Mereja.Forum

[Meleket]

. . . ገብረንጉስ ኣጽመት ብወገኑ፡ “ሓምድ፡ ኣንኳይ’ዶ ንዝተዘምታ ከብቲ፡ ተዘሚቱ ዝነበረ ታቦት ንኽመልስ ዝወፍር፡ እሞ ኸኣ ብዘይ ኣፈላላይ፡ ንዅሉ ዝተሓባብር፡ ሰብኣይ ብዓል ኒሕ’ኮ እዩ!” ኢሉ ነዚ ዝስዕብ የዘንቱ፡

“ኣብ’ቲ ግዜ’ቲ፡ ተጋሩ ኣብ ሕረት ንዝነበሩ ኤርትራውያን ደቂ ዓድና ንኽዘምትዎም ዕላማ ገበሩ። ኣብ’ቲ ከባቢ ሓንቲ ታቦት ጥራይ’ያ ዝነበረት። እቶም ተጋሩ ብመን ሕራይ ዝተላዕሉ ኰይኖም ዑቕበ በየነን ነጋ ዕቕበን ዝበሃሉ ኣሕሉቕ ነበርዎም። እዚኣቶም ፈለማ ነታ ኣብ ሕረት ዝነበረት ታቦት እንዳ ማርያም ዘሚቶም ወሲዶማ።

ሽዕኡ ብሓምድ እድሪስ ዓዋተን ባሻይ ወልደስላሴ አዳልን ዝምርሑ ደቂ ዓድና ብዅሉ መዳይ ተበጊሶም ነቶም ተጋሩ ሰዓብዎም። እንተ ዀነ፡ ወዮም ታቦት ዝዘመቱ ተጋሩ ‘ደቂ ኤርትራ ዅሎም ተላዒሎም ይኸብኹም ኣለዉ” ዝብል ወረ ምስ ሰምዑ ነታ ታቦት ናብ’ታ ዝነበረታ መሊሶማ።"

ካብ ቃለመጠይቕ ምስ ገብረንጉስ አጽመት፡
ኣብ “ሓምድ እድሪስ ዓዋተ 1915-1962” ዘርእስታ ብደራሲ ሃይለስላሴ ወልዱ ዝተጻሕፈት መጽሓፍ ታሪኽ ገጽ 116-117 ዝተጨለፈ!

[Meleket]

" . . . ሓምድ ብዙሕ ቋንቋታት ይፈልጥ ነይሩ። ውህብቶ’ዩ ክበሃል ዝከኣል፡ ናይ ባዕዲ ወሲኽካ ብሸሞንተ ቋንቋታት ክረዳዳእ ይኽእል ነበረ። ትግረ፡ ትግርኛ፡ ዓረብ፡ናራ፡ ኩናማን ብዳውየትን ኣቀላጢፉ ይዛረብ። ኣምሓርኛን ጣልያንን’ውን ከምኡ። . . ."

ኣብ “ሓምድ እድሪስ ዓዋተ 1915-1962” ዘርእስታ ብደራሲ ሃይለስላሴ ወልዱ ዝተጻሕፈት መጽሓፍ ታሪኽ ገጽ 321 ዝተጨለፈ!

[sebdoyeley]

brother Meleket
How can I buy this book brother Meleket?

[Meleket]

ክቡር sebdoyeley እዙይ መጽሓፍ ብ ‘ኣማዞን” ክሳብ ዚቕልቀል፡ ናብ 'ጎቦ ኣዳል' ወይ ኣብ ከባቢካ ኣብ ዛሎ ኢምባሲ ሃገረ ኤርትራ ምውካስ’ኡ።

ኣብ ሃገር ድማ
ናብ ኣብያተ መጽሓፍ ኣውገት፣ ቴሌ 124190 – 114918፣
ቍ.ሳ.ጶ 1291፣ ፋክስ 291-1-122359 ምውካስ።

ኣድላዪ እንተኮይኑ ድማ
ንኣሕተምቲ ሕድሪ፣
178 ጐደና ተጋደልቲ፣ ቁጽሪ ገዛ 35፣
ቍ.ሳ.ጶ. 1081፣ ቴሌ 291-1-126177፣ ፋክስ 291-1-125630 ኣሥመራ ኤርትራ ቢልካ ምውካስ ይከኣል’ኡ!

ሓርበኛ ዓዋተ፣ ንትግራይ -ትግርኚ፣ ንኣግኣዚያን፣ ንብሩህ መፃኢ፣ ንኣንድነት፣ ንታይ’ዶስ ኣበይ’ዶስ ወዘተ ዕባራ ፖለቲካዊ ሽጣራታት ኣቐዲሙ ዝኸሽሔ ኤርትራዊ ጅግና’ኡ!

brother Meleket
How can I buy this book brother Meleket?

[Meleket]

ተጋዳላይ ሃይለስላሴ ወልዱ፡ “ሓምድ እድሪስ ዓዋተ” ካብ ዘርእስቱ ዘዳለዎ መጽሓፍ ካብ ገጽ 304-305 ዝተወስደ ታሪኽ

ውግእ ኣዳል -26 መስከረም 1961

1 መስከረም 1961 ሓምድ ዓዋተ ካብ ገዝኡ ወጺኡ ምስ ሽዱሽተ ብጾቱ ኣብ ሃደምደም ፋልመይቲ ጥይት ተኩሱ ቃልሲ ከም ዝጀመረ ዘበሰረላ ዕለት ብምዃና፡ ህዝቢ’ውን ዓመት መጸ ዝዝክራን ዘኽብራን መዓልቲ’ያ። ውግእ ኣዳል ብ1 መስከረም 1961 ከም ዝተፈጸመ’ሞ ከም ምጅማር ብረታዊ ቃልሲ ዝወስድዎ ኣለዉ። እንተ ዀነ፡ ቀዳሞት ተጋደልቲ እታ ውግእ ኣዳል ዝተኻየደላ ሓቀኛ ዕለት ባሕቲ መስከረም ዘይኰነት 26 መስከረም ምንባራ’ዮም ዝገልጹ። ካብናቶም ብዘይፍለ’ውን ጋዜጣ ዘመን፡ “ፖሊስ ኣብ ልዕሊ ሰዓብቲ እድሪስ ዓዋተ ዝረኸበቶ ዓወት” ኣብ ትሕቲ ዝብል ኣርእስቲ ኣብ ናይ ዓርቢ 29 መስከረም 1961 ሕታማ፡ ነዚ’ያ ኣረጋጊጻ፥

“ . . . ሰሉስ ምሸት ፪፮ (26) መስከረም ወ.ፈ. ካብ ሰንበል ዝተላእኩ ፓሊስ ተቓወምቲ ጸረ ሕጊ፡ ምስቶም ብሓመድ እድሪስ ዓዋተ ዝተባህለ ወሮበላ ዚምርሑ ዘለዉ ጸረ ሕጊ ገጢሞምስ ንበረቐ ኖራይ ዝስሙ፡ ብዓል ቤት ማዕላ(ቢንዓምር) ምስ ሓደ መነሽር ጠበንጃን 14 ጥይትን ማሪኾም ኣለዉ።

. . . እዚ ወሮበላ እዚ፡ ሓደ ካብቶም ናይ ሓምድ እድሪስ ዓዋተ የማናይ ኢድ ዝዀነ እዩ። ሽዕኡ ምድሪ ጸልሚቱ ስለ ዝነበረ፡ እቲ ቦታ ከኣ፡ ድሩን ገረብን ስለ ዝዀነ፡ ፖሊስ ነቶም ዝተረፉ ክስዕብዎም ኣይከኣሉን። ግን፡ በረቕ ኖራይ፡ ንገስጋስ ሓይሊ ፖሊስ ጠቓምን ደጋፍን ኪኸውን ዚኽእል ሓበራን ታረድእን ሂቡ’ሎ።(RDC.ጋዜጣ ዘመን - Asmara, Friday, 29th Sept. 1961, 8th Year – No 2268)

ኣብ’ዚ ዜና’ዚ በረቕ ኖራይ ተባሂሉ ተጠቒሱ ዘሎ (ዑስማን በረግ) ከም ዝተማረኸ ርግጽ’ዩ። ነቲ ቀንዲ ትሕዝቶኡ ምስ እንምልከት ከኣ፡ ውግእ ኣዳል ብ26 መስከረም 1961 ከም ዝነበረ’ዩ ተገሊጹ።

ዕጥቂ ብዓል ሓምድ መብዛሕትኡ ኣልቢኒ’ዩ ነይሩ። ኣልቢኒ (ኣፈድስቲ) ኣብ ሓባሪ ኣካላ ንመነጸሪ ዒላማ ዘገልግላ፡ ክልተ ብማዕረ ዝተሰርዓ ውጥም ዝበላ ንኣሽቱ ጥብቆ-ሓጻውን ስለ ዘለውኣ፡ ሓምድ ንዓኣ ኣዛኒት ኢሉ’ዩ ዝጽውዓ ዝነበረ። ንዓኣ ጠቒሱ ድማ’ዩ ሽዕኡ፡ ኣብ ውግእ ኣዳል፡ “ሎሚ ኣዛኒት ኣድሚጻ። እንሆ ኸኣ ንፈለማ ግዜ ብሕናን ገዛእትናን ገጽ-ንገጽ ተራኺብና ተዋጊእና። ድሕሪ ደጊም ኣብ ዓራት ድቃስ የለን!” ኢሉ፡ ነታ ንገለን ዝስሓለት ንገለን ዘጕደመት ፈታኒት ዕለት፡ ን26 መስከረም 1961 ከም ዕውትን ታሪኻዊትን መዓልቲ ኣብ ኖትቡኩ ብኽብሪ መዝጊብዋ ዝብሃል። (መሓመድ ኣድም እድሪስ ኣረይ ‘ገሲር’ (ተጋዳላይ)፡ ቃለ መጠይቕ ምስ ደራሲ፡ 8 መስከረም 1991፡ 13 ጥቅምቲ 2007 ኣስመራ)

[Meleket]

ሓርበይና ኣይነብርን'ዩ ታሪኹ ኢዩ ዚውረስ!