Mereja.Forum

[tarik]

[tarik]

NationalEr Interest
|• መግለጺ ቀዳማይ ሚኒስተር ኢትዮጲያ ኣቢይ ኣሕመድ ንፓርላማ፡

ቅድሚ ሒደት ደቃይቅ፡ ቀዳማይ ሚኒስተር ኢትዮጲያ ኣቢይ ኣሕመድ ንፓርላማ ኣብ ዝሃቦ መግለጺ፡ "ኢትዮጲያ ብጉዳይ ኣፍደገ ባሕሪ ምስ ኤርትራ ኣብ ግጭት ክትኣቱ ድሌት ከም'ዘይብላን፡ ድሌታታ ብሰላማዊ መንገዲን ዘተን ጥራይ ክትረክብ ከም'ትሰርሕ" ገሊጹ።

ንሱ ወሲኹ፡ በሪ ቀይሕ ባሕሪ፡ ንኢትዮጲያ ናይ ህላወ ጉዳይ ምዃኑ፡ እንተኮነ ብሰላማዊ መንገዲ ህልዉ ብድሆታትና ክንፈትሕ ኢና ንደሊ" ክብል ተዛሪቡ።

እቲ ብሚኒስትሪ ጉዳያት ወጻኢ እታ ሃገር ዝተፈነወ መግለጺ፡ ከም'ዘለዎ ኣብ ታሕቲ (ስእሊ) ኣለኩም።

እቲ ዘዛርብ --- ኣይዛርብን እዩ ነይሩ። ዓሰርተ ዓይነት ዘረባ፡ ቃሕ ክብለካ ከሎ፡ ሓይሊ ክስማዓካ ከሎ --- ወተሃደራዊ ምጉብዕባዕ፡ ጸጥታዊ፡ ወተሃደራዉን ዲፕሎማሲያዉን ነዉጺ ከጋጥመካ ከሎ ድማ "ሰላም ሰላም" ትዝምር እንተኮይንካ ግን፡ እዚ 'ዘዛርብ' ጥራይ ዘይኮነ፡ ንገዛእ-ርእሱ ዉን ሽግር እዩ።

ቀዳማይ ሚኒስተር ኢትዮጲያ፡ ድሕሪ ምኽታም ዉዕል ፕሪቶሪያ መዋዳእታ ሕዳር 2022፡ ብመንገዲ መራኸቢ ብዙሃን ሃገሩን፡ ዲፕሎማሲያዊ መሓዉራቱን ኣቢሉ፡ ብዛዕባ "እንተስ ብፍታዉ፡ እንተስ ብግዲ --- ኣፍደገ ባሕሪ" ዘስምዕ መልእኽቲ፡ ሰፊሕ ጎስጓሳት ከካይድ ጸኒሑ። ህዝቢ ኢትዮጲያ፡ ከም ኣጀንዳ ዉን ቀደም ዝዓጸዎን ዝረስዖን ጉዳይ፡ ልብታት የዉሃት ብምቅርሓን ከላዕሎ፡ ላዕልን ታሕትን ኢሉ። እቲ ዉጽኢት ግን፡ ኣይከም ትጽቢታቱን።

ቀዳማይ ሚኒስተር ኣቢይ ኣሕመድ፡ ኣብ ወርሒ ጥሪ 2024 ብሃታሃታ ምስ ሓንቲ ካብ ግዝኣት ሶማሊያ ዝኮነት ኣዉራጃ ሶማሊላድን "ኢትዮጲያ ወናኒት ኣፍደገ ባሕሪ ዝገብር ዉዕል ከቲመ" ብምባል፡ ንህዝቢ ኢትዮጲያ ኣብ ካልእ ሓሸዉየ ኣእቲዎ። ንዞባና ድማ ሓዲሽን ግብራዉን ስክፍታ ፈጢርሉ። ኣይጸንሐን ድማ፡ ኣብ ዓመቱ ነቲ ዉዕል ብምፍራስ፡ ምስ ሞቃዲሾ ኮሸምሸም ክብል ተዓዚብናዮ።

ብፍሉይ ምስ ኤርትራ ዉን፡ ኣብ'ዚ ዝሓለፈ ቅንያት፡ ንኲናት ዝዕድም ዜናዉን ዲፕሎማሲያዉን ዘመተታት፡ ወተሃደራዊ ምጉብዕባዓት፡ ንህዝብን መንግስትን ኤርትራ የቀርሕኑ እዮም ዝበሎም ተቛወምትን ጸይቕታትን ኣብ ኣዳራሻቱ ብምዕዳም፡ ጉባኤታት ብምክያድ፡ ፋይናንሳዊ ደገፋት ብምግባር፡ ወዘተ ተተሓሒዎ።

እቲ ዝኸፍአ ክፋሉ ከኣ፡ ንዉዕል ፕሪቶሪያ ተጠቂሙ፡ ንህዝቢ ትግራይን መሪሕነቱን ብጅሆ ሒዙ፡ ኣብ ናቱ ተቃራኒ መደባት ኣእትዩ፡ እቲ ግርጭት "ብሞጎት ሕነ-ፍደዩ" ናብ ኤርትራ ገጹ ክጥምዝዞ፡ ኣብ ዘይዓቕሙ ስለያዊ ጸወታታት ኣትዪ። ብወገን ደ/ቀ/ባሕሪ ዘራኽብ ከባቢታት ኢትዮጲያ ዉን ብተመሳሳሊ፡ ግርጭታት ኣብ ምስዋርን፡ ህዝቢ ኣብ ምልዕዓልን፡ ለይቲ ምስ መዓልቲ ሰሪሑ።

ምናልባት፡ እቲ ኣብ'ዚ ክጥቀስ ዝኽእል ጭቡጥ ተግባራት ኣቢይ ኣሕመድ፡ ነዊሕ'ዩ። ንምጥቅላሉ ግን፡ ነዚ ኩሉ ተዓዚብካ ---- "ጥዕና እዚ ቀዳማይ ሚኒስተር፡ ክምርመር ኣለዎ" ዘየብል ኣይኮነን።

ሰላም ምጽዋዕ፡ ንጉዳያት ብሰላማዊ መንገዲ ክትፈትሖም ምድላዩ፡ ኣማራጺ ዘይብሉ እንኮ ሕሪያ እዩ። እንተኮነ፡ ሰላም ይኹን ሰላማዊ ኣፈታትሓ ግርጭታት፡ ኣብ ምትእምማን እንበር፡ ኣብ ዉስልትናን ልኽበጣን፡ ቃጻን ቶንኮልን ከም'ዘይስረት፡ ቀዳማይ ሚኒስተር ኣቢይ ኣሕመድ --- ብጥዕንኡ እንተሃሊዩ ኣጸቢቑ ክግንዘቦ ይግባእ።

NationalEr Interest See less

[Fed_Up]

አሄሄሄ ሞኝህ ፈልግ ወዲ በሻሻ... የአንተ ንጉስነት እድሜው አጭር ነው:: ወደደም ጠላም ይቦነቀራል:: ውሸታም የውሸታም ዘር በሉት::