- ህግደፍ ጌጋኹም ኣርሙ ፡ ቲቪ ኤረ ድፍረትኩም ኣርሙ!!
ሰነዳዊ ፊልም/ዶክዩመንተሪ ብዛዕባ ማሕረድቲ ዳምባ ሰሓርትን ተራ ሓማሴናዊ ህዝቢ ዳምባ ሰሓርቲ ኣብ ሰውራ ብዝምስገን ኣቕሪብኩም ክተብቕዑ ነቲ መደብኩም ክትጅምሩ እንከለኹም ገለ ዘይማሓራ ጌጋታት ፈጺምኩም ። ብትውልዱ ሰሓርታዊ ንዝኾነ ጅግና ህዝቢ ናይ ቀደም ሰሓርቲ ኢልካ ኣይጽዋዓን እዩ ። ንወለዶ ክተዳናግሩን ታሪኽ ኣህሲስኩም ክተጥፍኡ ብመደብን ስርርዕን ህግደፍ ኮነ ኢልኩም ሒዝኩሞ እንተ ኰንኩም ተላይ ንገሩና ።
እዚ ዞባ ማእከል ዝበሃል ዘሎ ፡ ወደባት ሃገራዊ ግቡኡ እንዳ ኣማልአን ሰፍ ዘይብል መስዋእቲ ደቁ እንዳ ኸፈለን፡ ርስቱን መሬቱን ንምርሳይ ኮነ ኢልካ ፡ናብ ደም ምፍሳስ ብዘምርሕ ኣገባብ ፡ ናይ ስም ምቕያር ከም ዝተገብረ ፈሊጥና ኣሎና ። ሽም ሎጎ-ጭዋን ሰሓርትን ምድምሳስ ከ ንምንታይ ኣድለየ ? ርስቲ ደፊርካ ታሪኽ ንምድምሳስ ? ነዚ ዝግበር ዘሎ ግፍዕን ጌጋን ኣብ ሓደገኛ ደረጃ ከይበጽሐ ክእርሙ ዝኽእሉ ዘሓማሴን ደቂ መሬት ኣብ ውሽጢ ህግደፍ የለዉን ድዮም ? እንታይ እዩ ነገራቱ ? ንምሉእ ሓማሴን በዲልካን በዲህካን ምጉዓዝ ንመሪሕ ውድብ ህግደፍ የዋጽእ ድዩ ?
ንሕና ንልዑላውነት ናይ ሃገርና ንዝሓለወን ዘውሓሰን ውድብ ንምጽላእ ድልየት የብልናን ። እቲ ሕቶ ህግደፍ ተጸሊሉ ይኹን ብኻልእ መሬት ወደባት ሓማሴን - ኣስመራን ከባቢኣን ብቐረባ - ካብ ወዲ ሃገር እንዳ መንዘዐ ንደስ ዝበሎ - ንኣስላም ተጋሩ ከይተረፉ - እንዳ ዓደለ እንታይ ይገበር ? ኣብ ዶብን ክንየውኡን ናይ ጸጥታ ስራሕ ክትገብር ኬድካ ብዓወት ድሕሪ ምምላስካ ንመሬት ወደባት ኣሕሊፍካ ክትህብ እንከሎኻ እንታይ ይበሃል ? ግዜ ከይሓለፈ እንከሎ ሕሰቡሉ ። ትዕግስቲ ናይ ሓፋሽ እንዳተጸንቀቐ እዩ ዝኸይድ ዘሎ ። ከም ናይ ኦሮሞን ኣዲስ ኣበባን እንተመጽዩ ብዙሕ ምጅራሽን ምፍዳሕን ክህሉ እዩ ። ንሕና ካብ ጥንቲ ደቂ ሓረስቶት ስለ ዝኾንና ጥንታዊ ኣካይዳና ደኣ እምበር ከምቲ በላሕቲ ኣሕዋትና ዘምህረት ዮሃንስ ( ብዛዕባ ትራንዚሽን እንዳ ተዛረብ ጥራሕ ኢድና ኣትሪፉ ናብ ካልእ ከሳጋግረና ዝደሊ ) ምስ የማነ ገብረ-ኣብ ( መሬት ሓማሴን ንምስራቕ ብዛዕባ ሲቲዘንሺፕ ዝዛረብ ) ዝብልዎ ኣየዋጽኣናን እዩ ።
ተወሳኺ ፥ በኣምሆይ ናይ ሰራዊትና ናይ ምዝንጋዕ መደብ እንዳ ረኣኹ እንከለኹ ሓደ ጅግና መራሕ መድረኽ ከምዚ ክብል ሰሚዐዮ ፡
ሰሓርቲ ኣለኹም ዶ ?
ሊባን ኣለኹም ዶ ?
በዛ ልበይ ንሓወቦታተይ ሳንድያጎ ምስ መሃንድስ ፍጹም ወዲ ኣብራሃም " ወይ ጉድ በቲ ሓደ የለኹምን ይብሉና በቲ ሓደ ድማ ኣብ ግንባር ኣለኹም ዶ እንዳበሉ ሰላምታ የማሓላልፉልና ! " ኢለዮም !!!
- እዚኣ ዎ ደሓንኩም !!!
-