ኣይፋልካን ዶክተር ገላውዴዎስ ኣርኣያ
Posted: 30 Jan 2021, 14:35
ኣይፋልካን ዶክተር ገላውዴዎስ ኣርኣያ!!
ኣይፋልካን ዶክተር ገላውዴዎስ ኣርኣያ!!
Mereja.Forum
ኣይፋልካን ዶክተር ገላውዴዎስ ኣርኣያ
Page 1 of 1
ኣይፋልካን ዶክተር ገላውዴዎስ ኣርኣያ!!
Re: ኣይፋልካን ዶክተር ገላውዴዎስ ኣርኣያ
Posted: 02 Feb 2021, 16:21
ዝኸበርካ ዶክተር ገላውዴዎስ ኣርኣያ
ኣብ'ዛ ሳዓት እዚኣ - ተኣፋፊት እዋን - ኣብ መንጎ ተጋሩ " ሕጂኸ ናበይ ? ትብል ኣገዳሲት ሕቶ ኢያ ትዝንብይ ዘላ ። መልሲ ክትዋሃብ ከኣ ሓላፍነት ናይ ኩሉ ትግራዋይ ትኸውን ።
ገሊኦም ተጋሩ ምስ በዓል ዶክተር ሙሉ ነጋን ዶክተር ኣብይን ተሓባቢርና ነቲ ብመራሕቲ ህወሃት ዝተገብረ ጌጋ ኣሚንና ንህዝቢ ትግራይ ካብ ዘየድሊ ጭንቅን መከራን ዘይነድሕን ክብሉ እንከለዉ እቶም ካልኦት ድማ ኣይፋልን ትግራይ ብኩሉ ተጸሊኣን ብኩሉ ተኸቢባን እንከላ ኣብ ክንዲ ንህዝቢ ትግራይ ምድሓን ቀዳምነት ክዋሃቦ ዘለዎ - ዝኸፈልካ መስዋእቲ ከፊልካ - ነቶም ከም ህዳምያ ኣብ ፈቐድኡ ዛሕ-ዛሕ ኢሎም ዘለዎ ዝተረፉ መራሕቲ ወያነ ናብ ስልጣን ምምላስ ኽኸውን ኣለዎ እዮም ዝብሉ ።
እቶም ዳሕረዎት ነቲ ዕላማኦም ኣብ ግብሪ ከውዕሉ እዘን ዝኽተላ ሜላታት ይጥቀሙ ፥
1_ኣብ በረኻታት ቆላ ተንቤን ኰንካ ትርጉም ዘይብሉ ምትኹኻስ
2_ብሓሶት ንሕበረተ-ሰብ ዓለም ኣታሊልካ ኣብ ትግራይ ናይ ባዕዳዊ ሓይሊ ምትእትታው ምፍጣር ። ገለ ካብ'ቲ ዝብልዎ መሰረት-ኣልቦ ሓሶታት ፥ ኤርትራውያን ፡ ኣብ 'ቲ ንተዋህዶ ቅዱስ ዝኾነ ቤተ-ክርስትያን ማርያም ጽዮን ፡ ብኣማኢት ዝኾኑ ተጋሩ ቀቲሎም ዝብል እዩ ።
ንስኻ ወዲ ኣስመራ ስለ ዝኾንካ ከም'ዚ ዓይነት ተግባራት እዚ ብኤርትራዊ ኣስላማይ ይኹን ክርስትያን ክፍጸም ከምዘይካኣል ብቐሊሉ ትምስክሮ ነገር እዩ ። ኤርትራ ንመሬታ ባድመ ወሪራታ ኢልካ ክትጥቅን ከቢድን መስሓቕን እኳ እንተ ኾነ እዚ ሕጂ ብተጋሩ ንስም ኤርትራውያን ኣብ ቅድሚ ሕብረተ-ሰብ ዓለም ንምድዋን ዝግበር ዘሎ ናይ ግብረ-እከይ ምንቅስቓሳት ብኣጭበርባሪነቱ ካብ'ኡ ዝተሓተ ኣይኮነን ።
እሞ ንስኻ ምስ መን ኢኻ ? ምስቶም ቀዳሞት ጋንታ ተጋሩ ዋላስ ምስ 'ቶም ዳሕረዎት ?
ከም ሓደ ምሁር መጠን፡ ምስ ኣተዓባብያኻን መበቆልካን ብዝጻረር መንገዲ ፡ ምስ ኣሕዋትካ ኤርትራውያንን - በምሓርኛ ናይ ፖርቱጋላዊ ዳህሳሲ ካርታ ሒዝካ ዝዓበኻሉ ጥንታዊ ሓማሴን ጠቒስካ ብዛዕባ ታሪኽ ከባቢና ምስ ሃይለ ሚካኤል ክተውግዕ ሰሚዐካ ኣለኹ - ሃገርካ ኢትዮጵያን ( ኣብ'ዚኣ 'ውን ተጋሩ - ዝወረዶም እንተ ወረዶም - ኣብ ኢትዮጵያውነቶም ጽኑዕ መርገጺ ምውሳዶም ከም ዘሐጎሰካ ኣብ'ቲ ኣቐዲመ ዝሰመኽዎ ርክክብ ሰሚዐካ ኣለኹ ። ) ኣብ ትርጉም ዘይብሉ ምትራኽን ምትፍናንን ክትኣቱ ጸቕጢ ይግበረልካ ከም ዘሎ ይፈልጥ እየ ። ንስኻ ነዚ ጸቕጢ ነጺግካ ኣብ ክንዲ ጠበቓ ናይ ዓያሱ ትኸውን መራሒ ህዝቢ ትግራይ ኰንካ ንሰላም ክትሰርሕ ይምነየልካ ። ካብ'ኡ ነዚ ኣብ ዓለም ተሪፉካ ዘሎ ግዜ ኣስመራኻን መቐለኻን ኣዲስ ኣበባኻን እንዳ በልካ ተሕልፎ ። ወለድኻ ከኣ ኣብቲ ዘለውዎ ቦታ ናይ ኩላትና ይሕጎሱልካ ።
ግርማይ ሃይለ-ስላሴ " ሕጂኸ ናበይ ? " ይብለካ ኣሎ'ሞ do the right thing ( peace ).
ሰላም ፡ ኩሉ ሰላም ፡ ንዓኻን ንቤተ-ሰብካን
.
Re: ኣይፋልካን ዶክተር ገላውዴዎስ ኣርኣያ
Posted: 04 Feb 2021, 15:34
መቐጸልታ
እሞ ከመይ ጌርና ክንጅምር ዝብል ሕቶ እንተ ተላዒሉ ብተሎ ምስ ኣብ ኤውሮጳ ዘለዉ ከም በዓል ተስፋይ ወዲ ራያን* ገብረ-ክርስቶስ ገብረ-ስላሰን ኣብ ኣሜሪካ ድማ ሃይለ ሚካኤል ብምምኽኻር እቲ ናይ ትግራይ ምድሓን መስርሕ ክጅመር ይኽእል እዩ ። ነቶም ህዳምያ መራሕቲ ወያነ ረስዕዎም ። ንሳቶም ደረብይ ኢዮም ። ደረብይ እንተዘይኮኑ ንትግራይ መጨጨሒትን መፍረይትን ጂሃዳውያንን ድንቁርናን ኣይምገበርዋን ኔሮም።
በቶም ሰለስተ ተሓበበርትኻ ንክኾኑ ዘቕረብክዎም ሰባት እዚ ዝስዕብ ትዕዝብትታት ኣሎኒ ፥
1_ተስፋይ ወዲ ራያ ንሓደ ትግራዋይ ፡ ደጋፊ ወያነ ፡ ኣብ ሓንጎል ዘይኣቱ ናይ ቅጥፈትን ምድንጋርን ዘረባ ክዛረብ ምስ ሰምዖ በል ነዚ ጉዳይ ኣብ'ቲ ዕጽው መስመር ነዕልለሉ ኢሉ ዓጽይዎ ። ሽዑ ወዲ ራያ መስተውዕሊ ምዃኑ ኣስተብሂለሉ ። ኣቐዲመ እውን ኣብ ትግርኛ ዘለዎ ተገዳስነቱ ኣብ ብዙሓት ተጋሩ ስለ ዘይረአይ ኣቃልቦይ ስሒብዎ ኔሩ ።
ካልእ ምስ ሃይለ ሚካኤል እንዳ ተዛረበ እንከሎ ብዛዕባ ከም ወዲ ኣየለ ዝኣመሰሉ ለያቡ ኣብ ገለ ቦታታት ናይ ትግራይ ናይ ጸጥታ ሃጓፍ ተጠቂሞም ኣብ ስርቅን ካልኦት ግብረ-እከያት ተዋፊሮም ከም ዘለዉን ትግራይ ብተጋሩ ትህሰ ከም ዘላ ብምጥቃሱ ኣድናቖተይ ከይረኸበ ኣይሓለፈን ። ቅሩብ ዝያዳ ሓቦ እንተ ጌሩ ሓደ ካብ እቶም መራሕቲ ናይ መጻኢት ድሕረ-ወያነ-ትግራይ ክኸውን ይኽእል እዩ ።
2_ገብረ-ክርስቶስ ገብረ-ስላስ ኣብኡ እንከሎ መስተውዓሊ እዩ ። ቋንቋኡ ጥራሕ መምዘኒ እዩ ። ካብ መደናገርቲ ርሒቑ ፡ከምዛ ሕጂ ዘለዋ : ብኣእምሮ ደኣምበር ብስምዒት ዘይኮነ ኣካይድኡ ሒዙ ክቕጽል ኣለዎ ።
3_ሃይለ ሚካኤል ብስነ-ስርዓት ዝዓበየን ሕንከት ዘለዎ ሰብ እዩ ዝመስል ። እቶም ዘምጽኦም ጋሻታት ብፍላይ ድማ ኤርትራውያን ኢና ትግርኛ ኢና ዝብሉ ሰባት ካብ ተጋሩ ኣዛይዶም ተጋሩ ንክመስሉ ሓንጎል ዘይቅበሎ ዘረባታት ክዛረቡ እንከለዉ ገጹ ቅይር ክብል ተስተብህለሉ ። ደንቆሮ ከም ዘይምዃኑ ርኡይ እዩ ። ሽግሩ እቲ ዝሰርሐሉ ዘሎ ቦታ TMH እዩ ። ናጽነት ሃቡኒ ፡ ኣነ ፓፓጋሎ ኣይኮንኩን ፡ መማዪ ሓንጎል ኣሎኒ ክብሎም ክኽእል ኣለዎ ።
.
Re: ኣይፋልካን ዶክተር ገላውዴዎስ ኣርኣያ
Posted: 07 Feb 2021, 21:41
መቐጸልታ
ብዛዕባ ጾታዊ ዓምጽ ኣብ ትግራይ ከኣ - ኣብ ክንዲ ንካልኦት ምውንጃል - ትግራዋይ ብሕመቑ ተኣሚኑ ምስ በዓል መኣዛ ግደይ ዝኣመሰላ ሰባት ተሓባቢሩ ገለ ክገብር ክኽእል ኣለዎ ።
መኣዛ ከም ዝበለቶ - ትግራይ ዓዲ ታሪኽ ፡ ዓዲ ሃይማኖት እንዳተባህለ ! - ትግራይ ብናይ ጾታዊ ዓመጽ ብደረጃ ኢትዮጵያ መበል ካልኣይ ቦታ ኢያ ሒዛ ትርከብ ።
ብዛዕባ ጾታዊ ዓምጽ ኣብ ትግራይ ከኣ - ኣብ ክንዲ ንካልኦት ምውንጃል - ትግራዋይ ብሕመቑ ተኣሚኑ ምስ በዓል መኣዛ ግደይ ዝኣመሰላ ሰባት ተሓባቢሩ ገለ ክገብር ክኽእል ኣለዎ ።
መኣዛ ከም ዝበለቶ - ትግራይ ዓዲ ታሪኽ ፡ ዓዲ ሃይማኖት እንዳተባህለ ! - ትግራይ ብናይ ጾታዊ ዓመጽ ብደረጃ ኢትዮጵያ መበል ካልኣይ ቦታ ኢያ ሒዛ ትርከብ ።
Re: ኣይፋልካን ዶክተር ገላውዴዎስ ኣርኣያ
Posted: 11 Feb 2021, 20:07
መቐጸልታ
ኣብ'ዚ ሎሚ እዋን ኣዝዩ ኣሰካፊ ኮይኑ ዘሎ ጉዳይ ኣብ ትግራይ፥ ስርቅን ዓመጽን ምቕታል ንጹሃት ሰባትን እዩ ።
መራሕቲ ወያነ ግስጋሰ ናይ ሰራዊት ኢትዮጵያ ናብ መቐለ እንዳ ቀረበ ምስ መጽአ ስለ ዘሰንበዶም እግረይ ኣውጽእኒ ኢሎም ቅድሚ ምህዳሞም ን 13,000 ዝኾኑ ገበነኛታት - ገሊኦም ብከቢድ ወንጀል ዝተፈርዱ - ስለ ዝፈትሑ ትግራይ እዚ ዝወርዳ ዘሎ ስቅያት ከጓንፋ ክኢሉ ።
ሕስብዎ እሞ ፡ ሓደ ካብዞም ወንጀለኛታት ብሕስም ይኹን ብኻልእ ኣብ መዓልቲ ሓንቲ ገበን እንተ ፈጺሙ ብድምር ኣብ ትግራይ ኣብ ክልተ ወርሒ ጥራሕ ክንደይ ገበን ከፍጸም ከም ዝኽእል ንምምዛኑ የጸግም ዶ ? ኣየጸግምን ። ስለ'ዚ ግዱሳት ተጋሩ ነዚ ኣዝዩ ዓቢ ሽግር 'ዚ መፍትሔ ከናድዩሉ ናይ ግድን ይኸውን ። ሓደራኹም !!
ኣብ'ዚ ሎሚ እዋን ኣዝዩ ኣሰካፊ ኮይኑ ዘሎ ጉዳይ ኣብ ትግራይ፥ ስርቅን ዓመጽን ምቕታል ንጹሃት ሰባትን እዩ ።
መራሕቲ ወያነ ግስጋሰ ናይ ሰራዊት ኢትዮጵያ ናብ መቐለ እንዳ ቀረበ ምስ መጽአ ስለ ዘሰንበዶም እግረይ ኣውጽእኒ ኢሎም ቅድሚ ምህዳሞም ን 13,000 ዝኾኑ ገበነኛታት - ገሊኦም ብከቢድ ወንጀል ዝተፈርዱ - ስለ ዝፈትሑ ትግራይ እዚ ዝወርዳ ዘሎ ስቅያት ከጓንፋ ክኢሉ ።
ሕስብዎ እሞ ፡ ሓደ ካብዞም ወንጀለኛታት ብሕስም ይኹን ብኻልእ ኣብ መዓልቲ ሓንቲ ገበን እንተ ፈጺሙ ብድምር ኣብ ትግራይ ኣብ ክልተ ወርሒ ጥራሕ ክንደይ ገበን ከፍጸም ከም ዝኽእል ንምምዛኑ የጸግም ዶ ? ኣየጸግምን ። ስለ'ዚ ግዱሳት ተጋሩ ነዚ ኣዝዩ ዓቢ ሽግር 'ዚ መፍትሔ ከናድዩሉ ናይ ግድን ይኸውን ። ሓደራኹም !!
Re: ኣይፋልካን ዶክተር ገላውዴዎስ ኣርኣያ
Posted: 16 Feb 2021, 17:59
መቐጸልታ
ድሕሪ ደሃይ ደብረ-ጽዮን ( ደብሪጭ ) ገብረ-ሚካኤል ምስማዕና " ኣብ መዓልቲ ሓንሳብ ሓሙሽተ ሽሕ ሓንሳብ ድማ ዓሰርተ ሽሕ ደምሲስና " ዝብሉ ዕሸላውያን ወረታት ንሰብ ( ለባማት ተጋሩ ) እንዳ ኣሰልቸውዎ ምስ መጽኡ ሕጂ - ንኣቃልቦ ደኺሙ ዘሎ ትግራዋይ ንምስሓብ - ጌታቸው ረዳ ፡ በላዕ ስጋን ብክልተ ሸነኹ ደቂ ኣንስትዮ ሓቑፉ ኣፉ ለይትን መዓልትን ብዊስኪ ዝጉጽጉጽ ዝነበረ " ቀልደኛ " ፡ " ኣለኹ እየ ዝብልየ " እንዳ በለ ይጎስዕ ኣሎ ።
'ዚ እንታይ ትርጉም ኣለዎ ? ዋላ ሓንቲ ! ኣብ 'ዝን ኣብትን ቶግ-ቶግ ኣቢልካ ናበይ ናብ ምብጻሕ እዩ ? ኣብ ትግራይ ዋላ ብንኡስ ደረጃ ዕግርግር ፈጢርካ ዝርከብ ፋይዳ እንታይ ኣሎ ? እዛ ኩላ ኲናት ከም ዋዛ ወሲዳ ብሬንን ካላሽንን ዓጢቓ ሸነን ትብልን ትሳኣልን ዝነብረት መንእሰይ ትግራይ በብቅሩብ ምስ ጠፈአት ትግራይ እንታይ ረብሓ ትረክብ ? ሕሰብሉ ።
ንዝኾነ ነገር ክትኣትዎ እንከለኻ ዕላማ ክህልወካ ኣለዎ ። ንጸይቂ ኢልካ ምብጋስ ቀሊል እዩ ኣብ መወዳእታኡ ግን ቡመራንግ ጌሩ ነዓኻ እዩ ዝሃስየካ ።
ትግራዋይ ጓሉን ኣዲኡን ሓፍቱን ጓል ሓትነኡን ጓል ኣሞኡን ጓል ጎረቤቱን ጓል ዓዱን ገዲፉ ብዘይ ዕላማ ኣብ በረኻን ጣሻን ክኹብልል እንከሎ ስብእነት ዶ ይባሃል ? ኣነ ስብእነት ዘይኮነስ ጃጃውነትን ስንፈትን እዩ እየ ዝብል ።
ሃየ ተጋሩ ! ተባራበሩ ፡ ብድንቁርና ሓሪርኩም ከይትጠፍኡ !! ካልኦት ከይትክኡኹም !! ትግራይ መዓስከር ጌርኩማ ከይኣክል ሕጂ ድማ ብዝያዳ መዓስከር ኮይና ኢያ ትቕጽል ዘላ !!!
መታለልትን ዓዋናትን መራሕቲ ጃንዳ ጥልዕ-ጉንብስ ኣይንብልን ኣይንስኮንን እንዳ በሉ ንህዝቢ መዓት ኣምጺኦምሉ ፥ ( ምዩዚክ፡ ሙሲቓ ፡ መዜካ ! ስምዑ !! )
ድሕሪ ደሃይ ደብረ-ጽዮን ( ደብሪጭ ) ገብረ-ሚካኤል ምስማዕና " ኣብ መዓልቲ ሓንሳብ ሓሙሽተ ሽሕ ሓንሳብ ድማ ዓሰርተ ሽሕ ደምሲስና " ዝብሉ ዕሸላውያን ወረታት ንሰብ ( ለባማት ተጋሩ ) እንዳ ኣሰልቸውዎ ምስ መጽኡ ሕጂ - ንኣቃልቦ ደኺሙ ዘሎ ትግራዋይ ንምስሓብ - ጌታቸው ረዳ ፡ በላዕ ስጋን ብክልተ ሸነኹ ደቂ ኣንስትዮ ሓቑፉ ኣፉ ለይትን መዓልትን ብዊስኪ ዝጉጽጉጽ ዝነበረ " ቀልደኛ " ፡ " ኣለኹ እየ ዝብልየ " እንዳ በለ ይጎስዕ ኣሎ ።
'ዚ እንታይ ትርጉም ኣለዎ ? ዋላ ሓንቲ ! ኣብ 'ዝን ኣብትን ቶግ-ቶግ ኣቢልካ ናበይ ናብ ምብጻሕ እዩ ? ኣብ ትግራይ ዋላ ብንኡስ ደረጃ ዕግርግር ፈጢርካ ዝርከብ ፋይዳ እንታይ ኣሎ ? እዛ ኩላ ኲናት ከም ዋዛ ወሲዳ ብሬንን ካላሽንን ዓጢቓ ሸነን ትብልን ትሳኣልን ዝነብረት መንእሰይ ትግራይ በብቅሩብ ምስ ጠፈአት ትግራይ እንታይ ረብሓ ትረክብ ? ሕሰብሉ ።
ንዝኾነ ነገር ክትኣትዎ እንከለኻ ዕላማ ክህልወካ ኣለዎ ። ንጸይቂ ኢልካ ምብጋስ ቀሊል እዩ ኣብ መወዳእታኡ ግን ቡመራንግ ጌሩ ነዓኻ እዩ ዝሃስየካ ።
ትግራዋይ ጓሉን ኣዲኡን ሓፍቱን ጓል ሓትነኡን ጓል ኣሞኡን ጓል ጎረቤቱን ጓል ዓዱን ገዲፉ ብዘይ ዕላማ ኣብ በረኻን ጣሻን ክኹብልል እንከሎ ስብእነት ዶ ይባሃል ? ኣነ ስብእነት ዘይኮነስ ጃጃውነትን ስንፈትን እዩ እየ ዝብል ።
ሃየ ተጋሩ ! ተባራበሩ ፡ ብድንቁርና ሓሪርኩም ከይትጠፍኡ !! ካልኦት ከይትክኡኹም !! ትግራይ መዓስከር ጌርኩማ ከይኣክል ሕጂ ድማ ብዝያዳ መዓስከር ኮይና ኢያ ትቕጽል ዘላ !!!
መታለልትን ዓዋናትን መራሕቲ ጃንዳ ጥልዕ-ጉንብስ ኣይንብልን ኣይንስኮንን እንዳ በሉ ንህዝቢ መዓት ኣምጺኦምሉ ፥ ( ምዩዚክ፡ ሙሲቓ ፡ መዜካ ! ስምዑ !! )