Page 1 of 1
ኣብ ዝሓለፈ ክልተ ሰሙን ኣብ ምስሪ ዝተገብረ፥ኣቦ ኣብ መርዓ ጓሉ እንታይ ገበረ? መስኪናይ በዓል ሕማም ቀጥ-ቀጥ ከ እንታይ ወረዶ? ኢ.ዒሳ በዓል ብራቴሊ(ኣቡ ሓማላት!) ከ እንታይ ኣበሰ?
Posted: 23 Dec 2022, 14:38
by Abe Abraham
ኣብ ዝሓለፈ ክልተ ሰሙን ኣብ ምስሪ ዝተገብረ፥ ኣቦ ኣብ መርዓ ጓሉ እንታይ ገበረ?መስኪናይ በዓል ሕማም ቀጥ-ቀጥ ከ እንታይ ወረዶ ? ኢብራሂም ዒሳ በዓል ብራቴሊ - ኣቡ ሓማላት - ከ እንታይ ኣበሰ ?
Re: ኣብ ዝሓለፈ ክልተ ሰሙን ኣብ ምስሪ ዝተገብረ፥ኣቦ ኣብ መርዓ ጓሉ እንታይ ገበረ? መስኪናይ በዓል ሕማም ቀጥ-ቀጥ ከ እንታይ ወረዶ? ኢ.ዒሳ በዓል ብራቴሊ(ኣቡ ሓማላት!) ከ እንታይ ኣ
Posted: 23 Dec 2022, 17:05
by Abe Abraham
- ሓንቲ ሕጂ እንድዒ እምበር ስጋዕ ዝሓለፈ ዓመት ጋዜጠኛ ኮይና ትሰርሕ ዝነበረት ቅሩብ ዕብይ ዝበለትን ተዋዛይትን በዓልቲ በሊሕ-ከም-ላማ መልሓስ ሰበይቲ በዘን ሰለስተ ኣርእስቲ ኣልዒላ ኣብ ዩትዩብ ክትዛረብ እንከላ ከምዚ ትብል ፥
__እዚ ስብና እንታይ እዩ ወሪድዎ ? ሎምስ እንታይ እዮም ከስምዑና ዝደልዩ ዘለዉ ? በኣምሆይ በዚ ዱምያጥ ( ቦታ) ሓደ ዓቢ ሰብኣይ ኣብ መርዓ ጓሉ ጉድ ጌሩ ! ዕዱማት ተዓዲሞም መዓት ሰብ እንከለዉ ካብ ኩርሱ ሓፍ ኢሉ ናይ ጉዳይ ሞግልሕ ድምጺ ዓቲሩ ናብ ጓሉ ኣቕኒዑ ከይሓነኸ " 'ዛ ጓለይ እንቋዕ ሓጎሰክን ሓጎሰናን ግን ኣብ'ዚኣ ክብለኪ ዝደሊ ኣዴኺ ምሳይ ንገዛ ኣይትኸይድን ኢያ ። ኣነ ክፈትሓ እየ ። " ኢሉ ተዛሪቡ ። መስክነይቲ ቆልዓ ኣብ ሓጎሳ በቦኣ ተበዲላ ። እቲ ንመርዓ ክሓልፍ ቅሩብ መዓልትታት ዋላ ይኹን ክጽበ ዘይከኣለ ነውራም ሰብኣይ ክትርእዮ እንከለኻ ፊቱን ክዳኑን ካልእ እዩ ዝመስል ግን ነዚ ኣነዋሪ ተግባር ክፍጽም በቒዑ ። ንሕና ናበይ ገጽና ኢና ንኸይድ ዘሎና ?
_ናብ ካልእ ጉዳይ ክሓልፍ ኣብ'ዚ ቀረባ እዋን ከኣ ሓደ ሕማም ቀጥ-ቀጥን ርእሱን ክሳዱን ናብ'ዝን ናብ'ትን ብዘይድልየቱ ዘንቀሳቕስ ሕማም ዘለዎ መስኪናይ ሰብኣይ ኣብ ናይ ሓደ ናይ ኩዕሶ ክለብ ምምሕዳር እንዳ ሰርሐ ብዕዳ ስለ ዝተወጠጠ ንሓደ ሓወይ ዝብሎ " ብገንዘብ ስለ ዝተሸገርኩ ንተወሳኺ እቶት ዝኾነኒ ስራሕ ግዳ ዘይትደልየለይ " ኢሉ ሓገዝ ክሓትት ድሕሪ ምኻዱ እቶም ኣለቃሕቱ ትዕግስቲ ክገብሩ ስለ ዘይከኣሉ ናብ ሕጊ ወሲዶም ከም ዝእሰር ምስ ገበርዎ እቲ ሓጋዛይ ክኸውን ተሓሲቡ ዝነበረ ሰብኣይ ብድሕሪ እቲ ጭኑቕ ምስታ ሰበይቱ ዘይሕጋዊ ርክብ ጌሩ ።
እቲ ጉዳይ ኣብ'ዚ ከይውዳእ ብገለ ገለ እቲ ጠላምን ካሕዳይን ምስ ሰበይቲ እቲ እሱር ኣብ ዓራት እንከሎ ተርእይ ናይ 42 ደቒቕ ቪድዮ ናብ ደገ ወጺኣ ሰባት ድማ ክርእይዋ ክኢሎም ። ጉድ እዩ እዚ ጉድ ። እቲ ሰብኣይ እንታይ ገበረ ? እታ ሰበይቲ ዘይትደልዮ እንተ ኮይና ፍትሓኒ ዘይትብሎ ኣብ ክንዲ ናይ ብዕልግና ስራሕ ትገብር ? ኻላስ ዘይትደላለ እንተ ኰንካ ኩልኻ መመንግደኻ ትኸይድ ። በዚ ሎሚ ከኣ ደቂ-ተባዕትዮ ከይምርዓዉ ዝፈርሑ ዘለዉ ብኸምዝን ወዲ ከምዝን እዩ ። ማዕርነት ዶ ሽንጣር ዶ እንዳበሉ ጸገም ኣምጺኦምልና ። ሓደ ኣብ መስመር " 42 ደቒቕ በዚሑ ፡ ንሱ ምሉእ ጥዕና ኣለዎ ማለት እዩ ። " ይብለኒ ኣሎ ፥፡ እወ ንሳ 'ውን ከምኡ !! ካልኣይ ከኣ " ብግዜ ክረአ እንከሎ ሃፍ ታይም ፡ ክንዲ ፍርቂ ጸዎታ ናይ ግጥም እግሪ ኩዕሶ ጌሮሞ ! " ይብለኒ ኣሎ ። እወ ሃፍ ታይም ግን 3 ደቓይቕ ኣጉዲሎም ናቶም ሓዲሽ ሃፍ ታይም ምሂዞም !! ኣየ ጉድ ! ኣነ እቲ ሕሙም ወዲ ምስ ረኣኽዎ ኣዝዩ ኣደንጊጹኒ ( ብሕማም ተዘርዩ እንከሎ ከይኣኽሎ ካልእ ጸገም ከኣ ተወሲኽዎ ) ።
__ካልእ ናይ 'ዚ ጉደኛ በዓል ብራቴሊ - ኣቡ ሓማላት - ከኣ ኣለኩም ። ኣብ ሃይማኖትን ካልእን ኣትዩ ዘድልን ዘየድልን ምዝራብ ከይኣኽሎ ሕጂ ከኣ " ንደቅና መታን ናይ ደቂ-ኣንስትዮን ደቂ-ተባዕትዮን ጉዳይ ጽቡቕ ጌሮም ካብ ንኡሶም ክፈልጡ ናይ ጾታ ትምህርቲ ኣብ ቤት-ትምህርትታት ክነቕርበሎም ኣሎና ። ብሰንኪ ኣብ'ዚ ጉዳይ እዚ ብዘሎ ናይ ኣፍልጦ ሕጽረት ብዙሕ ሕማቕ ነገራት ( ሓደ ንሓንቲ ቀቲልዋ ፡ ሓንቲ ንሓደ ቀቲላቶ ...) ንሰምዕ ስለ ዘሎና ...." እንዳ በለ ኣብ ኣዝዩ ተኣፋፊ ዝኾነ ኣርእስቲ ኣትዮ ። ነቖልዑት ኣብ 'ቲ ተነቃፊ ዕድሚኦም ብዛዕባ ጾታ ክምህሮም ደልዩ! መስደመም !! ኣነ ኣብ'ዚኣ ንኣቡ ሓማላት ክሓቶ ደልየ ዘለኹ እዚ እዩ ፥ ኣቦኻን ኣዴኻን ክወልዱኻ እንከለዉ ከመይ ጌሮም ወሊዶምኻ ? ኣቐዲሞም ናይ ጾታ ትምህርቲ ወሲዶም ዶ ኔሮም እዮም ያ ኢብራሂም ዒሳ ? በዚሑ ሕጅስ በዚሑ!!
-