Nakfa Press
8 ነሓሰ 2024( ናቕፋ ፕረስ)፣ ልኡኽ ኤርትራ፡ መልእኽቲ ፕረዚደንት ኢሳይያስ ናብ ፕረዚደንት ዓብዱልፋታሕ ኣልሲሲ ኣብጺሑ።ብ'ወጻኢ ጉዳያት ምኒስተር ዑስማን ሳልሕ ዝተመርሐ ልኡኽ፣ሎሚ 8 ነሓሰ 2024 ኣብ ካይሮ መልእክቲ ፕረሲደንት ኢሳያስ ኣፍወርቂ ኣብጺሑ። ኣብቲ ርክብ ኣብ ምሕያል ዝምድና ክልቲኤን ሃገራትን ኣቀዲሞም ዝተጀመሩ ምምኽካርን ምትሕግጋዝን ብዕምቆት ዘትዮምሉ፡ ብተወሳኺ ኣብ'ቲ ርክብ ዞባዊ ኩነታት ብፍላይ ድማ ኣብ ቀርኒ ኣፍሪቃን ቀይሕ ባሕርን ዝረኣዩ ጉዳያትን ስግኣታትን ብዕምቆት ዘትዮም። ክልቲአን ሃገራት፡ ኣብቲ ዞባ ንጸጥታን ምርግጋእን ንምድጋፍ፡ ኣብ ዝተፈላለየ ደረጃታት ሓባራዊ ምውህሃድን ምምኽኻርን ንምቕጻል ድሌት ከምዘለወን ኣረጋጊጸን።
ምንጪ-ሓበሬታ፣ ወግዓዊ መርበብ ሓበሬታ ዴይሊ ኢጂፕት