አቢይ አህመድ አንድ ሃሳብ (አይዲያ ወይም ምስለ ነገር) ከአንድ ቦታ ወደ ሌላ ቦታ እንዴት እንደ ሚዘዋወርና ጥቅም ላይ እንደ ሚውል፣ አንድ ቴክኖሎጂ ካንድ አገር ወደ ሌላ አገር ተወስዶ እንዴት ጥቅም ላይ እንደ ሚውል በውል የገባው ሰው አይደለም። ወይም አማካሪዎቹ የገባቸው አይደሉም ። ከአንድ ሰዓት በላይ ጄኔራሎቹን ሰብስቦ በፓወር ፖይንት (Power Point) ቴክኖሎጂ ተደግፎ የሰጠው ማሰልጠኛ ከሞላ ጎደል ከምዕራብ የቀሰማቸው፣ ከምዕራብ ኢምፖርት ያደረጋቸውን ሃሳቦች በመጠቀም ነው ። ያለፉትን ትውልዶች ሃሳብ ኢምፖርት በማድረግ ሲከስ አንዴም እሱ እራሱ የሚናገረውን አላዳመጠም፣ አያዳምጥም። ይህን መሰል ተራ ስህተቶችን ከመደጋገም መቆጠብ አለበት ።
ይህ ብቻ አይደለም። አቢይ አህመድ ቴክኖሎጂ አፍቃሬ ነኝ ይላል፣ በገፍ የውጭ ቴክኖሎጂ ኢምፖርት ያደርጋል፤ ነገር ግን አንድም ቀን ስራዬ ብሎ በሃሳብና ቴክኖሎጂ መካከል ስላለው አንድነት፣ መመሳሰልና ትስስር ምን እንደ ሆነ ለመገንዘብ አልሞከረም። ቴክኖሎጂ የሚወለደው ከሃሳብ ነው። ሃሳብ (እውቀት) ልክ እንደ ቴክኖሎጂ ዘዴ ነው፣ ብልሃት ነው፣ ክህሎት ነው፣ እስኪል ነው ። ሃሳብ ሳይኖር ቴክኖሎጂ አይኖርም፣ ሃሳብ ሳይኖር ተግባር አይኖርም። በሰው ልጆች ዘንድ ትልቁ የሃሳብ አይነት፣ ትልቁ የእውቀት አይነት 'አንድ ነገር የሚሰራው እንዴት ነው?' የሚለው የክህሎት የዘዴ የቴክኖሎጂ ጥያቄ ወይም እውቀት ነው ። አቢይ አህመድ ሙሉ ግዜውን ሃሳብና ቴክኖሎጂ ኢምፖርት እያደረገው ነጋ ጠባ ያለፉትን ትውልዶች ሃሳብ ኢምፖርት በማድረግ መክሰሱን ማቆም አለበት ። አሁን የእራሱን አላዋቂነት እያጋለጠበት መጥቷል! ፈረንጆች ሲተርቱ 'A Jack of all trades, expert of none' ይላሉ። አቢይ አህመድ ቁንጽል እውቀት ላይ ቆሞ ትላልቅ ስህተቶችን ከመስራት የሚጠብቁት አማካሪዎች ይፈልጋል! ትንሽ እውቀት አደገኛ ነውና።
ከ15 ጀምረህ ተመልከት
