Nakfa Press
መብራቃዊ መጥቃዕቲ ቻርሊ ክንዲ-ሽሕ ክጻወርዎ ኣይከኣሉን!"ብገለ ወገናት ዝደጋገም ክሲ “ህላወ ሰራዊት ኤርትራ ኣብ ክልል ትግራይ ናይ ኢትዮጵያ” ቅንጣብ ሓቂ ዘይብሉ፣ ግጭት ንምስዋር ኰነ ኢልካ ዝጋዋሕ’ዩ። ሰራዊት ኤርትራ ኣብ ልኡላዊ መሬቱ ጸኒሑን ኣሎ" ምኒስተር ዜና ኤርትራ ኣቶ የማነ ገብረመስቀል
እንዳ ብልጽግና ሓሶት ግደፉ ! ኣብ ጎል ከይትኣትዉ ኢልና ኢና
=================================================================================================================================
'================================================================================================================================
Nakfa Press
ሳዋ መንጸሮር ጸላእቲ ኣብ ጎሮሮኦም ዓለቅቲ
ሃገራት ኣብ ዝኾነ ይኹን ግዜ ልኡላውነተን ዘውሕስ ሃገራዊ ሰራዊት ኪህልወን ግድን አዩ ፡ ስለዝኾነ ኩሉ ዓይነት ሰራዊት ዝስልጥነሉ ማእኸል ክህሉ ኣብ ሕቶ ዝኣቱ ኣይኮነን ። ኸምኡ ስለ ዝኾነ ከኣ'ያ ሃገርና ኤርትራ ማእኸል መሰልጠኒ ሓይልታት ሚክልኻል ቅድሚ ዝኣገረ ዝደኮነት ። ከም ውጻኢቱ ከኣ ሳዋ ዋሕስ ህዝብን ሃገርን ዝኾነ ምዑት ሰራዊት ዘፍረየትን :ተፍሪ ዘላን ።
ከምዚ ዓይነት ትካል ኣብ ምሉእ ዓለም ዘሎ እኳ እንተኾነ ርሑቕ ከይከድና ኣብ ጎረባብትና ዝኮና ሃገራት ዓቢ ባጀት ዘውጻኣሉን ተክኒካውን ሰብኣውን ዓቕሙ እናመልኣን እናሐደሳን ብቀጻሊ ከጠናክረኦ ንዕዘብ ዘለና። ንኣብነት ሱዳን ኣብ ብዙሕ ከባቢታት እኳ እንተለዋ እቲ ኣብ ጥቃ ዶብ ኤርትራ ዘሎ መዓስከር ጁበድ ካብ ዝተፈላለየ ከባቢታት መጺኦም ሃገራዊ ኣገልግሎት (ድፋዕ ኣሻዕቢ) ዝስልጥንሉ ቀንዲ መዓስከር አዩ ። ኣብ ኢትዮጵያ ከኣ ኣዋሽ፡ ደዴሳ : ብላቴ ዝብሃሉ መዓስከራት ብቐጻሊ ንምዱብ ሰራዊትን ካልኦት "ብሄራዊ ውትህድርና" ዝባሃሉ መንእሰያትታ'ሃገር ዝስልጥንሉ ኔሩን ኣሎን::
ከምዚ ዝኣመሰለ ወታሃደራዊ ትካል ከተቕውም ናይ ሓንቲ ሃገር ልኡላዊ መሰልን ሓላፍነትን እኳ እንተኮነ ኣብዚ ዝሓለፈ 20 ዓመት ብፍላይ ኣብዚ ቀረባ ግዜ "ኤርትራ እዚ ትካል እዚ ክትዓጽዎ ኣለዋ " ዝብል ዘረባ ብተደጋጋሚ ሰሚዕና ፥ እዚ ዘረባ'ዚ ካብ ናይ ቀረባን ርሑቕን ታሪኻውያን ጸላእትና ምምጽኡ ዘይገርምን ትጽበዮን እኳ እንተኾነ :ካብቶም "ደቂ ሃገር ኢና :ንሕና ኢና ንኤርትራን ህዝባን ዝሓሸ ክንሓስብን: ክንገብርን ንክእል" ዝብሉ ባእታታት ክትሰምዖ ከለኻ ግን ኣገዳስነት ሳዋ መሊሱ ይስወጠካ ። ሃገራውነትን ሓርበኝነትን ብኣካል ኤርትራዊ ስለዝኮንካ ጥራይ ዝፍጠር ከምዘይኮነን ኤርትራዊ ሶፍትዌር ክህልወካ ክትሓልፎ ዘለካ መስርሕ ኸምዘሎ ይርዳኣካ ፥ ሳዋ ከኣ ብቁጽሪ ሓደ እትስራዕ ቁራዕ ኤርትራዊ ሃገራውነት እያ። ምናልባት ከም ዜጋ ኣብቲ ውዱዕ ኩነት ተወሓሒጥካ ኣብ ውሽጢ ኣከያይዳ እቲ ትካል ንዝረኣዩ ድኽመታት ክትነቅፍን ኣራሚ ርእይቶ ከተቐርብን ንዝረኣዩ ሕጽረታት ንምፍታሕ ናትካ ምቕሉል ኣበርክቶ ክትገብር ክትብገስ ቁቡልን : ንቡር ዜግነታዊ ግቡእን እዩ ፡ ካብኡ ዝሃለፈ ግን ሓላይ ተመሲልካ ዝዝረብ ምስሉዩነት : ክትኩሕል መሲልካ ምንቋር ስለዝኾነ : ዓሻኻም ድለዩ ጥራይ ኢዩ እቲ መልሲ።
ንመስተርሆት ናይ ጽባሕ ወለዶ ህይወቱን ዕድላቱን በጃ ዝኸውን ዘሎ ኤርትራዊ መንእሰይ ዋላ ንካልኢት ተዛንዩ ኣይፈልጥን እዩ። ፊተ-መሪሕ ተርኡ ድማ እንሆ ንምስሊ ኤርትራ ክምህ ከምዘይብል ጌርዎ ይርከብ። ሕመረት ናይ’ዚ ተመዝጊቡ ዝርከብ መጠነ ግዙፍ ዓወት “ሳዋ” እያ።
መዓስከር ሳዋ መነጸሮር ንጸላእቲ ኤርትራ፡ ንዓና ንኤትራዊያን ግን ሓበን ንሃገራዊ መንነትና ኢኺ ሞ ወትሩ ተኾልዒን ሰስንን።
ናቕፋ ፕረስ'የ ካብ ከባቢ ዓሻኩም ድለዩ