ኣብ ቤተክርስትያን መድሃኔ-ኣለም ኣኽሩር እንታይ እዩ ተፈጺሙ?
ኣባላት ሰራዊት መንግስቲ ኤርትራ፡ ትማሊ ሰንበት 04 መስከረም ንግሆ፡ ኣብ ቤተ ክርስትያን መድሃኔ-ኣለም ኣኽሩር ብምእታው ነቶም ኣብ ጸሎት ዝነበሩ መንእሰያት ከምዝገፈፍዎም ምንጭታት ንቢቢሲ ሓቢሮም።
እቶም ወተሃደራት ኣብቲ ቤተክርስትያን ዝጸንሕዎም ድያቆናትን መዘምራንን ኣገልገልቲ'ቲ ቤተክርስትያን ከይተረፈ ከምዘይገደፉ ቢቢሲ ዝረኸቦ ሓበሬታ የረድእ።
ከም ኣምነስቲ ኢንተርናሽናልን ሂዩማን ራይትስ ዎችን ዝኣመሰላ ኣህጕራውያን ትካላት ተጣበቕቲ ሰባዊ መሰላት፡ ገደብ ዘይብሉ ሃገራዊ ኣገልግሎት ኤርትራ፡ ቀንዲ ጠንቂ ፍልሰትን ስደትን መንእሰያትን ግህሰት ሰባዊ መሰላትን ምዃኑ ብተደጋጋሚ ክገልጻ ጸኒሐን እየን።
መንግስቲ ኤርትራ ግን፡ ኵሉ እቲ ብምዕራባውያን ሃገራትን ትካላት ሰባዊ መሰላትን ብዛዕባ ምሕደራኡ ዝወሃብ ርእይቶ ካብ ሓቂ ዝረሓቐን ንምስይጣኑ ዝእለም ውዲትን ምዃኑን እዩ ዝገልጽ።
ቢቢሲ
