Mereja.Forum

"በጃኻ ኣይትቕተለኒ» ኢሉ መስቀል ሒዙ ለሚኒዎም ትብል
ጓሎም
===========
Read the article in English from Reuters website (with video)
https://www.reuters.com/article/us-ethi ... SKBN2BJ069

ምስራቅ ጓል 14 ዓመት ዕሸል እያ። እቲ ንእሽተይ ሕሳስልደ ገና ሓደ ዓመቱ እዩ። ወዲ 12 ዓመት ምንኣስ ሓዋ ሓዊሱ . . ኣብ ሞንጎኦም 4 ቆልዑት ኣለዉ። ብሓፈሻ 6 ኣሕዋት እዮም።

ውግእ ምስ ተጀመረ ኣብ ዓስራይ መዓልቱ . . ኣብ ከተማ ዛላምበሳ ካብ ወጋሕታ ጀሚሩ ቶኽሲ ክስማዕ ኣርፊዱ። ፍርቂ መዓልቲ ኣቢሉ ኣራዊት ኤርትራ ነታ ከተማ ወሪሮማ። ገዛገዛ እናዘወሩ ፣ ማዕፆ እንዳሰበሩ ብዘይ ንሕስያ ሰላማውያን ተጋሩ ብኣልማሚት ክቐትሉ ውዒሎም።

. . እቶም ኣራዊት ናብ ገዛ እንዳ ምስራቅ ምስ በፅሑ . . ወላዲ ኣቦ ናይዞም 5 ህፃናት (ምህረይ እያሱ) ድማ «በጃኻ ኣይትቕተለኒ» ኢሎም መስቀል ሒዞም እናለመንዎ ሓደ ካብቶም ኣራዊት ናብ ኣፍልቦም 3 ሻዕ ቶኲሱ ቀቲሉዎም። ንወላዲት ኣዲኦም ድማ ዝባነን ሂበን እናሃለዋ ናብ ዝባነን ቶኩሶም ቀቲሎመን። ሬሳ ክልቲኦም ወለዲ ኣብ ቅድሚ ሽዱሽቲኦም ዕሸላት ደቆም ተሰጥሐ። ቆልዑ እውን ብራዕዲ ብኽያት ምስ ወጨጩ . . «ትም በሉ» ኢሎም እናፈራርሑ ቶኲሶም ንምስራቅ ኣብ ሰለፋ ኣቚሲሎማ።

እቲ ድምፂ ቶኽሲ ውግእ ስለ ዘይሃድአ ፣ ሬሳ ወለዶም እናረኣዩ ከይብህርሩ ብምባል ንኣናእሽቱ ኣሕዋታ ኣብ ትሕቲ ዓራት ሓቢኣ . . ብዘይ እኽሊ ፣ ማይ ፣ መብራህቲ ለይትን ቀትርን ንኽልተ መዓልቲ ሙሉእ ተሓቢኦም ድሕሪ ምፅናሕ . . ኩነታት ቁሩብ ምስ ተመሓየሸ ነቶም 4 ኣሕዋታ ናብ እንዳ ኣዝማድ ክኸዱ ገይራ ፤ እቲ ናይ ሰለፋ ውቃዕ ረኽሲ ገይሩላ ስለ ዝነበረ ነቲ ሕንጣይ ሒዛ 35 ኪሜ ተጓዒዛ ናብ ዓዲግራት ሆስፒታል በፂሓ። ክንክን እናተገበረላ ኣብቲ ሆስፒታል 2 ወርሒ ፀኒሓ።
ብሓፈሻ . . (ንኣቦ በዓል ምስራቅ ሓዊሱ) ኣብ ዙርያ ዓዲግራት ካብ ዝርከባ ኣብያተ ክርስትያናት ኦርቶዶክስ ጥራሕ . . ዛጊድ ሽሞም ዝተመዝገበ 1,151 ኣቕሽቲ ኮነ ተባሂሉ ብወረርቲ ኣራዊት ተረሺኖም እዮም።

https://www.facebook.com/10000774133259 ... 641139286/
Read the article in English from Reuters website (with video)
https://www.reuters.com/article/us-ethi ... SKBN2BJ069