Mereja.Forum

[Zmeselo]

I didn't expect this AT ALL!

[Abe Abraham]

• 
  ካብ ቁጠዐ ዝተላዕለ እዩ ። ደቂ ሓውሲ-ደሴት ዓረብ ገለ ዝሓረቑ ፍልስጤማውያን " ንስኻትኩም ብቐጥታ መሳርሒ ናይ ምዕራባውያን ብመንገዲ ምዕራባውያን ድማ መሳርሒ ናይ እስራኤል ስለ ዝኾንኩም ንዓና ግቡእ ሓገዝ ኣይትገብሩልናን ኢኹም '' ክብልዎም እንከለዉ ሴማዊ ቋንቋ ዓረብ ከም ትግርኛና ኣዝዩ ሓያል ስለ ዝኾነ ( ሓደ ኣብ ኣሜሪካ ዝቕመጥ ፕሮፈሰር ከም ዘመልከቶ ) ንሳቶም ድማ ብዓጸፌታ ይምልሱሎም ።
  
  ውጹዓት ፍልስጤማውያ - ብዛዕባና ብዙሕ ሓሶት ዝነዝሑ - ጥራሕ ዘይኮኑ ዋላ ምስራውያን 'ውን መልሓሶም ከንውሑ እንከለዉ ሰናፋት ዘይኮኑ ደቂ ኸሊጅ ( ስዑዳውያን ፡ ደቂ ኢማራት ፡ ደቂ ኩወይት ) ቅልጥ እዮም ዘብልዎ ።
  
  ንምስሪ እንታይ ይብልዎም ይመስለካ ? " ሃይማኖት ንሕና ኣምጺእናልኩም ፡ ቋንቋ ናትኩም ስለ ዘይብልኩም ቋንቋና ትዛረቡ ፡ ለመንትን ድኻታትን ስለ ዝኾንኩም ምስ ምዉታን ኣብ መንጎ መቓብር ትነብሩ ፡ ካብ ድኽነት ክትጋላገሉ ናባና ትመጹ ፡ ለመጭን ሰረቕትን ሕሱራትን ኢኹም ። "
  
  ኣብ ርእሲኡ ንምስሪ ወሪሩ ምስልምና ሒዙ ዝመጽኦም ዓምር ቢን ዓስ ( ንቀዳሞት ኣባና መጺኦም ኣብ ሑቕፊ ባሕረ- ነጋሲ ዑቕባ ዝሓተቱ መእምናን ምስልምና ድሕሪ ክሃድን እግሪ-እግሮም ምምጽኡ ኣብ 'ቲ ተልእኾኡ ምስ ፈሸለ ዳሕራይ ኣብ ምስልምና ኣትዩ ሰራዊቱ ሒዙ ናብ ምስሪ ዝዘመተ ...) ሓደ ካብ እቶም ዓበይቲ ብጾት ነቢይ ምስልምና ዝነበረ ዑመር ቢን ኣል-ኸጣብ /ዓባዩ ጸላም ብምዃና ብገሊኦም ብድዐኛታት ዓረብ ዝነኣኣስ ዝነበረ ኣዝዩ ሓያልን ኣገዳስን ሰብ/ ካብ ምድረ-ሻም (ሱሪያ) " ኩነታት ምስሪ ከመይ ረኺብካዮ ? " ኢሉ ምስ ሓተቶ " ማዮም ጥዑም ፡ መሬቶም ወርቂ ፡ ኣንስቶም መጻወቲ ኣሰብኡቶም ድማ (ባርያ) ምስ ዝሰዓረ ! " ዝብል መልሲ ሂብዎ ስለ ዝባሃል ኣዕራብ ብፍላይ ድማ ደቂ ኸሊጅ ምስራውያን ቅጭ ከምጹሎም እንከለዉ ብኡ ይገርፍዎም !
  
  ኣብ'ዛ ትስዕብ ቪድዮ ንኣብነት ሓንቲ ኣብ ሱዑዲያ ትርከብ ምስራዊት " ኣብ መስጊድ ምስ ሓንቲ ምስ ተሳሓሓብና ምስራዊት ብምዃነይ ንክተሕስረኒ ዓምር ቢን ዓስ ዶ ኣይኮነን ከምዚ ዝበለኩም ኢላትኒ " እንዳበለት ብምስትምሳል ንሓደ ሸይኽ ክትጣራዕ ትሰምዓ (እቲ ሸይኽ ኩሉ ሰብ በብተግባሩ እዩ ዝምዘን ዝብል ልባ ዘረስረሰ መልሲ ሂብዋ ) ፥
  

-

[Zmeselo]