ኤርትራዊ ኣእምሮ - ኣብ ምህንዳስን ምሕናጽን ቻርተርን ምምሕዳራዊ ቅርጺን ውዱብ ሕብረት አፍሪቓ
Posted: 15 Feb 2023, 10:02
"ዲብሎማሺ 101" 
ትምህርቱ ለነ እንቶኔ ነው! መንፈሳዊ ቅናት ቢያድርባቸው ብለን ነው። 
ትምህርቱ ለነ እንቶኔ ነው! መንፈሳዊ ቅናት ቢያድርባቸው ብለን ነው።
Meleket wrote: ↑23 Feb 2019, 02:57ኣብ ቀጽሪ ቤት ጽሕፈት ሕብረት አፍሪቃ ሓወልቲ ቀዳማዊ ኃይለስላሴ ቆይሙ ይበሃል ኣሎ፣ ብድሕሪ እዚ ሓውልትን ብድሕሪ እዚ ቤት ጽሕፈትን ዘሎ ብሱል ኤርትራዊ ኣእምሮ እስከ ንዘክሮን ንላለዮን!
ዶክተር ተስፋይ ገብረእግዚእ (1917-1967)
ዶክተር ተስፋይ ገብረእግዚእ ተወላዲ አከለጉዛይ ካብ ዝኾኑ ቀኛዝማች ገብረእግዚእ ስብሓትን ወ/ሮ ማና ተስፉን ብ ግንቦት 23 1917 (ከም እቆጻጽራ ግዕዝ) ኣብ አዲስ ኣበባ ተወልዱ። (ኣምቼ ኢዮም ግዲ!)
ትምህርቶም ኮተቤ አብ ዚርከብ ካልኣይ ብርኺ ቤት ትምህርቲ ቀዳማዊ ኃይለሥላሴ ብምቕጻልውን፦
ቤይሩት (ሊባኖስ) ኣብ ዚርከብ ዩኒቨርሲቲ ኣሜሪካ ብሙያ ምምሕዳር ናይ ባችለር ዲግሪ ዓቲሮም፡
ኣብ ሕቡራት መንግሥታት ኣሜሪካ ኣብ ግዝኣት ካሊፎርኒያ ዚርከብ ዩኒቨርሲቲ ስታንፎርድ ብትምህርቲ ሕጊ ናይ ማስትሬት ዲግሪ ወኒኖም፡
ኣብ ሕቡራት መንግሥታት ኣሜሪካ አብ ግዝኣት ማሳቹሴትስ ፍሌቸር ስኩል ኦፍ ሎው ኤንድ ዲፕሎማሲ ናይ ፍልስፍና ማዕረግ ዶክትረይት ዲግሪ ዓቲሮም።
ትምህርቶም ዛዚሞም ናብ ኢትዮጵያ ምስተመልሱ’ዉን
ካብ 1950 – 1952 ዓ.ም. ኣብ ሚኒስትር ወጻኢ ጉዳያት ተሓጋጋዚ ሚኒስተር
ካብ 1952 – 1958 ዓ.ም. ሕቡራት መንግስታት (UN) ቀዋሚ መልእኽተይናን(ወኪልን) አምባሳደርን ኢትዮጵያ
ካብ 1958 – 1964 ዓ.ም. ኣብ ሚኒስትር ወጻኢ ጉዳያት ሚኒስትር ዲኤታ
ካብ 1964 – 1966 ዓ.ም. ሚኒስትር ዜና ኮይኖም ኣገልጊሎም።
ዶ/ር ተስፋይ ገብረእግዚእ ካብ ምዱብ ስርሖም ብተወሳኺ ብ1955 ዓ.ም. ንውዱብ ሓድነት አፍሪቓ ኬቑሙ ወይ ኪውድቡ ተሓርዮም ንቻርተሩን ምምሕዳራዊ ቅርጹን ብምውዳድ እቲ ውዱብ ሎሚ ኣብ ዚርከበሉ ልዑል ብርኺ ንኪበጽሕ ጽኑዕ ሠረት ኣንቢሮም ኢዮም።
ደርግ ብሚያዝያ 1966 ዓ.ም. ኣብ ትሕቲ ቀይዲ ምስገበሮም ብዘይ ሓደ ፍርዲ ኣብ ማእሰርቲ ድሕሪ ምጽንሖም ብኅዳር 14 1967 ዓ.ም. ብግፍዒ ተቐቲሎም።
“የኢትዮጵያ እና ኤርትራ ግጭት መንሥኤ እና መፍትሔ” ዚብል ኣርእስቲ ካብዘለዎ ብዶ/ር ደጃዝማች ዘውዴ ገብረሥላሴ ብኃልዮት “አዲስ አበባ ዩኒቨርስቲ ፕረስ” ካብ ዝተጻሕፈ መጽሐፍ ገጽ 244 ዝተጸብሐ ጸብሒ ኢዩ አስተማቕርዎ።
መታን ሐዲሽ ወለዶና ታሪኽ ኣያታቱን ኣሕዋቱን ኣጸቢቑ ኪፈልጥ ካልኦት ብሱል ኣእምሮ ዝነበሮምን ዘለዎምን ኣብነታዉያን ኤርትራዉያን ድማ እቶም ትፈልጥዎም ሃሰስ እናበልኩም ኣላልዩና ደኣ!!! ወደሓንኩም።
