Mereja.Forum

ምምስሳል ጸለምትን ቀያሕትን ኻመር ሮዥ (The Black & the Red Khmer Rouge)
------- ----------
እዘን ጸሊምን ጻዕዳን ኣሳእል፡ ብቦታን ብግዜን ኣብ ዝተረሓሓቐ እዋን እየን ተወሲደን። እቶም ኣብኤን ዝርኣዩ፡ ሰብ-መሰል፡ ደመ-ጽሙኣን ኣራዊት ግን፡ ኣብ ጭካኔኦም ፍልልይ ዘለዎም ኣይኮኑን።

እቶም ቀያሕት ኻመር፡ ብ17 ሚያዝያ 1975 ዓ.ም፡ ነታ ናይ “ምብራቕ ፓሪስ” ተባሂላ ትፍለጥ ዝነበረት ዋና ከተማ ካምቦድያ፡ “Phnom Penh” ተቛጻጺሮም - ህዝቢ ከጽንቱ ጀሚሮም።

እቶም ጸለምቲ ድማ፡ ልክዕ ብኸምዛ ሎሚ መዓልቲ፡ ማለት በታ ጸላም ግንቦት 24, 1991፡ ነታ ናይ ኣፍሪቃ ንእሽቶይ ሮማ ትበሃል ዝነበረት ኣስመራ - ተቛጻጺሮም ህዝቢ ኣብ ምጽናት ኣትዮም።

እቲ ፍልልዮም፡ እቶም ቀያሕቲ ኻመር፡ ኣብ 1979 ብጐረቤት ሃገር ቬትናም ተሳዒሮም፡ ናብቲ ዝተበገስሉ በረኻታት ተመሊሶም። ቀያሕቲ ኻመር፡ ብሓይልታት ጐረቤት ሃገር ክውቅዑ እንከለዉ፡ ህዝቢ ካምቦድያ፡ ኢዱን እግሩን ኣጣሚሩ’ዩ ንድሕነት ተጸብዩ።

እዞም ጸለምቲ ኻመር “ሻዕብያ” ግን ዕድለኛታት’ዮም። ጐረባብቲ ሃገራት ኣንጻሮም እንተ-ተላዒለን፡ እቲ ን60 ዓመታት ብዘይ ምሕረት ዝጨፍጨፍዎ ህዝቢ፡ “ቀተልትና ኣይትቕተሉልና!” ብዘስምዕ መንገዲ፡ ህይወቱ ገቢሩ’ዩ ዝከላኸለሎም።

እቲ ኻልእ ፍልልይ፡ ህዝቢ ካምቦድያ ነታ ቀተልቱ ቀያሕቲ ኻመር ሃገሩ ዝተቘጻጸራ፡ 17 ሚያዝያ ብሓዘን’ዩ ዝዝክራ። እቲ ኣብ ውሽጢ 60 ዓመታት፡ ምሉእ-ብምሉእ ኣእምርኡ ዘዘናበልዎ ህዝቢ ጸለምቲ ኻመር ሮዥ ግን፡ ነታ ኣጽነቱ ንምልእቲ ዓዲ ዝተቛጻጸሩላ 24 ግንቦት፡ ኣብ ፍቐዶ ምድረ-ስደት ከም ደቂ ዛግራ ተበታቲኑ እንከሎ ከይተረፈ እኳ፡ ብሓበን ከብዕላ ይርኤ’ሎ።