ተሻቛሪርካ ኮፍ ምባል ምስ ባህርያትና ዝጻረር እዩ ።
Posted: 23 Dec 2021, 20:42
ተሻቛሪርካ ኮፍ ምባል ምስ ባህርያትና ዝጻረር እዩ ።
ኣብ ኤርትራ ካብ ትግርኛ ብዙሕ ፍርሓት ኣሎ ። ሰላም መጺኡ ተባሂሉ ዶብ ምስ ተኸፍተ ገሊኦም ሹቕርር ኢሎም ኔሮም ። ብድሕሪ ሕጂ 'ውን ወያነ ድምጽማጾም ጠፊኦም ሰላምን ምርግጋእን ንሓዋሩ እንተ መጺይኡ እቲ ምሹቕራር ኣይከቋርጽን እዩ። ብዘየሎ ትግራይ-ትግርኘን ኣግኣዝያዊ መንነትን ፖለቲካን ራዕዲ ዝኣትዎምን ድቃስ ለይትን ናይ መዓልቲ ዕረፍትን ዝስእኑን ሰባት ንነዊሕ ግዜ ምሳና ክህልዉ እዮም ። እዚ እንዳ ኮነ እንከሎ ተጋሩ ቲቪ ኤረ ምክትታል ኣይክገድፍዎን እዮም ። ከም'ኡ ኢሉ ድማ ጽልዋ ኤርትራ ኣብ ተጋሩ እንዳ ዓበየ ክኸይድ ናይ ግድን ይኸውን ። ኤርትራውያን ተዋህዶ ብሸነኾም ከምቲ ዶብ ምስ ተኸፍተ ዝረኣናዮ ናብ ማርያም ጽዮን ኣኽሱም ክነግዱ ክደልዩ ናይ ግድን ክኸውን እዩ ።
ሰለ'ዚ ተራሓሒቕካ ክትራሓሓቕ ኣይትኽእልን ኢኻ ዋላ ዝሹቕረሩ ሰባት እንተ ኣለዉ ። ነዚ ኣብነት ዝኸውን ኣብ'ቲ ብግዱሳት ኤርትራውያን ወጺኡ ዘሎ ጽሑፍ ሰፊሩ ዘሎ ሓቅታት እዩ ። እቲ ጽሑፍ እንታይ ይብል ? መልሲ ፥ ኣብ ትግራይ ሕድሕዳዊ ምስሕሓብ ኣብ መንጎ ዝተፈላለዩ ጎይቶት ኩናት /ኡመራእ ኣል-ሓርብ እንተ ተፈጢሩ መንግስቲ ኤርትራ ነቲ ኩነታት ቦትኡ ንምትሓዝ ተራኡ ይኸውን ። ልክዕ ከምቲ ናይ ሱዳንን ምብራቕ ሱዳንን ተኽእሎ እንተሎ ተራና ንጻወት ኣብ ትግራይ 'ውን ከም'ኡ ። ተሻቛሪርካ ኮፍ ምባል ምስ ባህርያትና ዝጻረር ስለ ዝኾነ ።