Mereja.Forum

[Hameddibewoyane]

ትግራይ ዘላቶ ኩነታት

ኣብ ጎደናታት ከተማ መቐለ ብሰንኪ ዕፅወን ክባን ኣረመኔታት ፋሽሽታውያን ዳርጋ ዝበዝሕ ማሕበረሰብና ካብ መጀመሪኡ ሃፍታም ይኹን ዘይርኹብ (ብፍላይ ከዓ ህፃውነቲን ዓበይትን)ኣብ ልመና ተዋፊሩ ምርኣይ ልሙድ ኮይኑሎ።ብኻሊእ መዳይ ኸዓ ምልማን ገፅ ሰብ ምርኣይ ሓዊ ኮይኑዎ ኣብ ውሻጠ ገዝኡ ተዓፂፉ መዓልቲ ሞት ጥራሕ ዝፅበ ወይ ከዓ ሂዎቱ ዝሓልፍ ክንደይ ኣሎ።

እቲ ብጣዕሚ ዘሕዝን ከዓ ኩሉ እቲ ነባሪ ህዝቢ ማዕረ ብሙዃኑ ዝተልዓለ ዳርጋ ዝተኩብ ሰብ የለን ምባል ዝጋነን ኣይኮነን።ኣብዛ ሀዚ ስዓት ኩሉ ማሕበረሰብ ትግራይ ብፍላይ ከዓ ኣብ ከተማ ዝነብር ኣህዛብ ኣብ ብጣዕሚ ዘሕዝን ናብራን ንምንባር እውን ኢዱ እንዳሃበ ይርከብ። እዚኳ ትግራዋይ ኮይኑ ክኢሉዎ።ንልዕሊ 9 ወርሒ ብዘይ ናይ ደጋዊ ሓገዛት ፣ ብዘይ ምንም ዓይነት ናብ መሬት ትግራይ ዝኣቱ ንግዳዊ ምንቅስቃሳት፣ብዘይ ባንኪ ፣ብዘይ ሕክምና ፣ብዘይ ስልኪ፣ብደብዳብ ድሮናትን ጀትን ....ወዘተ ነዚ ኩሉ ችግራት ተፃዊሩ ምንባሩ ኣዝዩ ዘግርም ህዝቢ እዩ። እንታይ ዓይነት ህዝቢ ሙዃኑ ደጋጊምካ ክትሓስቦ ከለኻ ኸዓ ተመለሱ ንባዐልኻ የደምመካ።

ሎሚ ዕለት 04/03/2022 ኣ.ፈ ዳርጋ ስዓት 2:30pm international time ኣብ መንገዲ ዘጋጠመኒ ከዋግዐኩም።

ሓደ ሰብኣይ 2 ደቁ ሒዙ ብግምት እቲ ንእሽተይ 2 ዓመት እቲ ሓደ ድማ 5 ዓመት ይገብር ይኸወን (ኩሎም ኣቡኦም ሓዊስካ ጥራሕ እግሮም) አብ ጎደና መቐለ ኮፍ ኢሎም እቲ ንእሽተይ ቆልዓ ኛርር እንዳበለ ኣብ እግሪ ኣቡኡ ተሓቑፉ ይበኪ እቲ ካሊእ ቆልዓ ኸዓ ኣብ ጎድኒ ኣቡኡ ተገዲሙ ብማዕዶ ይሪኦም እሞ ንምንታይ ከም ዝበኪ ዘሎ ስለዝፍለጥ ባኒ ግዝአሉ ኢለ ካብታ ዘይነበራ ጁባይ ኣውፂኡ ይህቦ። እቲ ህፃን ነዛ ባኒ ምስረኣየ ብኽያት ገዲፉ ምሕያኽ ጀመረ። ካብኡ ነቲ ኣቦ,

ኣዲኦም ከ ኣበይ ኣላ ይብሎ።
ኣቦ:- ጥዒና ሰለዘይብላ ኣብ ሰራዋት ኣብ ሓደ ዑና ገዛ ደቂሳ እያ ዘላ ይብለኒ።
ኣነ: - ካበይ ድኹም መፂኹም?
ኣቦ:- ገዛና ኣብ (እቲ ቦታ ረሲዐዮ ብቻ ግን ኣብቲ ናይ ሰነ 2013 ናይ መጨረሻ ወግእ ዝተኻየደሉ ከባቢ 7 ሕጉም መዃኑ እዩ ዘዋገዐኒ )
ኣነ: እሞ ሕርሻ የብልካን ድኻማ ይብሎ።
ኣቦ:- ኣለኒ ግን እቲ ዝሓርሶ መሬት

1. ረይሳ ጥራሕ እዩ ነይሩ እቲ ኣከባቢ ብጣዕሚ እዩ በድቢዱ ነይሩ

2. መሊሱ ከዓ ኣብቲ ከባቢና ዳርጋ ዝናብ ኣይነበረን ኣብቲ ኣከባቢ ዝነበር ህዝቢ እውን የለን ናብ ልመና እዩ ተዋፊሩ ዘሎ ይብለኒ።
ኣነ: ምሽት ማ ኣበይ ኢኹም ትሓድሩ ይብሎ።

ኣቦ:ዝረኸብኩዎ ሒዘ ናብታ ሕምመቲ በዐልቲ ገዛይ ናብ ሮማናት እየ ዝኸድ ቆልዓ ሓንጊረዮ ይብለኒ።
እህህህህ እንዳበልኩ አዘን ንብዓተይ ጠብጠብ እንዳበልኩ በል አስከ መዋፅእ ይፍጠረልና ኢለ ስርዓት ኣብይን እግዚአብሔርን ብማዕረ እንዳወቐስኩ ጉዕዘይ ብዓዘፍዘፍ ጀመርኩ።

እዚ ክስተት ብኣብነት እግረመንገደይ ቀሪበ ዘዋጋዕኹዎን ዘጋጠመንን ደኣእምበር ካብዚ ዝኸፈአ ኽንደይ ጉድ ኣሎ ኣብ መሬት ትግራይ ። መሬት ተግራይ ዘይፀወረቶ መከራ የልቦን።
ሰለዚ

1. ድያስፖሮ ተጋሩ ነዚ ዕፅዋ፣ ስቓይን መከራን ኣብ ዝሓፀረ ጊዜ ዲፕሎማስያዊ መፍትሒ ንኽረክብን ሰብኣዊ ናይ ሂወት ኣድሕን ሓገዛት ቶሎ ንኽኣትውን ኢሉ ድማ ነዚ ኣብ በጣዕሚ ዘሸግር ናብራ ዘሎ ትግራዋይ ማ/ሰብ ከም ወትርኹም ተደራጂኹም ኣያ ክተኮኑዎ እላበዎኩም።

2. መንግስቲ ትግራይ ድማ ነዚ ጊዜ ዘይወስድ ኣጋጢሙና ዘሎ ዓብይ ስቓይን መከራን ኣብ ኣዝዩ ዝሓፀረ መዓልቲ እንተስ ብቕልፅምና እንተስ ብሰላማዊ መንገዲ መፍትሒ ክተናዲ እንተዘይኮይኑ ግና ናይ ታሪኽ ተሓታቲ ምዃንካ ፈሊጥካ ነቶም ፀላእትና ዝደልዩዎ ብጥሜትን ኩናትን ካብ መሬት ትግራይ ምፅናት ዘርኢ ሕልሞም ከይሳኻዕ ብጥንቃቐ ምርኣይ የድሊ።

ትግራይ ተስዕር።
ጓል ፈዳይን ሻዕቢያ ቫይናክ

[sesame]

Here is the link to the original fb post with comments.

https://www.facebook.com/hafte.mit/post ... 4262482352