https://fb.watch/cGiW5CBCNN/
ዲፕሎማሲያዊ ቐላጽም መንግስቲ ኤርትራ ካብ የማን ንጸጋም ከም ህቦብላ ክሸብብ ጀሚርሉ ኣብ ዘሎ እዋን---
====
> ምክትል ላዕለዋይ ኣዛዚ ሓይልታት ፈደራል ኢትዮጲያ ጀነራል ኣበባዉ ታደሰ ኣብ ኤርትራ ዑደት ብምፍጻም ምስ መዘናታቱ ሰፊሕ ምይይጥ ኣካይዱ። ዝምድናታት ኤርትራን ኢትዮጲያን ካብ ጊዜ ናብ ጊዜ እንዳዓበየ ይኸይድ ምስ ምህላዉ፡ መንግስታት ኤርትራን ኢትዮጲያን ኣብ ዞባዊ ሰላምን ርግኣትን ዘቶኮረ ሰፋሕቲ ዕዮታት ኣብ ምክንዋን ይርከቡ።
> ፍሉይ ልኡኽ መንግስቲ ኤርትራ ሚኒስተር ዑስማን ሳልሕን ኣማኻሪ ፕረዝደንት ኤርትራ ኣቶ የማነ ገብርኣብን ኣብ ሱዳን ምብጻሕ ብምግባር ምስ መንግስትን ተቓወምትን ሱዳን ሰፊሕ ምይይጥ ኣካይዶም። መንግስቲ ኤርትራ ኣብ ሱዳን ሰላምን ርግኣትን ንኽሰፍን ዓቲቡ ይሰርሕ ምህላዉ ምስክር ዘየድልዮ እዩ።
> ከም መቐጸልታ ናይ'ዚ ሰላምን ርግኣትን ኣብ ዞባና ንኽሰፍን ዝግበር ዘሎ ሰፋሕቲ ዕዮታት፡ ላዕለዋይ ኣዛዚ ሓይልታት ፈደራል ኢትዮጲያ ኢታ-ማጆር ብርሃኑ ጁላ ኣብ ኤርትራ ዑደት ብምፍጻም ምስ መዘናታቱ ሰፊሕ ምይይጥ ኣካይዱ።
> ዞባዊ ሰላምን ርግኣትን ንምስፋን ዉሽጣዊ ዓቕምኻ ምድልዳል ቐንዲ ረቛሒ ብምዃኑ፡ ሓይሊ ባሕሪ ሂንዲ ምስ ሓይሊ ባሕሪ ኤርትራ ሓባራዊ ልምምድ ንምክያድ 2 ዓበይቲ ፍሪጌት መራኽብ ሒዙ ናብ ወደባዊት ከተማ ባጽዕ ኣትዩ።
> ካብ'ዚ ብምቕጻል ፍሉይ ልኡኽ መንግስቲ ኤርትራ ሚኒስተር ዑስማን ሳልሕን ኣማኻሪ ፕረዝደንት ኤርትራ ኣቶ የማነ ገብርኣብን ኣብ ሩስያ ከተማ ሞስኮ ዑደት ንምፍጻም ኣብ ኤዉሮጳ ኣትዩ። ኣብ ዝርርቦም መንግስታት ኤርትራን ሩስያን ኣብ ዞባ ቐርኒ ኣፍሪቃ ሰላምን ርግኣትን ንኽሰፍን ብሓባር ክሰርሑ ኣብ ስምምዕ በጺሖም።
> ከንቲባ ዳርፉር ሚኒ ኣርኩ ሚናዊ ኣብ ኤርትራ ዑደት ንምግባር ኣስመራ ኣትዩ ይርከብ
