ልደተ ክርስቶስ (ገና) - በኤርትራዊና ኢትዮጵያዊ ዳንኤሎች እይታ! (ሁለት ቁምነገራዊ መጣጥፎች)
Posted: 06 Jan 2021, 04:36
ብርቂን መሳጢን ህያብ ዘለዎም ክልተ ጸሓፍቲ፡ እቱይ ሓደ ኤርትራዊ ዳንኤል ተስፋይ ሰመረ እቱይ ካልኣይ ድማ ኢትዮጵያዊ ዲያቆን ዳንኤል ክብረት፡ ብዛዕባ ልደተ ክርስቶስ ዘስተንተንዎ ጽሑፋት ክንርኢ። ዳንኤል ተስፋይ ብትግርኛ (21.12.2017)፡ ዲያቆን ዳንኤል ክብረት ድማ በምሓርኛ (January 16, 2014) ዝቐረቡልና አስተንትኖታት ንቋደሰን’ዶ! ብ“ቅየዐ” ናይ ዳንኤል ወዲ’ያ ተስፋይ ሰመረ ጀሚርና፡ ናይ ዲያቆን ዳንኤል ክብረት “ገና በጎዳና” ክንቅጽል ኢና። ሰናይ ንባብ፡ ቡሩኽ ልደት! 
ቅየዐ
እቶም ሰለስተ ለባማት ልደት ናይ’ዚ ዓመት’ዚ
ክርስቶስ ነፍሲ ወከፍ ዓመት ይውለድ። ነፍሲ ወከፍ ዓመት ድማ ይስቀል። ነፍሲ ወከፍ ዓመት ድማ ካብ ሓጢኣትና
የድሕነና። እቶም ሰለስተ ለባማት ድማ ነፍሲ ወከፍ ዓመት ንምላደ ክርስቶስ ከብዕሉ ሓደ ኮኾብ መሪሑዎም ናብ ቤት
ልሔም ይመጹ። ነፍሲ ወከፍ ዓመት ድማ ሄሮዶቶስ ህጻናት ይሓርድ። ነፍሲ ወከፍ ዓመት ድማ ዮሴፍ ንማርያምን ወዳን
ሒዙ ይሃድም። እዚ ፍጻሜ’ዚ ንልዕሊ 2000 ዓመታት ነፍሲ ወከፍ ዓመት ተደጋጊሙ እቶም ወድሰብ ዝፍጽሞም
ሓጢኣታት እምብዛ በዚሖምን ከፊኦምን ብሓንቲ ቅትለተ መድሕን ጥራሕ ዘይነጽሁ ኴይኖም። እንተኾነ ናይ ሎሚ ዓመት
ምላድ ክርስቶስ ካብ’ቶም ናይ ዝቐደሙ ዓመታት ቍሩብ ይፍለ።
እቶም ለባማት ንገለ 1500 ዓመታት ካብ ምብራቕ እዮም ዝመጹ ነቢሮም። ካብ 1500ድ.ል.ክ. ግን እስልምና ኣብ
ኵሉ ማእከላይ ምብራቕ ነጊሱ እቶም ለባማት ናይ’ዚ ዞና’ዚ ናብ መካነ ምላድ ክርስቶስ ናይ ምጋሽ ተመሳጥነቶም
እንዳማህመነ ከይዱ ንመጠረስትኡ ከኣ ናብ መካ- መካነ ምላድ መሓመድ - ጥራሕ ሓጀዙ። በብቍሩብ ከኣ ናይ ዝኾነት
ክርስትያን ሃገር ለባማት ኣብ ዕለተ ልደት ክርስቶስ ናብ ቤተ ልሔም እንዳገሹ ንማርያም እንኳዕ ማርያም መሓረትኪ
ናይ ምባል ባህሊ ተፈጥረ። እቶም ሎሚ ዓመት ገጸ በረከቶም ሒዞም ናብ ቤተ ልሔም ዝተበገሱ ለባማት ፕሮፈሶር
ሻይንሃይሊገ ካብ ሃገር ጀርመን፣ ሊቀ መኳስ ገብረመንፈስቅዱስ ካብ ዓዲ ሓበሻ፣ ኣቶ ቺን ቹላይ ካብ ርሑቕ ሃገረ
ቺና እዮም። ሰለስቲኦም ከኣ በብመገዶም ናብ ቤተ ልሔም ተበገሱ።
እቲ ከም ቀዳማይ ናብ እስራኤል ዝኣተወ፡ፍሉጥ፡ ፕሮፌሶር ሻይንሃይሊገ እዩ። ንሱ ብBMW ቱጉቱግ ብዘማናዊ GPS
እንዳተመርሐ እዩ ነቲ ነዊሕ መገዲ ካብ በርሊን ክሳብ ተል ኣቪቭ ኣሰላሲልዎ። ብቈጸራ ኣኽባርነት ጀርመናውያን
ተሓቢኑ ነቶም ክልተ ካልኦት ለባማት ብቈጽራ ዘይኣኽባርነቶም እንዳተጻረፈ ንበይኑ ናብ ቤተ ልሔም ደለየ። እቲ
መራሒ ኮኾብ ግን ኣብ ልዕሊ ተልኣቪቭ ተሸኺሉ ምንቅስቓስ ኣበየ። ፕሮፈሶር እቲ ዘይምቅስቓስ ናይ’ቲ ኮኾብ
ገሪምዎ ምኽንያቱ ንምፍላጥ ንእሽቶይ ጥራዝ ኣውጺኡ ክሓናጥጥን ክድምርን ከጉድልን ጀመረ።
ሓሙሽተ ሰዓታት ይደንጕ ድኣ’ምበር ንመጨረስትኡስ ኣቶ ቺን ቹላይ እውን ንተል ኣቪቭ ኣተወ። “ኣብ ፍራንክፎርት
ብርቱዕ በረደጡጥ ወሪዱ ነፈርቲ ኣብ ሰዓተን ክበራ ኣይከኣላን። ምድንጓየይ ጉድለተይ ኣይኮነን” በለ። ሕዚ
ቺናውያን ብብልሓትን ሃብትን ማዕረ ጸዓዱ ኴይኖም እቲ ንጸዓዱ ንንእሽቶይ ጉድለት ዓቢዪ እቅሬታ ምሕታት ሓዲጎሞ
እዮም። ሕዚ እቲ ሓበሻ ተሪፉና ኣሎ ከኣ ተበሃሃሉ። ፕሮፈሶር ብዛዕባ’ቲ ኣብ ልዕሊ ተል ኣቪቭ ዝደረቐ ኮኾብ
ንኣቶ ቺን ነጊሩዎ ነቲ ምኽንያት ንምቅላዕ ክልቲኦም ፈተኑ። ኣይከኣሉን። ኣቶ ቺን፡ “ምናልባት ኣምላኽ ንጸትታዊ
ምኽንያት ነቲ ልሙድ መካነ ምላድ ክርስቶስ ቀዪሩዎ ይኸውን። ኣብ’ዚ እዋን’ዚ፡ ክርስቶስ ዳዕሽ ዝተባህሉ ካብ
ሄሮዶቱስ ዝኸፍኡ ጸላእቲ ኣጥርዩ ኣሎ” ቢሉ ተፈላሰፈ።
እቲ ለባም ሓበሻ ገና ኣይኣተወን። ምናልባት ናይ ቪዛ ሽግር ኣጋጢምዎ ከይከውን ናብ ኢሚግረሽን እስራኤል ከይዶም
ሓተቱ። ኢሚግረሽን ድሕሪ ብዙሕ ገድሊ ቪዛ ከምዝተዋህቦ ገለጸሎም። ብተወሳኺ ድማ ንሱ ኣብ ክንዲ ብነፋሪት
ዝመጽእ ከምቲ ባህሊ መጽሓፍ ቅዱስ ኣባቕልን ኣእዱግን ሒዙ ከም ዝተበገሰን፣ ኣብ ሲናይ ድማ ብበደው ራሻይዳ
ከምዝተጨውየን፣ $30,000 እንተዘይከፊሉ ድማ ብህይወቱ ተጠቢሑ እቲ ውሽጣዊ ኣቝሕቱ ክሽየጥ ምዃኑን ሓበሮም።
ፕሮፌሶር፡ “እሞ ስለምንታይ ዘይከፍል? እቲ ምሉእ ዓዲ ሓበሻ ሰላሳ ሽሕ ከዋጽእ ኣይክእልን ድዩ?” በለ ሕቶን
ምግራምን ኣጠቓሊሉ።
“ንዓኻ ሰላሳ ሽሕ ዶላር ሰላሳ ሽሕ ሳንቲም ኴይነን ይስምዓኻ ይኾና። ንዓዲ ሓበሻ ግን ሰላሳ ሚልዮን ዶላር
እየን። ኣብ ልዕሊ’ዚ ባጠራኦም ዶላር ኪዕድግ ኣይክእልን እዩ” በለ ኣቶ ቺን።
“እምም! እሞ ንሕና መገድና ንቐጽል” በለ ፕሮፈሶር። ‘ንዕኡ ድማ ክርስቶስ ይሓግዞ”
“ሎሚ ዝተወልደ ቈልዓ በየናይ ዓቕሙ ኪሕግዞ! ድሓር ከኣ እቲ መራሒና ኮኾብ እንሆ ገና ካብ ተል ኣቪቭ ፈልከት
ምባል ኣብዩ። እሞ ናበይ ኢልና ኢና ክንብገስ?” ኣመልከተ ኣቶ ቺን።
“እምም! እሞ ናብ’ታ እቲ ኮኾብ ኣብ ልዕሌኣ ደው ኢሉላ ዘሎ ቦታ ከድና ነቲ ምኽንያት ንምፍላጥ ንፈትን” ኣመተ
ፕሮፈሶር። ጽቡቕ ሓሳባት ተበሃሂሎም ከኣ ተበገሱ። ነቲ ኮኾብ ድማ ልክዕ ኣብ’ቲ ሓበሻ ‘እንዳ ሳዕሪ’ ኢሎም
ዝሰመዪዎ መዘናግዒ ቦታ ብርሃኑ ኮሊዑ ረኸብዎ።
“እዚ ኮኾብ’ዚ ከምቲ ዓለምና ተጸሊላቶ ዘላ ተጸሊሉ ኣሎ። ኣነ ኣብ’ዚ ዝኾነ ሰብ፡ ዝኾነ ጓሳ እርኢ የለኹን” በለ።
“እቶም ኣብ ትሕቲ’ታ ገረብ ተቐሚጦም ዘለዉ ጸለምቲ’ኸ ሰብ ኣይኮኑን!” ተዋቕዐ ኣቶ ቺን። እቲ ጸዓዱ ኣብ
ልዕሊ ቺናውያን ዘርእይዎ ዝነበሩ ንዕቐት ገና ጸላዕላዕ የብሎ እዩ።
“እዚኣቶም ጸለምቲ ኣፍሪቃውያን እዮም … ማለት፡ እስራኤላውያን ኣይኮኑን … “ ተኻትዐ ፕሮፈሶር።
“ፈላሻ ዝተባህሉ ጸለምቲ ኣይሁድ ካብ ዓዲ ሓበሻ መጺኦም ኣብ’ዚ ኣብ እስራኤል ዝቕመጡ ከም ዘሎዉ ኣይትፈልጥን።
ካብኣቶም እንተኾን’ኸ?” ወጠረ ኣቶ ቺን ነታ ፕሮፈሶርነት ፕሮፈሶር ኪጠራጠራ ጀሚሩ። እሞ ንቕረቦም ንሕተቶም
ተበሃሂሎም ከኣ ቀረብዎም። ኣብ ሓደ “JAVA ORANGES” ዝተጻሕፎ ገዚፍ ባኮ ዕንጨይቲ ከኣ ሓደ ሽዑ
ዝተወልደ ህጻን ርኣዩ። ሓንቲ ጽብቕቲ ከደረይቲ መንእሰይ ሰበይቲ ኣብ ጥቃ’ቲ ቈልዓ ተቐሚጣ ነበረት። በቲ ካልእ
ሸነኽ ድማ ኣብ ገጹ ሓደ ዓቢዪ ጭንቀት ዝተሳእሎ ደልዳላ ከደራይ መንእሰይ ተቐሚጡ ነበረ። ከምኡ’ውን ገለ ካብ
ኣዕርዅቲ ኣብ’ኡ ነበሩ። እቶም ክልተ ለባማት ከመዓልኩም ኢሎም ሓቢሮሞም ተቐመጡ። ፕሮፈሶር ምስ’ቲ ኣቦ’ቲ
ቈልዓ ኴይኑ ዝተሰምዖ ዕላል ጀመረ።
“እዚ ቈልዓ ወድኻ ድዩ?”
“እወ”
“ይቕረታ። መን ትበሃል?”
“ዮሴፍ”
በቲ መልሲ ክልቲኦም ለባማት ሰንቢዶም ተጠማመቱ።
“ሰበይትኻ’ኸ መን ትበሃል?”
“(ወ)ለተማርያም”
በቲ መልሲ ክልቲኦም ለባማት ደጊሞም ሰንቢዶም ተጠማመቱ።
“እቲ ቈልዓ’ኸ እንታይ’ዩ ስሙ?”
“ገ(ብ)ረኢየሱስ”
በቲ መልሲ ክልቲኦም ለባማት ሰሊሶም ሰንቢዶም ተጠማመቱ። እሞ እቲ ኮኾብ ኣይተጋገየን በለ ኣቶ ቺን።
“ጽናሕ ድኣ ጽናሕ!” በለ ፕሮፈሶር ፒፓኡ እንዳኮልዐ። “ወለተ፡ ገብረ እንታይ ማለት’ዮም?” ተወከሰ።
“ወለተ ማለት ኣገልጋሊት፣ ገብረ ማለት ከኣ ዓሽከር ማለት እዩ” ገለጸ ዮሴፍ። ፕሮፈሶር ሓሰበ። ንቺን ተመልኪቱ
ከኣ፡ “እሞ ሎሚ ዓመት’ስ መንፈስ ቅዱስ ምስ ኣገልጋሊት ማርያም እዩ ተጋቢኡ። እቲ ህጻን ድማ ዓሽከር ክርስቶስ
ድኣ’ምበር እቲ ኣስሊ ክርስቶስ ንባዕሉ ኣይኮነን። ሎሚ ዓመት ስላሴ ካብ ወካሊት ማርያም ወካሊ ክርስቶስ እዮም
ሰዲዶሙልና” በለ።
“እንታይ ፍልልይ ኣሎዎ’ሞ … ? ሎሚ ኣብ ቺና ጎይታን ኣገልጋልን ሓደ ኴይኖም እዮም” መለሰ ቺን ኣብ ወረድኡ
ናይ ፖለቲካን ፕሮፓጋንዳን ሓላፊ እዩ። ነዚ ኣቕጣጫ ክትዕ’ዚ ኪቕጽሎ ኣይፈተወን ፕሮፈሶር ሕሉፍ ታሪኽ ህዝቡ
ኴርኵሑዎ። ናብ’ቶም ከቢቦሞም ዝነበሩ መንእሰያት ተመልኪቱ ድማ እንታይ ከምዝሰርሑ ሓተቶም። ብሓባር “ጓሶት”
በልዎ። ጤለ በጊዖም ኣበይ ከምዘሎዋ ኪፈልጥ ደልየ ፕሮፈሶር። ጠለ በጊዕና ድኣ ኣብ ጎቦታተን ሓዲግናየን መጺና።
ኣሓና ድማ ኣብ መረብ ኣሎዋ በልዎ። ፕሮፈሶር ርእሱ ነቕነቐ። መገድን ጥበብን ኣምላኽ ፍሉጥ ኣይኮነን ቢሉ
ሓሰበ። ምናልባት ናይ ሎሚ ዓመት ክርስቶስ እዚ ከደራይ ቈልዓ እዩ ቢሉ ከኣ ደምደመ። እሞ ንሕና ነቲ ህጻን
ክንበጽሕ ገለ ገጸ በረከት ሒዝና ኢና መጺእና በለ። (ወ)ለተማርያም- ቀረብታኣ ለቲና እዮም ዝብልዋ- ንፈለማ
ጊዜ ኣብ’ቲ ዕላል ተገደሰት።
“ዕጣንን ከርበን ሊቀ መኳስ ገብረመንፈስቅዱስ ካብ ኣፍሪቃ ክማልኡ ኢና ተሰማሚዕና ኔርና። እንተኾነ ሊቀ መኳስ
ኣብ ሲና ተጨውዮም ኪመጹ ኣይከኣሉን። ኣነ ግን ሽቶታት ካብ ቻነል 5ን፡ ሚኒሮክ ካብ ጆርጅ ኣርማኒን ስእኒ
ጉቺን ሒዘ መጺአ ኣሎኹ” ቢሉ ንለቲና ሃባ።
“ኣነ’ውን ካብ ቺና ዝተፈላለዩ መጻውቲ ቈልዑትን ባንቡላታትን ኣምጺኤ ኣሎኹ” ኢሉ ብዓቢዪ ቺናዊ ትሕትና
ተንበርኪኹ ኣብ እግሪ’ቲ ባኮ ኣቐመጦ።
ለቲና ብዛዕባ’ቲ ገጸ በረከት እኳ ቅጭጭ ኣይበላን ኣዕይንታ ኣፍጢጣ ጥራሕ ጠመተቶም። ንሕና ብርክና ንዓጽፈላ
ንእሽቶይ ኣጕዶ ስኢን’ና ብጥምዬት ተኾርሚና እንዳሓደርና ንስኻትኩም ድማ ጨና ወዲ ጨናን ጨርቃ መርቅን
ተራእዪኩም። ጨናስ ናይ ትሽቱሽና ምኣኸለና። እዚ ነተንያሁ ሄሮዶቱስ ለይትን መዓልትን የሳድደና ኣሎ። ናብ ገለ
ጫካ ኣፍሪቃ ክሰደና’ውን ይምድብ ኣሎ። ጨና ወዲ ጨና ኣይኮነን ዘድልየና ንሕና ፓስፖርት ምስ ቪሳኡን ዶላራትን
እዩ ዘድልየና ዘሎ” ኢላ ነቲ ገጸ በረከታት ናብ ገጾም ደርበየትሎም። አረ እንቋዕ ኣዕይንቶም ኣየንቈሮትም
ኣራእሶም ኣይሰበረቶም እቲ ኣብ ቀረብኦም ዝነበረ ህጻን ክርስቶስ ግዲ ተኸላኺልሎም። ቺን ኣዕይንቱ ኣፍጢጡ
ንፕሮፈሶር ተመልከተ’ሞ፡ “ እዚ’ኣ እታ ንፈልጣ ማርያም ኣይኮነትን!” በለ። ብዳርጋ ብጕያ ድማ ካብ’ቲ መካነ
ምላድ ክርስቶስ ኣልገሱ።
ነዚ ጸብጻብ’ዚ ዝኣከበን ዝጸሓፈን ጋዜጠኛ ዳንኤል ሰ. ተስፋይ ወኪል ጋዜጣ “ንሓቂ ድፈራ” ኣብ ምብራቕ ኣፍሪቃ እዩ።
21.12.2017
A Satire from the series “Dare the Truth”
ስሓቕ ዝመልኦ ፍሱሕ በዓል ልደትን ሓዲስ ዓመትን ይግበረልና
ቅየዐ
እቶም ሰለስተ ለባማት ልደት ናይ’ዚ ዓመት’ዚ
ክርስቶስ ነፍሲ ወከፍ ዓመት ይውለድ። ነፍሲ ወከፍ ዓመት ድማ ይስቀል። ነፍሲ ወከፍ ዓመት ድማ ካብ ሓጢኣትና
የድሕነና። እቶም ሰለስተ ለባማት ድማ ነፍሲ ወከፍ ዓመት ንምላደ ክርስቶስ ከብዕሉ ሓደ ኮኾብ መሪሑዎም ናብ ቤት
ልሔም ይመጹ። ነፍሲ ወከፍ ዓመት ድማ ሄሮዶቶስ ህጻናት ይሓርድ። ነፍሲ ወከፍ ዓመት ድማ ዮሴፍ ንማርያምን ወዳን
ሒዙ ይሃድም። እዚ ፍጻሜ’ዚ ንልዕሊ 2000 ዓመታት ነፍሲ ወከፍ ዓመት ተደጋጊሙ እቶም ወድሰብ ዝፍጽሞም
ሓጢኣታት እምብዛ በዚሖምን ከፊኦምን ብሓንቲ ቅትለተ መድሕን ጥራሕ ዘይነጽሁ ኴይኖም። እንተኾነ ናይ ሎሚ ዓመት
ምላድ ክርስቶስ ካብ’ቶም ናይ ዝቐደሙ ዓመታት ቍሩብ ይፍለ።
እቶም ለባማት ንገለ 1500 ዓመታት ካብ ምብራቕ እዮም ዝመጹ ነቢሮም። ካብ 1500ድ.ል.ክ. ግን እስልምና ኣብ
ኵሉ ማእከላይ ምብራቕ ነጊሱ እቶም ለባማት ናይ’ዚ ዞና’ዚ ናብ መካነ ምላድ ክርስቶስ ናይ ምጋሽ ተመሳጥነቶም
እንዳማህመነ ከይዱ ንመጠረስትኡ ከኣ ናብ መካ- መካነ ምላድ መሓመድ - ጥራሕ ሓጀዙ። በብቍሩብ ከኣ ናይ ዝኾነት
ክርስትያን ሃገር ለባማት ኣብ ዕለተ ልደት ክርስቶስ ናብ ቤተ ልሔም እንዳገሹ ንማርያም እንኳዕ ማርያም መሓረትኪ
ናይ ምባል ባህሊ ተፈጥረ። እቶም ሎሚ ዓመት ገጸ በረከቶም ሒዞም ናብ ቤተ ልሔም ዝተበገሱ ለባማት ፕሮፈሶር
ሻይንሃይሊገ ካብ ሃገር ጀርመን፣ ሊቀ መኳስ ገብረመንፈስቅዱስ ካብ ዓዲ ሓበሻ፣ ኣቶ ቺን ቹላይ ካብ ርሑቕ ሃገረ
ቺና እዮም። ሰለስቲኦም ከኣ በብመገዶም ናብ ቤተ ልሔም ተበገሱ።
እቲ ከም ቀዳማይ ናብ እስራኤል ዝኣተወ፡ፍሉጥ፡ ፕሮፌሶር ሻይንሃይሊገ እዩ። ንሱ ብBMW ቱጉቱግ ብዘማናዊ GPS
እንዳተመርሐ እዩ ነቲ ነዊሕ መገዲ ካብ በርሊን ክሳብ ተል ኣቪቭ ኣሰላሲልዎ። ብቈጸራ ኣኽባርነት ጀርመናውያን
ተሓቢኑ ነቶም ክልተ ካልኦት ለባማት ብቈጽራ ዘይኣኽባርነቶም እንዳተጻረፈ ንበይኑ ናብ ቤተ ልሔም ደለየ። እቲ
መራሒ ኮኾብ ግን ኣብ ልዕሊ ተልኣቪቭ ተሸኺሉ ምንቅስቓስ ኣበየ። ፕሮፈሶር እቲ ዘይምቅስቓስ ናይ’ቲ ኮኾብ
ገሪምዎ ምኽንያቱ ንምፍላጥ ንእሽቶይ ጥራዝ ኣውጺኡ ክሓናጥጥን ክድምርን ከጉድልን ጀመረ።
ሓሙሽተ ሰዓታት ይደንጕ ድኣ’ምበር ንመጨረስትኡስ ኣቶ ቺን ቹላይ እውን ንተል ኣቪቭ ኣተወ። “ኣብ ፍራንክፎርት
ብርቱዕ በረደጡጥ ወሪዱ ነፈርቲ ኣብ ሰዓተን ክበራ ኣይከኣላን። ምድንጓየይ ጉድለተይ ኣይኮነን” በለ። ሕዚ
ቺናውያን ብብልሓትን ሃብትን ማዕረ ጸዓዱ ኴይኖም እቲ ንጸዓዱ ንንእሽቶይ ጉድለት ዓቢዪ እቅሬታ ምሕታት ሓዲጎሞ
እዮም። ሕዚ እቲ ሓበሻ ተሪፉና ኣሎ ከኣ ተበሃሃሉ። ፕሮፈሶር ብዛዕባ’ቲ ኣብ ልዕሊ ተል ኣቪቭ ዝደረቐ ኮኾብ
ንኣቶ ቺን ነጊሩዎ ነቲ ምኽንያት ንምቅላዕ ክልቲኦም ፈተኑ። ኣይከኣሉን። ኣቶ ቺን፡ “ምናልባት ኣምላኽ ንጸትታዊ
ምኽንያት ነቲ ልሙድ መካነ ምላድ ክርስቶስ ቀዪሩዎ ይኸውን። ኣብ’ዚ እዋን’ዚ፡ ክርስቶስ ዳዕሽ ዝተባህሉ ካብ
ሄሮዶቱስ ዝኸፍኡ ጸላእቲ ኣጥርዩ ኣሎ” ቢሉ ተፈላሰፈ።
እቲ ለባም ሓበሻ ገና ኣይኣተወን። ምናልባት ናይ ቪዛ ሽግር ኣጋጢምዎ ከይከውን ናብ ኢሚግረሽን እስራኤል ከይዶም
ሓተቱ። ኢሚግረሽን ድሕሪ ብዙሕ ገድሊ ቪዛ ከምዝተዋህቦ ገለጸሎም። ብተወሳኺ ድማ ንሱ ኣብ ክንዲ ብነፋሪት
ዝመጽእ ከምቲ ባህሊ መጽሓፍ ቅዱስ ኣባቕልን ኣእዱግን ሒዙ ከም ዝተበገሰን፣ ኣብ ሲናይ ድማ ብበደው ራሻይዳ
ከምዝተጨውየን፣ $30,000 እንተዘይከፊሉ ድማ ብህይወቱ ተጠቢሑ እቲ ውሽጣዊ ኣቝሕቱ ክሽየጥ ምዃኑን ሓበሮም።
ፕሮፌሶር፡ “እሞ ስለምንታይ ዘይከፍል? እቲ ምሉእ ዓዲ ሓበሻ ሰላሳ ሽሕ ከዋጽእ ኣይክእልን ድዩ?” በለ ሕቶን
ምግራምን ኣጠቓሊሉ።
“ንዓኻ ሰላሳ ሽሕ ዶላር ሰላሳ ሽሕ ሳንቲም ኴይነን ይስምዓኻ ይኾና። ንዓዲ ሓበሻ ግን ሰላሳ ሚልዮን ዶላር
እየን። ኣብ ልዕሊ’ዚ ባጠራኦም ዶላር ኪዕድግ ኣይክእልን እዩ” በለ ኣቶ ቺን።
“እምም! እሞ ንሕና መገድና ንቐጽል” በለ ፕሮፈሶር። ‘ንዕኡ ድማ ክርስቶስ ይሓግዞ”
“ሎሚ ዝተወልደ ቈልዓ በየናይ ዓቕሙ ኪሕግዞ! ድሓር ከኣ እቲ መራሒና ኮኾብ እንሆ ገና ካብ ተል ኣቪቭ ፈልከት
ምባል ኣብዩ። እሞ ናበይ ኢልና ኢና ክንብገስ?” ኣመልከተ ኣቶ ቺን።
“እምም! እሞ ናብ’ታ እቲ ኮኾብ ኣብ ልዕሌኣ ደው ኢሉላ ዘሎ ቦታ ከድና ነቲ ምኽንያት ንምፍላጥ ንፈትን” ኣመተ
ፕሮፈሶር። ጽቡቕ ሓሳባት ተበሃሂሎም ከኣ ተበገሱ። ነቲ ኮኾብ ድማ ልክዕ ኣብ’ቲ ሓበሻ ‘እንዳ ሳዕሪ’ ኢሎም
ዝሰመዪዎ መዘናግዒ ቦታ ብርሃኑ ኮሊዑ ረኸብዎ።
“እዚ ኮኾብ’ዚ ከምቲ ዓለምና ተጸሊላቶ ዘላ ተጸሊሉ ኣሎ። ኣነ ኣብ’ዚ ዝኾነ ሰብ፡ ዝኾነ ጓሳ እርኢ የለኹን” በለ።
“እቶም ኣብ ትሕቲ’ታ ገረብ ተቐሚጦም ዘለዉ ጸለምቲ’ኸ ሰብ ኣይኮኑን!” ተዋቕዐ ኣቶ ቺን። እቲ ጸዓዱ ኣብ
ልዕሊ ቺናውያን ዘርእይዎ ዝነበሩ ንዕቐት ገና ጸላዕላዕ የብሎ እዩ።
“እዚኣቶም ጸለምቲ ኣፍሪቃውያን እዮም … ማለት፡ እስራኤላውያን ኣይኮኑን … “ ተኻትዐ ፕሮፈሶር።
“ፈላሻ ዝተባህሉ ጸለምቲ ኣይሁድ ካብ ዓዲ ሓበሻ መጺኦም ኣብ’ዚ ኣብ እስራኤል ዝቕመጡ ከም ዘሎዉ ኣይትፈልጥን።
ካብኣቶም እንተኾን’ኸ?” ወጠረ ኣቶ ቺን ነታ ፕሮፈሶርነት ፕሮፈሶር ኪጠራጠራ ጀሚሩ። እሞ ንቕረቦም ንሕተቶም
ተበሃሂሎም ከኣ ቀረብዎም። ኣብ ሓደ “JAVA ORANGES” ዝተጻሕፎ ገዚፍ ባኮ ዕንጨይቲ ከኣ ሓደ ሽዑ
ዝተወልደ ህጻን ርኣዩ። ሓንቲ ጽብቕቲ ከደረይቲ መንእሰይ ሰበይቲ ኣብ ጥቃ’ቲ ቈልዓ ተቐሚጣ ነበረት። በቲ ካልእ
ሸነኽ ድማ ኣብ ገጹ ሓደ ዓቢዪ ጭንቀት ዝተሳእሎ ደልዳላ ከደራይ መንእሰይ ተቐሚጡ ነበረ። ከምኡ’ውን ገለ ካብ
ኣዕርዅቲ ኣብ’ኡ ነበሩ። እቶም ክልተ ለባማት ከመዓልኩም ኢሎም ሓቢሮሞም ተቐመጡ። ፕሮፈሶር ምስ’ቲ ኣቦ’ቲ
ቈልዓ ኴይኑ ዝተሰምዖ ዕላል ጀመረ።
“እዚ ቈልዓ ወድኻ ድዩ?”
“እወ”
“ይቕረታ። መን ትበሃል?”
“ዮሴፍ”
በቲ መልሲ ክልቲኦም ለባማት ሰንቢዶም ተጠማመቱ።
“ሰበይትኻ’ኸ መን ትበሃል?”
“(ወ)ለተማርያም”
በቲ መልሲ ክልቲኦም ለባማት ደጊሞም ሰንቢዶም ተጠማመቱ።
“እቲ ቈልዓ’ኸ እንታይ’ዩ ስሙ?”
“ገ(ብ)ረኢየሱስ”
በቲ መልሲ ክልቲኦም ለባማት ሰሊሶም ሰንቢዶም ተጠማመቱ። እሞ እቲ ኮኾብ ኣይተጋገየን በለ ኣቶ ቺን።
“ጽናሕ ድኣ ጽናሕ!” በለ ፕሮፈሶር ፒፓኡ እንዳኮልዐ። “ወለተ፡ ገብረ እንታይ ማለት’ዮም?” ተወከሰ።
“ወለተ ማለት ኣገልጋሊት፣ ገብረ ማለት ከኣ ዓሽከር ማለት እዩ” ገለጸ ዮሴፍ። ፕሮፈሶር ሓሰበ። ንቺን ተመልኪቱ
ከኣ፡ “እሞ ሎሚ ዓመት’ስ መንፈስ ቅዱስ ምስ ኣገልጋሊት ማርያም እዩ ተጋቢኡ። እቲ ህጻን ድማ ዓሽከር ክርስቶስ
ድኣ’ምበር እቲ ኣስሊ ክርስቶስ ንባዕሉ ኣይኮነን። ሎሚ ዓመት ስላሴ ካብ ወካሊት ማርያም ወካሊ ክርስቶስ እዮም
ሰዲዶሙልና” በለ።
“እንታይ ፍልልይ ኣሎዎ’ሞ … ? ሎሚ ኣብ ቺና ጎይታን ኣገልጋልን ሓደ ኴይኖም እዮም” መለሰ ቺን ኣብ ወረድኡ
ናይ ፖለቲካን ፕሮፓጋንዳን ሓላፊ እዩ። ነዚ ኣቕጣጫ ክትዕ’ዚ ኪቕጽሎ ኣይፈተወን ፕሮፈሶር ሕሉፍ ታሪኽ ህዝቡ
ኴርኵሑዎ። ናብ’ቶም ከቢቦሞም ዝነበሩ መንእሰያት ተመልኪቱ ድማ እንታይ ከምዝሰርሑ ሓተቶም። ብሓባር “ጓሶት”
በልዎ። ጤለ በጊዖም ኣበይ ከምዘሎዋ ኪፈልጥ ደልየ ፕሮፈሶር። ጠለ በጊዕና ድኣ ኣብ ጎቦታተን ሓዲግናየን መጺና።
ኣሓና ድማ ኣብ መረብ ኣሎዋ በልዎ። ፕሮፈሶር ርእሱ ነቕነቐ። መገድን ጥበብን ኣምላኽ ፍሉጥ ኣይኮነን ቢሉ
ሓሰበ። ምናልባት ናይ ሎሚ ዓመት ክርስቶስ እዚ ከደራይ ቈልዓ እዩ ቢሉ ከኣ ደምደመ። እሞ ንሕና ነቲ ህጻን
ክንበጽሕ ገለ ገጸ በረከት ሒዝና ኢና መጺእና በለ። (ወ)ለተማርያም- ቀረብታኣ ለቲና እዮም ዝብልዋ- ንፈለማ
ጊዜ ኣብ’ቲ ዕላል ተገደሰት።
“ዕጣንን ከርበን ሊቀ መኳስ ገብረመንፈስቅዱስ ካብ ኣፍሪቃ ክማልኡ ኢና ተሰማሚዕና ኔርና። እንተኾነ ሊቀ መኳስ
ኣብ ሲና ተጨውዮም ኪመጹ ኣይከኣሉን። ኣነ ግን ሽቶታት ካብ ቻነል 5ን፡ ሚኒሮክ ካብ ጆርጅ ኣርማኒን ስእኒ
ጉቺን ሒዘ መጺአ ኣሎኹ” ቢሉ ንለቲና ሃባ።
“ኣነ’ውን ካብ ቺና ዝተፈላለዩ መጻውቲ ቈልዑትን ባንቡላታትን ኣምጺኤ ኣሎኹ” ኢሉ ብዓቢዪ ቺናዊ ትሕትና
ተንበርኪኹ ኣብ እግሪ’ቲ ባኮ ኣቐመጦ።
ለቲና ብዛዕባ’ቲ ገጸ በረከት እኳ ቅጭጭ ኣይበላን ኣዕይንታ ኣፍጢጣ ጥራሕ ጠመተቶም። ንሕና ብርክና ንዓጽፈላ
ንእሽቶይ ኣጕዶ ስኢን’ና ብጥምዬት ተኾርሚና እንዳሓደርና ንስኻትኩም ድማ ጨና ወዲ ጨናን ጨርቃ መርቅን
ተራእዪኩም። ጨናስ ናይ ትሽቱሽና ምኣኸለና። እዚ ነተንያሁ ሄሮዶቱስ ለይትን መዓልትን የሳድደና ኣሎ። ናብ ገለ
ጫካ ኣፍሪቃ ክሰደና’ውን ይምድብ ኣሎ። ጨና ወዲ ጨና ኣይኮነን ዘድልየና ንሕና ፓስፖርት ምስ ቪሳኡን ዶላራትን
እዩ ዘድልየና ዘሎ” ኢላ ነቲ ገጸ በረከታት ናብ ገጾም ደርበየትሎም። አረ እንቋዕ ኣዕይንቶም ኣየንቈሮትም
ኣራእሶም ኣይሰበረቶም እቲ ኣብ ቀረብኦም ዝነበረ ህጻን ክርስቶስ ግዲ ተኸላኺልሎም። ቺን ኣዕይንቱ ኣፍጢጡ
ንፕሮፈሶር ተመልከተ’ሞ፡ “ እዚ’ኣ እታ ንፈልጣ ማርያም ኣይኮነትን!” በለ። ብዳርጋ ብጕያ ድማ ካብ’ቲ መካነ
ምላድ ክርስቶስ ኣልገሱ።
ነዚ ጸብጻብ’ዚ ዝኣከበን ዝጸሓፈን ጋዜጠኛ ዳንኤል ሰ. ተስፋይ ወኪል ጋዜጣ “ንሓቂ ድፈራ” ኣብ ምብራቕ ኣፍሪቃ እዩ።
21.12.2017
A Satire from the series “Dare the Truth”
ስሓቕ ዝመልኦ ፍሱሕ በዓል ልደትን ሓዲስ ዓመትን ይግበረልና