882Fe8bruary0 m1cs6i at 012e1i:61d1g tPM ·
ዶ/ ደብረጼን ገ/ ሚካኤል ካብ ስልጣን ብዕልዋ ንምእላይ ዝግበር ዘሎ ምንቅስቓስ እንታይ'ዩ ክወልድ፧
===
ኣብ ትግራይ ዝጸንሐን ዘሎን ፖለቲካዊ ሽግር ናብ ግጭት ገጹ ይኸይድ ከም ዘሎ ካብ ክልል ትግራይ ዝወጹ ዘለዉ ሓበሬታታት የነጽሩ። እዚ ኣብ መንጎ ፖለቲካዉን ወተሃደራዉን ጨንፈራት ጃንዳ ማለሊት ጀሚሩ ዘሎ ምፍሕፋሕ፡ ኣብ 2016 ዝጀመረ ኮይኑ ኣብ እዋን'ቲ ጃንዳ ማለሊት ዘካየደቶ ዘይሕጋዊ ምርጫ ጥርዚ በጺሑ ምንባሩ ይንገር። ኣብ መንጎ ዶ/ ደብረጼን ገ/ ሚካኤልን ኣለም ገ/ ዋሒድን ዝጸንሐ ልኡም ምፍሕፋሕ ኣብ'ዚ እዋን ካልእ መልክዕ ሒዙ ምህላዉ ይስማዕ። ኣለም ገ/ ዋሒድ- ሓደ ካብ'ቶም ኣብ ክልል ትግራይ ዝተጸልአን ዝተፈንፈነን ሰብ ካብ'ቶም ወተሃደራዊ ክንፊ ሒዞም ዘለዉ መራሕቲ ድጋፍ ከም ዘለዎን በጻሩ ድማ ዶ/ ደብረጼን ገ/ ሚካኤል ጌና ሰፊሕ ድጋፍ ከም ዘይኣኻዕበተን ይግለጽ። ብፍላይ እቲ ብሌ/ጀ ታደሰ ወረደ ዝምራሕ ወተሃደራዊ ክንፊ ጃንዳ ማለሊት ኣብ ልዕሊ ዶ/ ደብረጼን ገ/ ሚካኤል ናይ ስልጣን ግደፍ ድፊኢታት ይገብር ምህላዉ'ዩ ዝሕበር። ሽሕ'ኳ እቲ ንነዊሕ እዋን ከሳቕዮ ዝጸንሐ ሕማም "ካንሰር" ከም ምኽንያት ክጥቀምሉ ይህቅኑ እንተሃለዉ፡ እቲ ቐንዲ ሽግር'ሲ ሌ/ጀ ታደሰ ወረደ ዝመርሖ ጉጅለ ጀነራላት ኣብ ልዕሊ ዶ/ ደብረጼን ገ/ ሚካኤል ናይ ዕልዋ መስርሕ ብስልሕም ምጅማሮም'ዩ።
ከም'ቲ ኩልና እንዕዘቦ ዘሎና ኣብ ዝሓለፉ 2 ሰሙናት ጥራይ ትግራይ ኣክቲቪስት ኢና በሃልቲ ዉልቀሰባት ኣብ ልዕሊ ፖለቲካዊ ክንፊ ጃንዳ ማለሊት ሰፊሕ ናይ ወቐሳ ጎስጓሳት ከካይዱ ጸኒሖም'ዮም። እዞም ብወተሃደራዊ ጨንፈር ጃንዳ ማለሊት ድጋፍ ከም ዘለዎም ዝንገር ዉልቀሰባት፡ ዶ/ ደብረጼን ገ/ ሚካኤል ዝመርሖ ቑንጪ ኣመራርሓ 2 ዓበይቲ ጌጋታት ከም ዝፈጸመን እቲ ሕጂ ማለሊት ኣጋጢምዋ ዘሎ ዘይዉጻእ ኩነታት ድማ ንሱን ሰዓብቱን ክሕተትሉ ከም ዘለዎም'ዮም ዝገልጹ። ብመሰረት በጺሕናዮ ዘሎና መጽናዕቲ፡ 2 ዓበይቲ ጌጋታት ፖለቲካዊ ጨንፈር ጃንዳ ማለሊት ተባሂሎም ተዘርዚሮም ዘለዉ፦
1- እቲ ናብ ክልላት ኣምሓራን ዓፋርን ክግበር ዝጸንሐ ፍሹል ወተሃደራዊ ዕንደራታት፡ ብቤት ጽሕፈት ዶ/ ደብረጼንን በቶም ኣብ ኣዲስ ኣበባ ስልጣን ደጊምና ክንሕዝ ኣሎና ዝብሉ ሓለፍቲ ዝነቐለ ብምዃኑ።
2- ሚለ ብምሓዝ መስመር ጅቡቲ ኣዲስ ኣበባ ምዕጻዉ፡ ንዶ/ ኣቢ ኣሕመድ ዓሊ ናብ ጠረቤዛ ከምጽኦ'ዩ ዝብል ስልታዊ ጸወታ ብዓንደርእሱ ብፖለቲካዊ ቤት-ጽሕፈት ጃንዳ ማለሊት ዝቐረበ ብምዃኑ።
እዘን 2 ነጥብታት ኣገደስቲ'ኳ እንተኾና ካልእ ክሳብ ሕጂ ክግለጹ ዘይተደልዩ ምኽንያታት'ዉን ይቐርቡ'ዮም። ድምር እኩብ ናይዞም ነጥብታት ኣብ ክልል ትግራይ ናይ ስልጣን ቁርቁስ ኣበጊሱ ይርከብ። ኣብ ልዕሊ ዶ/ ደብረጼን ገ/ ሚካኤል ዝእለም ዘሎ ሽርሒ ኣብ ክምለሰሉ ዘይክእል ደረጃ ከም ዝበጽሐ ዘአንፉ ዳታታት ሳዕሪሮም፡ ሌ/ጀ ጻድቃን ገ/ ጻድቕ ናብ ስልጣን ኣምጺኻ ናብ ወልቃይትን ሑመራን ምግስጋስ ዝብል ሓሳብ ኣብ ኣጀንዳ ጃንዳ ማለሊት ከም ዘሎ'ዩ ዝግለጽ።
