" ካብ ነንበሳ ዝተባህለ ተረፍ ስጋን ንኣህባይ ዝተባህለ ተረፍ በናናን በሊዑ ዝዓበየ ሰብ ብዙሕ ክትጽበ ትኽእል ኢኻ ! "
Posted: 22 Oct 2021, 11:36
" ካብ ነንበሳ ዝተባህለ ተረፍ ስጋን ንኣህባይ ዝተባህለ ተረፍ በናናን በሊዑ ዝዓበየ ሰብ ብዙሕ ክትጽበ ትኽእል ኢኻ ! "
ትማሊ ቅልጥፍ-ቅልጥፍ ኢለ ህሉው ኩነታት ናይ ሱዳን ኣብ ዩትዩብ እንዳ ተኻታተልኩ እንከለኹ ሓደ ሱዳናዊ " ኣብ ሱዳን ናይ ብሓቂ ናይ ፖለቲካ ሰልፍታት የብልናን ። እዞም ነንሕድሕዶም ክሳሓሓቡ ትርእይዎም ዘለኹም መሳሓሓቢኦም ናይ ሃገር ጉዳይ ዘይኮነ ስሰዐን ውልቃዊ ቅርሕንትን እዩ ። ቱራቢ መልሓሱ መርዛም ስለ ዝነበረ ምክትሉ ንዕዑ ጠሊሙ ምስ ኣል-በሺር ምስ ተጸንበረ '' ካብ ነንበሳ ዝተባህለ ተረፍ ስጋን ንኣብህባይ ዝተባህለ ተረፍ በናናን በሊዑ ዝዓበየ ሰብ ብዙሕ ክትጽበ ትኽእል ኢኻ ! " ኢሉ ተዛሪቡ ። እቲ ብደዐ መበገሲኡ ፥ እቲ ዝጠለሞ ብጻዩ ዓሊ ዑስማን መሓመድ ጣሃ ኮይኑ ወላዲኡ ኣብ መካነ እንስሳታት ይሰርሑ ስለ ዝነበሩ ካብ ስራሕ ናብ ገዛ ክምለሱ እንከለዉ ካብ 'ቲ ስጋ ናይ ኣናብስን በናና ናይ ኣህባይን ቆንጢሮምን ሰሊዖምን ድራር ደቆም ንገዛ ሒዞም ይኸዱ ስለ ዝነበሩ እዩ ። ከም'ቲ ዝበሃል ዓሊ ዑስማን መሓመድ ጣሃ ( ብትምህርቱ ጠበቓን ዓረብን እንግሊዝን ጽቡቕ ዝዛረብ ) ኣብ ሱዳን ዓቢ በዓል ስልጣን ምስ ኮነ ነቲ ኣቡኡ ዝሰርሓሉ ዝነበረ መካነ እንስሳታት ከም ዝፈርስ ጌሩ ። ከምቲ ዝውረ እቲ ዝወሰዶ ስጉምቲ ኣቡኡ ብጽፍሩ ዝነብር ( ዒሳሚ ) እንከሎ ብታሪኽ ኣቡኡ ስለ ዝሓፈረን ወዲ ዓበይቲ እየ ንምባልን ስለ ዝደለየ እዩ ።