Mereja.Forum

[Meleket]

Temt ግሩም መልክዕኽቲ ኢዩ። ፊደላትዉን ተንሢኦም ኣለዉ!ካብ መዝገብ ፊደላት ዝተሓኹ ዝመስሉ ዝነበሩ ፊደላት ሠ፣ ፀ፡ ኃ፡ ርኢናዬን ተሓጉሽና።

ስብሐት ለእግዚኣብሔር ልዑል፡ ወለወላዲቱ ማርያም ድንግል ወለመስቀሉ ክቡር ኣሜን።

ብምኽንያት በዓለ ትንሣኤ ጐይታናንን መድኃኒናን ኢየሱስ ክርስቶስ ፳፻፲፭ / 2023 ብኦርቶዶክስ ተዋሕዶ ቤተ ክርስቲያን ዝተፈነወ መልእኽቲ (ቃለ ቡራኬ)
Apr 15, 2023



በስመ ኣብ ወወልድ ወመንፈስ ቅዱስ ኣሐዱ ኣምላክ።

“ኣነ ትንሣኤን ሕይወትን እየ፡ እቲ ብኣይ ዝኣምንሲ እንተ ሞተ እኳ ብሕይውት ኪነብር እዩ” (ዮሐ.11፥25)

ክቡራንን ክቡራትን ኣመንቲ ክርስትና ብሓፈሻ ኣብ ሃገርን ወጻእን እትነብሩ ኩልዂም ኤርትራውያን እንቛዕ ናብ በዓለ ትንሣኤ ጐይታናንን መድኃኒናን ኢየሱስ ክርስቶስ ብደሓነ ሰላም ኣብጽሓኩም ኣብጸሓና።

“እግዚአብሔር ይትንሥእ፡ ጸላእቱ ይብተኑ” (መዝ.ዳዊ.68፥1) ይብል ቅዱስ ዳዊት እዚ ትንቢት ቅድሚ ሽሕ ዓመት ልደት ጐይታ ቅዱስ ዳዊት ዝተናገሮ ኮይኑ፡ ጐይታናን መድኃኒናን ኢየሱስ ክርስቶስ ኣብዚ ዓለም ብሥጋ ተገሊጹ፡ በቲ ዝተወሓዶ ሥጋ ምእንቲ ድሕነትና፡ ጸዋትወ መከራ ተቐቢሉ፡ ምስ በደለኛታት ተቈጺሩ፡ ኣብ መንጎ ክልተ ሸፋቱ ኣብ ቀራንዮ ኣብ ዕፀ መስቀል ተሰቒሉ ነቶም ርኂቕና ዝነበርና ናብኡ ኣቕሪቡ ወገናቱ ምእንቲ ክገብረና በጃ ብዙኃን ሞተ፡ ነዚ ንኽገልጽ ሓዋርያ ቅዱስ ጳውሎስ “ሕጂ ግና ኣቱም ቀደም ርኁቓት ዝነበርኩም ንስኻትኩም ብኢየሱስ ክርስቶስ ብደም ክርስቶስ ቀረብኩም ንሱ ነዞም ክልተ ሓደ ዚገበረ፡ ነቲ ኣብ መንጎ ዝነበረ ከልካሊ መንደቕ’ውን ዘፍረሰ ሰላምና እዩ ንኣኻትኩም ነቶም ርኁቓን ዚነበርኩም መጺኡ ሰላም ኣብሠረኩም” ይብል። (ኤፌ.2፥13-15)

ቅዱስ ዮሐንስ ኣፈወርቅ’ዉን “ንሞት ከስዕሮን ንሙታን ከሕውዮምን እቲ ዘይመውት ሞተ” ከምዝበሎ ጐይታ ነቶም ኣብ መግዛእቲ ዲያብሎስ ዚነበሩ ንከድኅን ብሞቱ ንሞት ስዒሩ ነቶም ኣብ ድነ ሞት ዝነብሩ ካብ ሞት ኣላቐቆም። (ቅዳሴ ዮሐንስ ኣፈወርቅ ቊ.58) ጐይታናን መድኃኒናን ኢየሱስ ክርስቶስ ኣብ መዋዕለ ስብከቱ ንሞት ስዒሩ ከም ዝትንሥእን ጸላእቱ ኣይሁድ ብቅድስት ትንሣኤኡ ከምዝኃፍሩን ኣጋንንቲ ከም ዝሰዓሩን ገሊጹ ነበረ። ነቢየ እግዚአብሔር ዮናስ ኣብ ከርሢ ዓሣ ሠለስተ መዓልትን ሠለስተ ለይትን ምጽንሑ ምሳሌ ጐይታናን መድኃኒናን ኢየሱስ ክርስቶስ ሠለስተ መዓልትን ሠለስተ ለይትን ኣብ ከርሢ መቓብር ኃዲሩ ምትንሣኡ እዩ። እምበኣር ትንሣኤ ጐይታ ኵሉ ሰብኣዊ ፍጡር ሞይቱ ዝትንሥእ ምዃኑን፡ እቶም ሠናይ ዝገበሩ ብርሃን ለቢሶም ንክርስቶስ መሲሎም ትንሣኤ ሕይወት ከም ዝረኽቡ እዩ ዝገልጸልና።

ክቡራንን ክቡራትን ሕዝበ እግዚኣብሔር

ጐይታናን መድኃኒናን ኢየሱስ ክርስቶስ “ኣነ ትንሣኤን ሕይወትን እየ፡ እቲ ብኣይ ዝኣምንሲ እንተ ሞተ እኳ ብሕይወት ኪነብር እዩ።” ብዝሃቦ ኣምላካዊ ቃል ብምርዳእ። ንክብሪ ትንሣኤ ክንበቅዕ ኣብዚ ምድሪ ብንስሓ ተሓጺብና፡ ንእምነት ብግብሪ ኣሰኒና ብመንፈሳዊ ሕይወት ክንመላለስ ይግባኣና።

ነቲ ክቡር በዓል ከነብዕል ከሎና፡ እንታይ ክንበልዕን ክንሰትን ክንክደን ካብ ዚብል ካብ ሥጋዊ ድሌት ነጻ ኴንና ንሓድሕድና ብፍቕርን ለውሃትን ጸኒዕና በረኸት ሥጋን በረኸት ነፍስን እንረኽበሉ ክኸውን ይግባእ።

ኣብ ርእሲኡ እግዚኣብሔር ከም ዝኣዘዘና፡ ነዚ በዓል ምኽንያት ብምግባር፡ ካብ ዘሎና ንስኡናት ከነካፍል፡ ንዝዓረቚ ክንከድንን፡ ግዴታ ኣሎና’ሞ፡ ነዚ ንምግባር ምሕረት እግዚኣብሔር ኣማላድነት ቅድስት ድንግል ማርያምን ተራዳእነት ኲሎም ቅዱሳንን ኣይፈለየና። በዓልና በዓል ሓጐስ ገይሩ ንሃገርናን ንምሉእ ዓለምን ሰላሙን ምሕረቱን የውርደልና።

ስብሐት ለእግዚኣብሔር ልዑል ወለማርያም ድንግል ወለመስቀሉ ክቡር ኣሜን።

እግዚኣብሔር ሃገርና ይባርኽ

ብፁዕ ኣቡነ ጴጥሮስ ሊቀ ጳጳስ ዓቃቤ መንበር

ዘኦርቶዶክስ ተዋሕዶ ቤተ ክርስቲያን ኤርትራ

፳፻፲፭ / 2023

ኣብቲ ኣርማ ዘላ "ኤር.ኦር.ተዋ.ቤት." ከምታ ዘላታ ካብቲ ናይ እንግሊዝኛ ዝተተርጐመት ትመስል። እቲ ቕኑዕ ከመይ ኢዩ ምሁራን ቋንቋ ትግርኛ ንገሩና።

ስብሐት ለእግዚኣብሔር ልዑል፡ ወለወላዲቱ ማርያም ድንግል ወለመስቀሉ ክቡር ኣሜን።

ድምጺ ሓፋሽ ስለምታይ ኢያ ቡራኬ ናይቶም ኣቦታት ካልኦት ኣመንቲ ክርስትና'ዉን (ካቶሊክን ኬንሻን) ዘይተቃልሖ? ብዘይ "ድርብ ዕያር" እንተበልና መን ኢዩ ኪምልሸልና ዝኽእል።

[Meleket]

Temt ግሩም መልክዕኽቲ ኢዩ። ፊደላትዉን ተንሢኦም ኣለዉ!ካብ መዝገብ ፊደላት ዝተሓኹ ዝመስሉ ዝነበሩ ፊደላት ሠ፣ ፀ፡ ኃ፡ ርኢናዬን ተሓጉሽና።

ስብሐት ለእግዚኣብሔር ልዑል፡ ወለወላዲቱ ማርያም ድንግል ወለመስቀሉ ክቡር ኣሜን።

ብምኽንያት በዓለ ትንሣኤ ጐይታናንን መድኃኒናን ኢየሱስ ክርስቶስ ፳፻፲፭ / 2023 ብኦርቶዶክስ ተዋሕዶ ቤተ ክርስቲያን ዝተፈነወ መልእኽቲ (ቃለ ቡራኬ)
Apr 15, 2023



በስመ ኣብ ወወልድ ወመንፈስ ቅዱስ ኣሐዱ ኣምላክ።

“ኣነ ትንሣኤን ሕይወትን እየ፡ እቲ ብኣይ ዝኣምንሲ እንተ ሞተ እኳ ብሕይውት ኪነብር እዩ” (ዮሐ.11፥25)

ክቡራንን ክቡራትን ኣመንቲ ክርስትና ብሓፈሻ ኣብ ሃገርን ወጻእን እትነብሩ ኩልዂም ኤርትራውያን እንቛዕ ናብ በዓለ ትንሣኤ ጐይታናንን መድኃኒናን ኢየሱስ ክርስቶስ ብደሓነ ሰላም ኣብጽሓኩም ኣብጸሓና።

“እግዚአብሔር ይትንሥእ፡ ጸላእቱ ይብተኑ” (መዝ.ዳዊ.68፥1) ይብል ቅዱስ ዳዊት እዚ ትንቢት ቅድሚ ሽሕ ዓመት ልደት ጐይታ ቅዱስ ዳዊት ዝተናገሮ ኮይኑ፡ ጐይታናን መድኃኒናን ኢየሱስ ክርስቶስ ኣብዚ ዓለም ብሥጋ ተገሊጹ፡ በቲ ዝተወሓዶ ሥጋ ምእንቲ ድሕነትና፡ ጸዋትወ መከራ ተቐቢሉ፡ ምስ በደለኛታት ተቈጺሩ፡ ኣብ መንጎ ክልተ ሸፋቱ ኣብ ቀራንዮ ኣብ ዕፀ መስቀል ተሰቒሉ ነቶም ርኂቕና ዝነበርና ናብኡ ኣቕሪቡ ወገናቱ ምእንቲ ክገብረና በጃ ብዙኃን ሞተ፡ ነዚ ንኽገልጽ ሓዋርያ ቅዱስ ጳውሎስ “ሕጂ ግና ኣቱም ቀደም ርኁቓት ዝነበርኩም ንስኻትኩም ብኢየሱስ ክርስቶስ ብደም ክርስቶስ ቀረብኩም ንሱ ነዞም ክልተ ሓደ ዚገበረ፡ ነቲ ኣብ መንጎ ዝነበረ ከልካሊ መንደቕ’ውን ዘፍረሰ ሰላምና እዩ ንኣኻትኩም ነቶም ርኁቓን ዚነበርኩም መጺኡ ሰላም ኣብሠረኩም” ይብል። (ኤፌ.2፥13-15)

ቅዱስ ዮሐንስ ኣፈወርቅ’ዉን “ንሞት ከስዕሮን ንሙታን ከሕውዮምን እቲ ዘይመውት ሞተ” ከምዝበሎ ጐይታ ነቶም ኣብ መግዛእቲ ዲያብሎስ ዚነበሩ ንከድኅን ብሞቱ ንሞት ስዒሩ ነቶም ኣብ ድነ ሞት ዝነብሩ ካብ ሞት ኣላቐቆም። (ቅዳሴ ዮሐንስ ኣፈወርቅ ቊ.58) ጐይታናን መድኃኒናን ኢየሱስ ክርስቶስ ኣብ መዋዕለ ስብከቱ ንሞት ስዒሩ ከም ዝትንሥእን ጸላእቱ ኣይሁድ ብቅድስት ትንሣኤኡ ከምዝኃፍሩን ኣጋንንቲ ከም ዝሰዓሩን ገሊጹ ነበረ። ነቢየ እግዚአብሔር ዮናስ ኣብ ከርሢ ዓሣ ሠለስተ መዓልትን ሠለስተ ለይትን ምጽንሑ ምሳሌ ጐይታናን መድኃኒናን ኢየሱስ ክርስቶስ ሠለስተ መዓልትን ሠለስተ ለይትን ኣብ ከርሢ መቓብር ኃዲሩ ምትንሣኡ እዩ። እምበኣር ትንሣኤ ጐይታ ኵሉ ሰብኣዊ ፍጡር ሞይቱ ዝትንሥእ ምዃኑን፡ እቶም ሠናይ ዝገበሩ ብርሃን ለቢሶም ንክርስቶስ መሲሎም ትንሣኤ ሕይወት ከም ዝረኽቡ እዩ ዝገልጸልና።

ክቡራንን ክቡራትን ሕዝበ እግዚኣብሔር

ጐይታናን መድኃኒናን ኢየሱስ ክርስቶስ “ኣነ ትንሣኤን ሕይወትን እየ፡ እቲ ብኣይ ዝኣምንሲ እንተ ሞተ እኳ ብሕይወት ኪነብር እዩ።” ብዝሃቦ ኣምላካዊ ቃል ብምርዳእ። ንክብሪ ትንሣኤ ክንበቅዕ ኣብዚ ምድሪ ብንስሓ ተሓጺብና፡ ንእምነት ብግብሪ ኣሰኒና ብመንፈሳዊ ሕይወት ክንመላለስ ይግባኣና።

ነቲ ክቡር በዓል ከነብዕል ከሎና፡ እንታይ ክንበልዕን ክንሰትን ክንክደን ካብ ዚብል ካብ ሥጋዊ ድሌት ነጻ ኴንና ንሓድሕድና ብፍቕርን ለውሃትን ጸኒዕና በረኸት ሥጋን በረኸት ነፍስን እንረኽበሉ ክኸውን ይግባእ።

ኣብ ርእሲኡ እግዚኣብሔር ከም ዝኣዘዘና፡ ነዚ በዓል ምኽንያት ብምግባር፡ ካብ ዘሎና ንስኡናት ከነካፍል፡ ንዝዓረቚ ክንከድንን፡ ግዴታ ኣሎና’ሞ፡ ነዚ ንምግባር ምሕረት እግዚኣብሔር ኣማላድነት ቅድስት ድንግል ማርያምን ተራዳእነት ኲሎም ቅዱሳንን ኣይፈለየና። በዓልና በዓል ሓጐስ ገይሩ ንሃገርናን ንምሉእ ዓለምን ሰላሙን ምሕረቱን የውርደልና።

ስብሐት ለእግዚኣብሔር ልዑል ወለማርያም ድንግል ወለመስቀሉ ክቡር ኣሜን።

እግዚኣብሔር ሃገርና ይባርኽ

ብፁዕ ኣቡነ ጴጥሮስ ሊቀ ጳጳስ ዓቃቤ መንበር

ዘኦርቶዶክስ ተዋሕዶ ቤተ ክርስቲያን ኤርትራ

፳፻፲፭ / 2023

ኣብቲ ኣርማ ዘላ "ኤር.ኦር.ተዋ.ቤት." ከምታ ዘላታ ካብቲ ናይ እንግሊዝኛ ዝተተርጐመት ትመስል። እቲ ቕኑዕ ከመይ ኢዩ ምሁራን ቋንቋ ትግርኛ ንገሩና።

ስብሐት ለእግዚኣብሔር ልዑል፡ ወለወላዲቱ ማርያም ድንግል ወለመስቀሉ ክቡር ኣሜን።

ድምጺ ሓፋሽ ስለምታይ ኢያ ቡራኬ ናይቶም ኣቦታት ካልኦት ኣመንቲ ክርስትና'ዉን (ካቶሊክን ኬንሻን) ዘይተቃልሖ? ብዘይ "ድርብ ዕያር" እንተበልና መን ኢዩ ኪምልሸልና ዝኽእል።