የቐንየልና ኣድጊ ንሓመዱ!
ብጓል ፈዳይን ሻዕቢያ
ሳላኹም ዝተሳእነ የለን። በዓል መን ምዃኑኩም፣ ዕላማኹም እንታይ ምዃኑ፣ ብቓልን ብግብሪን ስለዘርኣኹሞ ነቲ ቀሲኑ፣ ደቂሱ ዝነበረ ኤርትራዊ፣ ተንስእ ተበራበር ኢልኩም ኢኹም ኣበራቢርኩሞ። Catalyst እኮ ኢኹም ኴንኩምና።
መዓስ ቴንዳ ኴንኩም ኣቃጺልኩም!? ቴንዳ ኣይኮንኩምን እኮ ኣቃጺልኩም። ነቲ ድሮ ኣብ ልብና ዝጸንሐ ስምዒት ሃገራዉነት ነዳዲ ወሲኽኩም ባልባል ኣቢልኩም ኢኹም ኣቃጺልኩሞ። ሞተረ እኮ ኢኹም ኣተሲእኹም። ራን! ራን! ራን! ኣቢልኩም ከይተረድኣኩም ሞተረ ሃገራዉነትና ኣበራቢርኩሞ።
ብዙሕ ኤርትራዊ ንቃላትኩም፣ ንምፍርራሕኩም ሰሚዑ እዩ ኣብ ዳስ ሃገራዉነት ከቲቱ።
ብዋጋ ኤርትራን ኤርትራዉነትን "ትግራይ ትዕወት" ምስ ጨራሕኩም፣ ተጠሊዕኹም "ንሕና ማለት TDF ኢና" ምስ በልኩም፣
ኢልኩም ምስ ተዛረብኩም፣ ንኣርካናት ጀጋኑና አሕሲርኩም ንስብሓት ነጋ ጅግና ምስ በልኩም፣1 ሚልዮን ኤርትራዊ ክጠፍእ ኣለዎ
ዝብል ዝነበረ ተሳታፊ ፌስቲቫል ማእለያ የብሉን።ኣነ ብስራሕ ምኽንያት ክኸይድ ኣይመደብኩን ኔረ ግን ንኣድጊ ንሓመዱ ምስ ሰማዕኽዎም እየ ናብ ፌስቲቫል መጽየ
ንህዝቢ ኤርትራ ኣብ ህልኽ አእቲኹሞ።
ብሓቂ ንህዝቢ ኤርትራ ኣይትፈልጥዎን ኢኹም። ህዝቢ ኤርትራ ብህልኽ እዩ ንተደራረብቲ ጸላእቱ ኣላሽ ኣቢሉ ስዒሩ። ህዝቢ ኤርትራ ኣብ ህልኽ እንተኣትዩ ላማ እዩ ዝዉሕጥ።
ኣድጊ ንሓመዱ አረ እንቋዕ ተፈጠርኩም። ወረግ እንኳዕ ቴንዳ ኣቃጸልኩም። አረ እንቋዕ ኣማዕዲና ንቐንኣልኩም ኣይኮንኩም። አረ እንቋዕነይ ናይና ኴንኩም። እዚስ መን ይረኽቦ!?
ከም'ዚ ዝበልዎ ሺሻይ የለን!
ኣማኢት ዕስለ አእዱግ፣ ጠበቓ ከይቆጸርና፣ ከይከሰስናኩም፣ ኣብ ቤት ማእሰርቲ ጠበልበል እንዳበልኩም ሰተት ኢልኩም ባዕላትኩም ኣቲኹምልና፣ ገሌኹም ካብ ፖሊስ ክትሃድሙ ካብ ቢንቶ ወዲቕኩም ሕቖኹም ጎዝዚኩምልና፣ ገሌኹም ኣብ ቀላይ ድርግም ኢልኩም ኣቲኹምልና። እዚ ኩሉስ መን ይረኽቦ!? -እዝጊ ዝሃቦ!
ሕሰብዎሞ ኤርትራዉያን ኣሕዋተይ! ኣድጊ ንሓመዱ ዝበሃል ዕስለ ደናቁር እንተዘይህሉስ ፌስቲቫላትና ብከምዚ ዝራእናዮ ምደመቐ ኢልኩም'ዶ ትሓስቡ? I am 100% sure ፈጺሙ ኣይምደመቐን። ኤርትራዊነት ተጻባኢ (challenge) ክረክብ ከሎ እዩ ዝያዳ ዝምቅር።
እሞሲ:-
ዕስለ አእዱግ ንሓመዱ ካብ መንበረይ ሓፍ ኢለ የቐንየልና ጥራይ እየ ክብለኩም ዝደሊ። እንቋዕ ተፈጠርኩም።
ነቲ ካልኦት ሃገራት ብዙሕ ኣድቨርታይዝን ጎስጓስን ጌረን ዘይረኽብኦ ሃገራዊነት ኢኹም ኣበራቢርኩም።
ሃገራዊነት (nationalism) ብቐሊሉ ኣይርከብን እዩ። ብዙሓት ሃገራት ህዝበን ስምዒት ሃገራዉነት ከጥፍእ ከሎ ማእለያ ዘይብሉ ወጻኢታት ብምግባር ብዙሕ ዝዓይነቱ ናይ መጎሳጎሲ ትልምታት እየን ዝሕንጽጻ።
እዋእ! መን ይገብርለካ ድዩ ከም'ዚ!?
ኣድጊ ንሓመዱ የቐንየልና፣ ብርክኹም ይጽናዕ! ዝተዛረብኩሞ ቀለም፣ ዝረገጽኩሞ ለምለም ይግበረልኩም። please ንዓመታ ፋሕፋሕ ኢልኩም ከይትጸንሑና። ተድልዩና ኢኹም። ንደልየኩም ኢና!
ንሕና ክንቀስን ዕምሪ ስደትኩም የንውሓዮ!
ኤርትራዉነተይ ሓበነይ!
