ብሓባር ክንውዕል'የየየ!”
“ …… ኣይንፈላለ ብሓደ ንዓለ!”
Please wait, video is loading...
ኣደታት ምድረ ባሕሪ፡ ኣብ ንግደት ኣክሱም ጽዮን፤1. “ኣሎና ኣሎና ውዑል'የየየ
ብሓባር ክንውዕል'የየየ!”
2. “ማርያም ማርያም ማርያም
ማርያም መብርሂት ጸላም!”
3. “ …… ኣይንፈላለ ብሓደ ንዓለ!”
4. “ኣመስጊነ ኢየ ኣመስጊነ ኢየ
ኣደየ ኣመስጊነ ኢየ!”
ናይ ኣደታትና ምስጋና፡ ጥበብ ዝመልኦ ግጥማዊ ኢዩ። (ናይ መን ከ ክወስዳ፡ ደቂ ጠቢባን እንድየን!)
ካብ መረብ ምላሽ ክብገሳ ከለዋ ብሃንደበት ዘይኰነስ፡ መኣዝን ብኸመይን ከም ዝፍጽምኦ ኢየን ዘይፈላጣ 'ምበር፡ ውዑል ኔርወን ኢዩ። እወ ምስተን ኣሱማውያን ኣደታትንን ኣኃትንን ክውዕላ ውዕል ኔርወን። ብፍቕሪ ብሓድነት፡ ንማርያም ኣክሱም ከመስግና ክውድሳ ውዕል ኔርወን። ንውዕለን ዝቖጽዩን ልብታተን ዘድምዩን ጸላእቲ ግና፡ ንኣማኢት ዓመታት ቆጽዮሞ ጸኒሖም። ንምፍልላይ ዝኸውን ጊዜ ኣሎ፡ ንምርኻብ ዝኸውን'ውን ጊዜ ኣሎ ኢዩ'ሞ፡ ጊዜኡን ስዓቱን ኣኺሉ ኣክሱምም በጺሐን። ምስተን ኣኃተንን ደቀንን ዝዀና ኣሱማውያን፡ ብሓባር ኰይነን ኣመስጊነን። ሰጊደን። ካብ ልበን ዓሊለን። ነዚ ዂሉ ጸልማት ጋሊሃ ዘራኸበትን ማርያም ጽዮን፤ “ማርያም ማርያም ማርያም መብርሂት ጸላም!” ቢለን፡ ጸላም ተቐንጢጡ ብርሃን ምርኣየን ተሓጉሸን። ዕልልታ'ውን ደርጊሐን።
ጋራዲ መንደቕ ሕልመንን ናፍቖተንን ሓዶሽ-ዶሽ ኢሉ፡ ኣብታ ዝብህግኣን ዘፍቅርኣን ማርያም ኣክሱም ክበጽሕ ምኽኣለን፤ “ኣመስጊነ ኢየ ኣመስጊነ ኢየ
ኣደየ ኣመስጊነ ኢየ” እናበላ፡ ኣመስገንኣ። ወደስኣ። ከመይ ከ ዘየመስግና! ንኣሽሓት ዓመታት ብሓደ ሥልጣነ፡ ሓደ ቋንቋ፡ ሓደ ባህሊ፡ ሓደ ሃይማኖት፡ ሓደ ያታ ከምዘይተጋዕዛ፤ ኣብ ሎሚ በጺሐን ማዕዶ ማዕዶ ምርኣየን ልበን ኣድምዩ ኣዕጽምተን በሲዑ ኣቖንዚወን እንድዩ። ሎሚ ግን ሓሳብ ልበን ብምስማሩ ሓጐሰን ሰማይ ዓሪጉ። ምስጋንአን'ውን ምስኡ!
ሓጐሰን ጸልኢ ከም ዝወልድ ግዲ ውሽጠን ነጊርወን ግን፤ “ኣይንፈላለ ብሓደ ንዓለ!” ኢለን ሓደርንአንን ምሕጽንትአንን ኣመሓላሊፈን። ናይዞም እከያትን ዘረግቲ ትርግታ ልብታተንን ዝበታትኑ ጸላእተን ሕልሚ ይፈልጦ ኢየን 'ሞ፡ ኣይንፈላለ ብሓደ ንዓለ እናበላ ምሕጽንትአን ለጊሰን። ሓደራ ንሕና'ውን፡ ጸላእትና ነዛ ፍቕሪ እዚኣ ክበትኩ እዮም ሃቂኖም'ሞ፡ ኣብታ መወለድና ዝዀነት ኣክሱም ጽዮን መታን ሓቢርናን ተፈሢሕናን ክንውዕል፣ ከይንፈላለ።
ኣደታትና ኣኣብ ዘለኽንኦ ማርያም ጽዮን ትሓልኽን!
