Mereja.Forum

ኣብ ትሕቲ ኩባንያ ህንጻ ቀይሕ ባሕሪ ዝመሓደር፡ ትካል መፍረ ሰፍነግ ፡ ንሕጽረት ኣባይቲ ምሉእ ብምሉእ ንምፍታሕ ምድላዋቱ ኣጻፊፉ ይርከብ፡፡ ኣብ ዕብየት ቁጠባ ሃገርና ዕዙዝ ኣበርክቶ ክገብር ትጽቢት ዝግበረሉ እዩ፡ (Via Mezekr Tarik)


Are foam homes the future?



_______________


ፋብሪካ ቸሜንቶ ገደም ኣብ ንጡፍ ስራሕ፡ ኣብ ዞባ ሰሜናዊ ቀይሕ ባሕሪ

The sky’s the limit for Eritrea starting 2021 if the government open up the economy to the private sector
Eritreans in small groups can build and own:
1. Eritrean airlines make it the prime airline for the diaspora and tourists to come to this beautiful country
2. Build five star hotels in all of our cities; build all inclusive resorts along the Red Sea
3. Build sea food processing plants that can supply the whole east Africa market with fish, shrimp and other seafood products
4. Build what ever factory (industrial grade) the private citizen wants that can employ 20+ Eritreans
5. Open up the country to foreign investment

The tax income of all the investment should partially be allocated to martyrs, disabled or lifelong serving members of EDF.

There needs a trust building campaign needed by the government—- come and invest in Eritrea—- incentives could be applied like free taxation for 5 years or free land lease for 20 yrs....

The potential is HUGE and the Eritrean diaspora has the capital to transform the country

Learning can be taken from Vietnam experience in the last 30 years; Vietnam was like Eritrea 30 years ago

Sesenayu

Zmeselo wrote: ↑

07 Dec 2020, 19:34

ERi-TV ፍረ ጻዕሪ፡ ምሩጽ ዘርኢ ስርናይ | Planting best wheat variety




መራሕትን ሰራዊትን ዘተሳተፉሉ ምህናጽ ዲጋ ሎጎ - 7ይ ክፋል | Development around diga Logo & Misilam Dams

ኣብ ትግራይ፣ ስለምንታይ ኵናት?

(Jenay Ghebregherghish Ghebremariam) - - ህሉው ኩነታት ትግራይ ብጭብጢ ንምትንታን ዝኣክል፣ እስከ ካብ ስምዒት ወጺእና ብሚዛናዊ ዓይኒ ክንሪኦ ክንፍትን።

ኣብ ትግራይ ዝካየድ ዘሎ ወተሃደራዊ መጥቃዕቲ ግቡእ’ዶ ነይሩ? ብዓይኒ መጻኢ ዝምድናታት ክልቲኡ ህዝብታት፣ ብዓይኒ ሰብኣውነት፣ ከምኡ’ውን ካልኦት ረቋሒታት ኣብ ግምት ብምእታው እዚ ዝካየድ ዘሎ ኵናት ምድጋፍ ይግባእ’ዶ ነይሩ? ብመንጽር ሃገራዊ ረብሓ ኤርትራ ክርአ እንከሎ’ኸ ብኸመይ ይግምገም?

ኵናት ማለት ዕንወት፣ ሞት፣ ምፍንቃል፣ ስደት….ወዘተ ምዃኑ ዝስሓት ኣይኮነን። ከምዚ ዝመሰለ ብርሰት ድማ፣ ፈታዊ ጥራይ ዘይኮነ፣ ኣእምሮ ዘለዎ ጸላኢ’ውን ኣይሕጎሰሉን እዩ። ብሓፈሻ ኣብ ነብስኻ ጥራይ ዘይኮነ ኣብ ወገን ጸላእትኻ’ውን ክወርድ ትምነዮ ኣይኮነን።

ንዝሓለፈ፣ ህሉው፣ ከምኡ’ውን መጻኢ ከፍጠር ዝኽእል ኩነታት ብምንባብ ግና፣ ነዚ ኵናት እንብሎ መሪር ፍጻሜ፣ ከም ፍታሕ እትድግፈሉ ኩነታት ኣሎ። ንእሽቶይ ዕንወት ገይርካ፣ ከጋጥም ንዝኽእል ዓቢ ዕንወት ብኣጋ ንምዕጋት፣ ኵናት ከም ኣማራጺ ክውሰድ ይከኣል እዩ። ግዝያዊ ኵናት ከፊትካ፣ ነባሪ ሰላም ምውሓስ።

እዚ ሕጂ ኣብ ልዕሊ ትግራይ ዝካየድ ዘሎ ወተሃደራዊ መጥቃዕቲ፣ ብኹሉ ሸነኻቱ ገላቢጥካ ምስ’ትምርምሮ፣ እቲ ውጽኢት ካብዚ ልዒልና ዝጠቐስናዮ ነጥብታት ዝወጽእ ኣይኮነን። ነባሪ ሰላም ህዝብታት እዚ ዞባ ብሓፈሻ፣ ኣብ ሞንጎ ህዝብታት ኤርትራን ኢትዮጵያን እቲ ዝያዳ ተጸላዊ ህዝቢ ትግራይ ከኣ ብፍላይ፣ ንክህሉ ዝካየድ ዘሎ’ዩ ክበሃል ይከኣል። እዚ ህወሓት ባዕላ ዝተኣመነትሉ ከም ኣባህላኣ ጠዊቓ ዘጀመረቶ ኵናት (anticipatory war)፣ እናመረረካ እትቕበሎ ንስለ ነባሪ ሰላም ዝካየድ ዘሎ እዩ።

ህወሓት ተቓሊሱ ንህዝቢ ትግራይ ካብ ብሄራዊ ጭቆና ከምዘገላገሎ ዝከሓድ ኣይኮነን። ከም ሓቂ’ውን እቲ ንስለ ህዝቢ ትግራይ ዝኸፈልዎ ዋጋ፣ ይሕመቕ ይጸብቕ ዝርካቡ ዝሃነጽዎ ክብርን፣ ባህልን ክጣበቑሉ ትጽበዮን ስነ-ሞጎታውን እዩ ክበሃል ምተኻእለ ነይሩ። እንተኾነ መራሕቲ ህወሓት ካብ ህዝብን፣ ቃልስን፣ ዕላማታትን መንፈስን ህዝቢ ትግራይ ብምርሓቕ፣ ሕድሪ ናይ ኣብ ግዜ ቃልሲ ዝነበሩ ብጾቶምን ብምኽሓድ፣ ግዙኣት ናይ ውልቃዊ ረብሓታቶምን ዕሱባት ናይ ሃገራት ምዕራብን ብምዃን ጸረ ሰላም ምሉእ ቀርኒ ኣፍሪቃ ኮይኖም ዝጸንሑ ጉጅለ እዮም። ብዘይካቲ ኣብ ውሽጢ ኢትዮጵያ ዝገበርዎ ንክልላት ብዓሌት ምትፍናን፣ ምጭዋይ፣ ገንዘብ ህዝቢ ምጥፍፋእ፣ ካልእ ኣብ ልዕሊ ህዝቢ ኤርትራ ዝገብርዎ በደል፣ ከም ምስጓግ ኤርትራውያን፣ ምዝራፍ ንብረት፣ ኣብ ሶማል ዝገበርዎ ወተሃደራዊ ምትእትታው፣…ወዘተ ጭቡጥ መርትዖ ገበናቶም እዩ።

እዚ እናኾነ እቲ ሓቂ፣ ምስ ምምጻእ ዶክተር ኣቢይ ኣብ ኢትዮጵያ ዝተፈጥረ ሓድሽ ለውጢ እውን ዓንቀፍቲ እዮም ነይሮም። ምናልባት ስለዝተነጸሉ ከም ግብረ-መልሲ እዮም ዓንቂፎም ኢልካ ንከይምኽነ፣ ኣብቲ ዝነበረ ሓድሽ መድረኽ’ውን እንተኾነ ንምሕቋፎም ብዙሕ ተሰሪሑ እዩ።

ኣብነት ንምጥቃስ፣ ኣብ ናይ ዶር. ኣቢይ መሪሕነት፣ ዓቢ ስልጣን ካብ ዝነበሮም ኣባላት ህወሓት ዝነበሩ፣ ንጀነራል ሰዓረ መኮነን፣ ኬርያ ኢብራሂም፣ ፈትለ-ወርቅ (መንጀሪኖ)፣ ኣብራሃም በላይ…ወዘተ ብደረጃ ሚኒስተርነት ካልኦት ኣብ ማእከላይ ጽፍሒ ቦታ ተዋሂብዎም ነይሩ እዩ። ዶር. ኣቢይ እውን እንተኾነ ብቀጥታ ድሕሪ ስልጣን ምሓዙ ናብ መቀለ ከይዱ ቅሉዕ ዝርርብ ብምግባር ኣኼባ ገይርሎም ነይሩ እዩ።

ብወገን ኤርትራ’ውን እንተኾነ፣ ብግዝያውነት ዶብ ተኸፊቱ እንከሎ፣ ህዝቢ ኤርትራ ኩሉ ሕሉፍ ገበናቶም ኣብ ልቡ ጸይሩ፣ ኣብ ወራራት ወያነ ናይ ዝተሰውኡ ስእሊ ደቁ ኣብ መናድቅ ቤቱ ተሰቂሉ እናሃለወ ጌና ሕርቃኑ ዘይሰኸነ ክነሱ፣ ሕማቅ ገጽ ከየርኣዮም ከም ድላዮም ኤርትራ ነጊዶም ተዛዊሮም ይምለሱ ነይሮም።

እዚ ኩሉ እናኾነ ግና፣ ንሰላም ዓንቀፍቲ ብምዃን ፣ ኣብ ባድመ ኣይንወጽእን ብምባል፣ ኣብ ልዕሊ ዶር. ኣቢይ ፈተነ ቅትለት ፈጺሞም፣ ኣብ ልዕሊ መራሕቲ ኤርትራ’ውን ብዙሕ ፍሹል ፈተነ ቅንጸላ ብምግባር ቅሉዕ ናይ ሽበራ ስራሓት ኣብ ምስንዛር ተዓጢቆም ጸኒሖም።

እዞም ጉጅለ ብሕሱም ነብሰ-ምትሓትን ቅርሕንትን ዝተባዕጡ ብምዃኖም ዘይወድዓዊ ኣተሓሳስባ (Irrational thinking) ዘለዎም እዮም። ከምዞም ዓይነት ዘይወድዓዊ ጥሩፍ (extremist) ኣተሓሳስባ ዘለዎም ሰባት፣ ሓይሊ ረኺቦም ክወስድዎ ዝኽእሉ ስጉምቲ ኣዝዩ ተኣፋፊን ዓሌትን ሃገር ከጽንቱ’ውን ዝኽእሉ ብምዃኖም፣ ንኤርትራ ኣዝዮም ሓደገኛታት እዮም። እዞም ጉጅለ ከስዕብዎ ዝኽእሉ ሓደጋ ብዓይኒ ሃገራዊ ረብሓ ብምጥማት ጥራይ ዘይኮነ፣ ንኤርትራን ህዝባን ናይ ምህላውን ዘይምህላውን ሕቶ እዩ።

ኣብነት ንምጥቃስ ሓደ ካብቶም ሕጂ ተሃዲኑ ኣብ ቤት ማእሰርቲ ፍርዱ ዝጽበይ ዘሎ ክንፈ ዳኘው፣ ኣብ ስልጣን ኣብ ዝነበረሉ እዋን፣ ናብ ዩክረይን ብምጋሽ፣ 300 ኪ.ሜ ክውንጨፍ ዝኽእል ሮኬት ምስ ካብ 700-1000 ኪ.ሜ ተመሪሑ ብኣድማዕነት ዕላማኡ ክወቅዕ ዝኽእል ሚሳላት ብምሽማት፣

ኤርትራ ዝኾነ ይኹን ምስእትብል በዚ ገይርና ክንሕምሽሻ ኢና

እናበሉ ብትምክሕቲ ይዛረቡ ነይሮም።

ኣብ 2016 ዓ.ም ነቲ ዝዓደግዎ ኣጽዋር ኣብ ትካል ዕደና ማዕድን ወርቂ ቢሻ ፈቲኖሞ፣ ኣድማዒ ውጽኢት ረኺብናሉ ኢሎም ኣብ ባራት ኣዲስ-ኣበባ ድግስ ክገብሩ ሓዲሮም። ካብዚ ብምብጋስ ከኣ’ዩ ናይቲ እዋን ቀዳማይ ሚኒስተር ሃይለማርያም

ተመጣጣይ እርምጃ እንወስዳለን

ዝብል ነይሩ።

እዚ ሕጂ ኣብ 2020 ዓ.ም ናብ ኣስመራ ክውንጭፍዎ ዝቐነዩ ሮኬታት’ውን ትፋእ ናይቲ ኣብ ልቦም ተዓቚሩ ዝነበረ እከይ ትልሚ ደኣ እምበር፣ ሕጂ ኤርትራ ኣብቲ ኲናት ስለ ዘእተወት ወይ ዓቕሊ ስለዘጽበቡ ጥራይ ኣይኮነን። ስለዚ፣ እዞም ጉጅለ፣ ብዘለዎም ዘይወድዓዊ ኣተሓሳስባ፣ ኣብ ኢዶም ሓደገኛ ኣጽዋር እንተዝህልዎም፣ ንህዝቢ ኤርትራ ንምጽናት ወላ ኑክሌር’ውን ክውንጭፉ ድሕር ከምዘይብሉ እዚ ኩሉ ኣብ ዝሓለፈ ዓመታት ዝገበርዎ እኹል ጭብጢ እዩ።

እቲ ሓቂ እዚ ኩሉ ልዕሉ ዝተጠቅሰ እናኾነ፣ ነቲ ጉዳይ ብሰላማዊ መንገዲ ንምፍታሕ እዞም ሰባት ኩሉ ዓይነት ዕድላት ተዋሂብዎም እዩ፣ ግና ክሰምር ኣይከኣለን። ካብ ሕሉፍ ዓሻ ድፍረትን ጌጋ ቀመርን ዝኣክል ድማ፣ ባዕሎም ነቶም ኣብ ጎኖም ተሰሊፎም ዝነብሩ ከምኣቶም ኢትዮጵያውያን ብጾቶም ብምጥላም ኵናት ከፊቶምሎም። እቲ ኵናት ዘይተርፍ ነይሩ’ውን ክኸውን ይኽእል እኳ እንተነበረ፣ ብጭብጢ ጀመርቲ ኵናት ግና ባዕላቶም እዮም።

ንምጥቅላል፣ ነዚ ተኸሲቱ ዘሎ ከነታት ብዘይሻራነት ብወድዓውነት ብምምዛን፣ ኵናት ጥዑም ኣኳ እንተዘይኮነ፣ ንዕንደራን፣ ፈጠርቲ ራዕድን ዕግርግርን ዝኾኑ ጉጅለ ህወሓት ንምድምሳስ ግና እዚ ዝካየድ ዘሎ ኵናት ቅቡል እዩ። ልዒልና ዝጠቀስናዩ ነጥብታት ኣብ ግምት ብምእታው፣ ኤርትራ ክመጽኣ ዝኽእል ስግኣት ንምእላይ፣ ኢዳ እንተሓወሰት’ውን ቅቡል እዩ። ካሊእ እዚ ዝካየድ ዘሎ ኵናት ኣብ ልዕሊ ጉጅለ ህወሓት ምስ ሰዓብታ ደኣ እምበር፣ ኣብ ልዕሊ ህዝቢ ትግራይ ኣይኮነን። ስለዚ ኣብ መጻኢ ዝምድናታት ህዝቢታት ኤርትራን ትግራይን ክገድፎ ዝኽእል ስምዒት ከይህሉ ኢልካ ዘስግእ ኣይኮነን።

ስለምንታይ ኵናት ንዝብል፣ ንስለ ነባሪ ሰላም እዩ። ነዚ ኵናት ድማ፣ እቶም ደለይቲ ሰላም ከምዝዕወትሉ ኣየጠራጥርን።

…….ከምኡታት እዩ።