·
ማእኸላይ ኮሚቴ ውድብና ህወሓት ትማሊ ኣብ ዘካየዶ ኣኼባ ኣብ ዝተፈላለዩ ጉዳያት ዘትዩ ኣገደስቲ ውሳነታት ኣሕሊፉ፡፡
ማእኸላይ ኮሚቴ ውድብና ህወሓት ትማሊ 5 መስከረም 2017 ዓ/ም ኣብ ዘካየዶ ኣኼባ ንውሳነታት መበል 14 ውድባዊ ጉባኤ ስዒቡ ዝተኻየዱ መደረኻት ኣባላትን ህዝብናን ብምግምጋም ቀፃሊ ኣንፈት ዘቐመጠ ኮይኑ ቀፂሉ ድማ ኣብ ዝተፈላለዩ ጉዳያት ዘትዩ ውሳነታት ኣሕሊፉ ኣሎ ፡፡ በዚ መሰረት
1.ንውሳነታት መበል 14 ውድባዊ ጉባኤ ስዒቡ ኣብ ዝተኻየዱ መድረኻት ዝምልከት ኣባላትን ህዝብን በቲ ናብ ገዛኢ ደርቢ ዝተሰጋገረ ፅግዕተኛ ጉጀለ ህዝቢ ትግራይ ብቓልሱ ንዘረጋገፆ መሰል ምእካብ፣ ሓሳብካ ምግላፅን ምውዳብን ዘመሓላለፎ ክልከላ ብምቅላስ ብኣማኢት ኣሸሓት ዝቑፀሩ ኣባላትናን ኣስታት ሓደ ሚልዮን ህዝብናን ዝተሳተፈሎም መድረኻት ከምዝተኻየዱ ገምጊሙ፡፡ ኣብቶም መድረኻት ዝተሳተፉ ኣባላትናን ሓፋሽ ህዝብናን ብደምዳሚ ኣዋጅ ዝወፁ ውሳነታት መበል 14 ውድባዊ ጉባኤ ውድብና ዘለዎ ደገፍ ብምግላፅን ብሓሳባት ብምጥንኻርን ንተግባራውነቶም ከምዝቃለስ ወሲኑ እዩ፡፡ ማእኸላይ ኮሚቴ ውድብና ነዞም መድረኻት ብምግምጋም ቀፃሊ መቃለሲ ኣንፈት ዝነፀረ ኮይኑ ኣብ እዋናዊ ጉዳያት መሰረት ዝገበሩ ብማእኸላይ ኮሚቴ ዝምርሑ መድረኻት ንኽካየዱ ወሲኑ ኣሎ፡፡
2.ዘሕለፎም ውሳነታት ዝምልከት
•ከይዲ ኣፈፃፅማ ሓራ ዘይወፀን ዝተመዛበለን ህዝብናን ምኽባር ሉኡላውነትናን ዝምልከት
•ካብ መበል 14 ውድባዊ ጉባኤ ህወሓት ንባዕሎም ዘግለሉ ነበር ኣመራርሓ ውድብና ዝምልከት
•ኣብ ውሽጢ ህወሓት ኮይኖም ንዝተወሃቦም ሓላፍነት ብዘይኣግባብ ብምጥቃም ብገበን ግዕዝይና ዝጥርጠሩ ዝምልከት ዘትዩ ውሳነታት ኣሕሊፉ ኣሎ፡፡
ዝርዝር ማእኸላይ ኮሚቴ ውድብና ዘሕለፎም ውሳነታት ኣመልኪቱ ዘዳለዎ መግለፂ ስዒብና ክነቕርብ ኢና ፡፡
