Breaking News : ሳልሳይ ግዜ ኣብ ከባቢ ኣስመራ ደብዳብ ተወንጫፊ ከቢድ ብረት ይስማዕ
Posted: 28 Nov 2020, 15:59
https://www.facebook.com/EriSatTelevisi ... 3447551505
ምሸት 28 ሕዳር፡ ድሕሪ ሰዓት 10:00 ኣብ ኣስመራ እንተወሓደ ኣርባዕተ ተኻታታሊ ነትጒ ተወንጨፍቲ ከምዝተሰምዐ ይግለጽ ኣሎ። ገለ ምንጭታት፡ ድሕሪ እቲ ናይ ፈለማ ኣርባዕተ ነትጒ፡ ጸኒሑ’ውን ክልተ ነትጒ ከምተሰምዐ ይገልጹ ኣለዉ። እዚ ኣብ ኣስመራ ቀዳም ምሸት ዝተሰምዐ ነትጒ ተወንጨፍቲ፡ ንሳልሳይ ግዜ ዘጋጥም ዘሎ እዩ።
ብ 14 ሕዳር ካብ ሰሜን ኢትዮጵያ ካብ ክልል ትግራይ ነቒሉ ዝተባህለ ደብዳብ ተወንጫፊ ብረት፡ ንከባቢታት መዓርፎ ነፈርቲ፡ ሰንበልን ቪላጆን ናይ ከተማ ኣስመራ ዘነጻጸረ ምንባሩ ይዝከር። 27 ሕዳር ውን ኣብ ከባቢታት ኣስመራ፡ ደቀምሓረን ነፋሲትን ዝቕመጥ ህዝቢ ተዳጋጋሚ ድምጺ ተወንጨፍቲ ከምዝሰምዐ ተሓቢሩ እዩ።
እቲ ቐዳማይ መጥቃዕቲ፡ ህወሓት ናብ ባጽዕን ኣስመራን መጥቃዕቲ ክፍጽሙ ምዃኖም ምስተማባጽዑ ኣብ ሓጺር ግዜ እዩ ተፈጺሙ። ድሕሪ እቲ መጥቃዕቲ ድማ ብቕልጡፍ ሓላፍነት ተሰኪሞም። እንተዀነ ህ.ወ.ሓ.ት ካበይ ኰይኖም ናብ ኣስመራ ከምዝድብድቡ ዘለዉን ብርግጽ ኣበየናይ ኩርናዕ ናይተን ዒላማ ኰይነን ዘለዋ ህዝቢ ብጻዕቂ ዝነብረለን ከተማታት ከምዝወደቐን ዘይንጹር ሓበሬታ እዩ ዝወጽእ ዘሎ።
ብዘይካ’ዚ ኣብ ደቡባዊ ዶባት ኤርትራ ዝርከባ ከተማታትን ዓድታት፡ ቀጻሊ ዒላማ ናይ’ቶም ካብ ሰሜናዊ ክፋል ኢትዮጵያ ከምዝነቕሉ ዝንገረሎም ደብዳብ ከበድቲ ብረታት ይኾና ምህላወ፡ ከም ሳዕቤኑ ኣብ ልዕሊ ህይወት ሰብን ንብረትን ዝወርድ ዘሎ ዕንወት ካብ ግዜ ናብ ግዜ ይዛይድ ከምዘሎ ይሕበር።
ህ.ግ.ደ.ፍ ብዘይካ በቶም ኣብ ማሕበራዊ መራኽቢታት ምስሉ ከጻባብቑ ዝሰርሑ ሰራሕተኛታቱ፡ በቲ ወግዓዊ ማዕከናት ነቲ ኣብ ልዕሊ እዘን ዝዓበያ ከተማታትን ኤርትራን ኣብ ዶባት ዝርከባ ዓድታትን ዝወረደ መጥቃዕቲ ዘነጽርን ዝዅንንን ክሳዕ ሎሚ መግለጺ ኣየውጽአን።
ምሸት 28 ሕዳር፡ ድሕሪ ሰዓት 10:00 ኣብ ኣስመራ እንተወሓደ ኣርባዕተ ተኻታታሊ ነትጒ ተወንጨፍቲ ከምዝተሰምዐ ይግለጽ ኣሎ። ገለ ምንጭታት፡ ድሕሪ እቲ ናይ ፈለማ ኣርባዕተ ነትጒ፡ ጸኒሑ’ውን ክልተ ነትጒ ከምተሰምዐ ይገልጹ ኣለዉ። እዚ ኣብ ኣስመራ ቀዳም ምሸት ዝተሰምዐ ነትጒ ተወንጨፍቲ፡ ንሳልሳይ ግዜ ዘጋጥም ዘሎ እዩ።
ብ 14 ሕዳር ካብ ሰሜን ኢትዮጵያ ካብ ክልል ትግራይ ነቒሉ ዝተባህለ ደብዳብ ተወንጫፊ ብረት፡ ንከባቢታት መዓርፎ ነፈርቲ፡ ሰንበልን ቪላጆን ናይ ከተማ ኣስመራ ዘነጻጸረ ምንባሩ ይዝከር። 27 ሕዳር ውን ኣብ ከባቢታት ኣስመራ፡ ደቀምሓረን ነፋሲትን ዝቕመጥ ህዝቢ ተዳጋጋሚ ድምጺ ተወንጨፍቲ ከምዝሰምዐ ተሓቢሩ እዩ።
እቲ ቐዳማይ መጥቃዕቲ፡ ህወሓት ናብ ባጽዕን ኣስመራን መጥቃዕቲ ክፍጽሙ ምዃኖም ምስተማባጽዑ ኣብ ሓጺር ግዜ እዩ ተፈጺሙ። ድሕሪ እቲ መጥቃዕቲ ድማ ብቕልጡፍ ሓላፍነት ተሰኪሞም። እንተዀነ ህ.ወ.ሓ.ት ካበይ ኰይኖም ናብ ኣስመራ ከምዝድብድቡ ዘለዉን ብርግጽ ኣበየናይ ኩርናዕ ናይተን ዒላማ ኰይነን ዘለዋ ህዝቢ ብጻዕቂ ዝነብረለን ከተማታት ከምዝወደቐን ዘይንጹር ሓበሬታ እዩ ዝወጽእ ዘሎ።
ብዘይካ’ዚ ኣብ ደቡባዊ ዶባት ኤርትራ ዝርከባ ከተማታትን ዓድታት፡ ቀጻሊ ዒላማ ናይ’ቶም ካብ ሰሜናዊ ክፋል ኢትዮጵያ ከምዝነቕሉ ዝንገረሎም ደብዳብ ከበድቲ ብረታት ይኾና ምህላወ፡ ከም ሳዕቤኑ ኣብ ልዕሊ ህይወት ሰብን ንብረትን ዝወርድ ዘሎ ዕንወት ካብ ግዜ ናብ ግዜ ይዛይድ ከምዘሎ ይሕበር።
ህ.ግ.ደ.ፍ ብዘይካ በቶም ኣብ ማሕበራዊ መራኽቢታት ምስሉ ከጻባብቑ ዝሰርሑ ሰራሕተኛታቱ፡ በቲ ወግዓዊ ማዕከናት ነቲ ኣብ ልዕሊ እዘን ዝዓበያ ከተማታትን ኤርትራን ኣብ ዶባት ዝርከባ ዓድታትን ዝወረደ መጥቃዕቲ ዘነጽርን ዝዅንንን ክሳዕ ሎሚ መግለጺ ኣየውጽአን።
