ወተሃደራውን ፖሎቲካውን ስልጠና ክቐስሙ ዝጸንሑ ኣባላት መበል 37 ዙርያ ሃገራዊ ኣገልግሎት፡ ፕረዚደንት ኢሳይያስ ኣፈወርቂ ኣብ ዝተረኽበሉ ስነ-ስርዓት ተመሪቖም።
ተመረቕቲ፡ ንኣስታት 8-ኣዋርሕ መዛዘሚ ኣካዳሚያዊ ትምህርቶም 12-ክፍልን መልቀቂ መርመራ ማትሪክን፡ 4-ኣዋርሕ ድማ ወተሃደራዊ ታዕሊም --- ብጠቅላላ ንሓደ ዓመት እዮም ኣብ ሳዋ ሰልጢኖም።
ፕረዚደንት ኢሰይያስ ኣፈዎርቂ፡ ንተዓለምቲ ዮዉሃና ድሕሪ ምባል፡ "ሃገራዊ ኣገልግሎት ከም ቀንዲ ሕርያ ሃገራዊ ህንጸት ከኣ፥ ተሰከምቲ ሕድሪ መንእሰያት፡ ነቶም ክብርታት ዓጢቖም፣ ፍልጠትን ሞያን ሰኒቖም፣ ኣብ ግብራዊ ስራሕ ተሞኩሮታት እናደርዑ ዘየቋርጽ ዕብየት ከምዘረጋግጹ ንምስልሳል’ዩ" ድሕሪ ምባል .....፡
"....., ፍልጠትን ሞያን፡ ደረት ግዜን መቓንን ዘይብሉ ጉልበት’ዩ። ተመክሮ’ውን ደረት ግዜን መቓንን ዘይብሉ ሓይሊ’ዩ። እዚ ምስ ናይ 12 ዓመታት ኣካዳምያዊ ጉዕዞ ተበጺሑ ዘሎ መድረኽ፡ ካብ መጀመሪ ሓድሽ መድረኽ ዝሓልፍ ኣይኰነን፣ መእተዊ ናብ ሓድሽ መድረኽ ጉዕዞ’ዩ" ኢሉ።
ፕረዚደንት ኢሰይያስ ወሲኹ፡ "ኩላቶም ተመረቕቲ’ዚ ዙርያ፡ ከም ዝሓለፍዎም ዙርያታት፡ ውጽኢት ፈተናታት ብዘየገድስ፥ ፍልጠትን ሞያን ብቐጻሊ እናደለቡ፡ ናብቲ ዝበረኸ ኣካዳምያዊ ጽፍሒ ክግስግሱ፣ ፍልጠቶም ብግብራዊ ስራሕ እናሓሰኑ ኸኣ ኣድማዒ ውጽኢት ከረጋግጹ፣ ድምር ውሁድ ጉልበቶምን ሓይሎምን ከኣ ኣራባሕን ኣንሃሪን ሓገዝ ከምዝገብር ኪዓዩ ይግባእ" ክብል ሓጺር መደረ ኣስሚዑ።"
ተዓለምቲ፡ ዝቀሰምዎ ዝተፈላለየ ወተሃደራዊ ትምህርቲ፡ ብምረሻን ካልእ ንጥፈታትን ድሕሪ ምንጽብራቕ፡ ኣብ መወዳእታ ንብሉጻት ዝተዳለወ ሽላማት ካብ ኢድ ፕረዚደንትን ዝተፈላለዩ ኣዘዝቲ ሰራዊትን ወሲዶም።
ስእልን ሓበሬታን፡ ሚ/ዜና፡