ኣሽንኳይ ዶ ኣብ ግዜ ሰላም ኣብ ግዜ ኲናት 'ውን ከይተረፈ መግቢ ብወደባትና ከይኣትወኩም ከልኪልና ዶ ንፈልጥ ኢና ? ኣይትዝክሮን ዲኻ ወዲ ሓትነይ መለስ ዜናዊ እኽሊ ብወደባት ኤርትራ ጌርካ ተቐበል ክበሃል እንከሎ ካብ ሰላምን ምቅርራብን ፈሪሑ - ብዘገደድዎ ተገዲዱ - እምቢ ክብል እንከሎ ? ስለዚ ንቑሕ ስለ ዝኾንካ ክትዛረብ እንከለኻ መርሚርካ ተዛረብ ። ህዝቢ ኤርትራ ንተጋሩ በዓል ጽቡቖም 'ምበር በዓል ክፉኦም ኮይኑ ኣይፈልጥን እዩ ። ነዚ ደብሪጭ ከይተረፈ ዝምስክረሉ እዩ ።
ሓወቦይ ፕረዚደንት ኢሳያስ ኣፈወርቂ ኣብራሃም ዘሃገረ ኤርትራ ካብ ምኽሪ ምሃብ ዝያዳ እንታይ ክገብር ትጽበዮ ኣንታ ሓውና ተጋዳላይ ብስራት ወዲ ኣማረ ? እቲ ክኽፈት ትደልዮ ዘሎኻ " ዕጽዋን ክባን " ድማ ትግራይ እምበር ኤርትራ መዓስ ኮይና ጀሚራቶ ? ናይ ኢትዮጵያ ግዛዕ-ምዛዕ ኣኪቡ ኣብ መሬት ኤርትራ ኩድጭ ኢሉ ንዕስራ ዓመት ዝኸውን ብኣሜሪካ ጌሩ ዶብ ዘዕጸወ መን ድዩ ? ግደፉ ተጋሩ ተጋሩ ነብስኹም ኣብ መስትያት ረኣዩ ። መስትያት ተዘይብልኩም ኣብ ሩባ ወሪድኩም ኣብ ነጸብራቕ ማይ ፊትኩም እንታይ ከምዝመስል መርምሩ ።
