ዜና ሓመድ ኣዳም ምልባስ ብፁዕ ወቅዱስ ኣቡነ እንጦንዮስ ቀዳማዊ 3ይ ፓትርያርክ ወርእሰ ሊቃነ ጳጳሳት ዘሃገረ ኤርትራ
Posted: 10 Feb 2022, 18:01
ቅዱስ ኣካል ፓትርያርክ ኣቦና እንጦንዮስ ኣብ ሥፍራ ቅዱሳን ገዳም ደብረ ጽጌ ዓሪፉ ኣሎ። ብኣቦታት ገዳማውያንን ብካህናትን ሊቃውንትን ካብ ኩሉ እቲ ከባቢ ዝመጸ ሕዝብን ተዓጂቦም ሓመድ ኣዳም ለቢሶም ኣሎዉ።
ካብ ኩሉ ስፍራታት ዝመጽኡ ሊቃውንቲ ቤተ ክርስቲያን “ወተቀበልዎ መላእክት፥ ኣብእዎ ኢየሩሳሌም ሰማያዊት” እናበሉ ብዝማሬን ብሓጎስን ኣፋንዮሞም። ሓዘንን ገድልን ንሶም ፈጺሞሞ እዮም፥ ቃሎም ከይዓጸፉ ገድሎም ፈጺሞም ናብቲ ዘፍቅርዎን ዘፍቅሮምን ኣምላኾም ብምግዓዞም ብመንፈስ ዘሕጉስ ብሥጋ ግና ዘጉሂ እዩ።
N.B. ክቡራት ኣቦታትን ኣዴታትን። እዞም ኣቦ ሰናይ ገድሊ ተጋዲሎም ናብ ኣምላኾም ዝገዓዙ ኣቦ ስለዝኾኑ። መንግስቲ ኣምላኽ የዋርሶም “Rip” ዘይኮነስ፥ “በረኸቶምን ጸጋ ገድሎምን ምስ ኩልና ይኹን፥ ከምቲ ናቶም ገድልን ጽንዓትን ክንፍጽም ኣምላኽ ይሓግዘና” እዩ ዝበሃል።
ሞት ሰማዕታት ናይ ቤተ ክርስቲያን ዘርኢ እዩ እሞ፥ ብወንጌል ተዘሪእና ፈረ ክርስቶስ ክንፈሪ ኣምላኽ መንፈሱ ይሃበና። ኣሜን።
በረኸቶም ይሕደረና!
Please wait, video is loading...