Please wait, video is loading...
(ብጓል ፈዳይን ሻዕቢያ) ከምቲ ኩልና ንፈልጦ እቲ ብናይ ሓሶት ጽዉጽዋይ ዝኣከብዎ ብሚልዮን ዝቑጸር መንእሰይ ትግራይ፣ ግዳይ ሞትን ከቢድ ስንክልናን እዩ ኮይኑ። ኣዲስ ኣበባ ምስ ኣተና፣ ገንዘብ ብገንዘብ፣ ወርቂ ብወርቂ ክንገብረካ ኢና፣ ኣስመራ ኣቲና ቀይሕ ባሕሪ ክትወስድ ኢኻ፣ ኢሎም ዝኣኻኸብዎ ገፈጥ መፈጥ ደርጎኛ ትግራይ እነሆ ሎሚ ኣብ ማእከል መቐለ፣ ነቶም ኣራሲኖም ኣብ ኩናት ዝጠበስዎ ኣዛብእ ቀትሪ "ሸዊድኩምና፣ ንስኻትኩም ናብ ዉስኪ ኣንሕና ለ ናብ ለመና" ክብሎም ይዉዕል ኣሎ።
ኣብ ዝኾነት ሃገር፣ ድሕሪ ኲናት ዝፍጠር ቅልዉላዉ (Post War Crisis) ዝበሃል ነገር ኣሎ። ኣብ ትግራይ እሞ ድማ ብስዕረትን ኢድካ ብምሃብን ዝተዛዘመ ኲናት ማዕረ ክንደይ ቅልዉላዉ ክፈጥር ከምዝኽእል ንምግማቱ ኣየጸግምን እዩ።
እቲ ዝሞተስ ሞይቱ እዩ። ኣይርእዮ ኣይሰምዖ። እቲ ብኣማኢት ኣሽሓት ዝቑጸር ኣብ ንቡር ኩነታት ኣፍራዪ ክኸዉን ዝግብኦ መንእሰይ ትግራይ ሰኣን እኹል መግቢን መድሃኒትን እሞ ድማ ምስቲ ከቢድ ቃንዛ ስጋ ምፍጣሩ ክሳብ ዝጸልእ ኮይኑ ኣሎ።
እዚ ማሕበራዊን ቁጠባዊን ሕሰም ምስ ጊዜ እንዳኸበደ ክኸይድ እዩ። እዚ ጸገም ድማ ብቐሊሉ ዘይፍታሕ ካልእ ፖለቲካዊ ጸገም ክወልድ እዩ። ትግራይ በዓቲ ሽፍትነት፣ ክትራን፣ ሃንግ፣ ቅትለት፣ ሽርሙጥና፣ ስፍራ ዝተፈላለዩ ወልፍታት እንዳኾነት ክትከይድ እያ።
ተስፋ ዝቖረጸ፣ ተጠሊመ ዝብል መንእሰይ ዝኾነ ዓይነት ገበን ንኽፍጽም ድሕር ኣይብልን እዩ።
ኣብ መወዳእታ ድማ ከባቢያዉነት እንዳዓዘዘ፣ ቀይዲ በተኽ ዕጡቓት (regional warlords) ፎቖዶ ከባቢ ክፍጠሩን፣ ትግራይ ቦታ ሓይለይ ሓይልኻን ሕድሕድ ኲናት ዝካየደላ ምድራዊት ሲኦል ክትከዉን እያ።
እብል ኣለኹ:- እቲ ዝኸበደ ጸገም ትግራይ ብሕጂ እዩ ክጅምር።