Mereja.Forum

ኣብዪ ኣሕመድ፡ ብዝተሰንዐ (ፎርጂድ)፡ ዋጣ ዓጋመ፣
ከዓመ፡ ከዓመ፡ ከዓመ።

ሰላም ተኸታተልቲ ማሕበራዊ መራኸቢ፣ ዓማዊል ፌስ ቡክ ከኣ፡ ብቐንዱ።
ቅድሚ ሓደ ወርሒ፡ መንግስቲ ኤርትራ ብወግዓዊ፡ መንግስታዊ ቃለ መግለጺ(ሓተታ)፣ ማለት ሓተታ ‘‘ ታሪኻዊ ስምምዕ ሰላምን ምሕዝነትን ኤርትራን ኢትዮጵያን ‘‘ እንታይ ኢሉ...?
‘‘ ስምምዕ ሰላም ኤርትራን ኢትዮጵን፡ ከም‘ቲ ተስፋን ትጽቢትን ዝተገበረሉ፡ ከም ዘይሰጕመ ዘይክሓድ እዩ። .... ጕዕዞ ሰላም ኤርትራን ኢትዮጵያን፡ ኣብ ውሽጢ ዝተሓላለኸን ስግኣት ዘንጸላለዎን፣ ዘቤታዊ፣ ዞባውን ኣህጕራውን ኵነታት‘ዩ ዘገም ዝብል ዘሎ። ‘‘ ኢሉ።

ኣዝዪ ጥቕሉል፡ ነብሲ ወከፍ ንጽል ምሉእ ሓሳባት፣ ዝርዝር ትንታነ ዘድልዮ፡ ሓረጋት‘ዩ። ከም‘ቲ ዝተገበረሉ ተስፋን ትጽቢትን ዘይሰጕመ መስርሕ ሰላም፣ ድሕሪ ክልተ ዓመት፡ ገና ካልእ ዝተሓላለኸ ስግኣት የንጸላልዎ ኣሎ፣ እንተ ተባሂሉ ድማ፣ ብኡ መጠን ዝፈጥሮ ሻቕሎትን ሕቶታትን ኣሎ።

ስለ‘ዚ... ከም ተራ ዜጋ፡ ኣብ ዘቤታዊ ምብህሃልና፣ ሻቕሎተይን ሕቶታተይን ኣስፊረ ኣለኹ።
ካብ ዘቤታዊ ጕዳይ ወጻኢ፡ ብፍላይ ዞባዊ፣ እቲ ሓተታ....

‘‘ ኢትዮጵያ ገና ግጭታትን ቅልውላዋትን ኣይበተኸላን። ብኣዝዩ ጽንኩር፣ ዝተሓላለኸ መሰጋገሪ መድረኽ’ያ ትሓልፍ ዘላ።‘‘ ኢሉ። ንጕዳይ ኤርትራ ብዝምልከት ከኣ፣ ኣብ ኢትዮጵያ፡ ሰላም ኤርትራን ኢትዮጵያን ዓንዩ፣ ናብ ግጭት ክምለስ፣ ዝሓልሙን ዝሰርሑን ወገናት ምህላዎም ገሊጹ።
ሰላም ዓንዩ፡ ግጭት ክምለስ፣ ካብ ዝሓልምን ዝሰርሕን ወገናት ቍጽሪ ሓደ፡ ወያነ እዩ።

‘‘ ንወያነ ሓባቢለ ከእምኖም‘የ ‘‘ ብምባል፣ ወያነ ዕድመ ስልጣኖም፡ ንክልተ ዓመት ከናውሑ፣ ዕድል ዝሃቦም ከኣ፣ ባዕሉ ኣብዪ ኣሕመድ‘ዩ። ፕሮፌሶር ማሓመድ ሓሰን፣ ጭቡጥ መርትዖ እዩ።
ብዝዅነ.. ኢትዮጵያ፡ ብዝተሓላለኸ መስጋገሪ መድረኽ ትሓልፍ ምህላዋ ርዱእ እዩ። ብዘተሓላለኸ መሰጋገሪ መድረኽ ግን፣ ናብ ህይወት ናብ ጥዕና ኣይኵነትን ትሰጋገር ዘላ። ኢትዮጵያ ካብ ዝተሓላለኸ፡ ናብ ዝያዳ ዝተሓላለኸ መሰጋገሪ መድረኽ፡ እና ተሰሓገት፣ ትንፋሳ‘ያ ትሓልፍ ዘላ፣ ትመውት‘ያ ዘላ።

ኣብዪ ኣሕመድ ንባዕሉ ኸኣ፣ ሓደ ካብ ወጋናት፣ ናይ‘ቲ ዘየባትኽ ግጭታትን ቅልውላዋትን ኢትዮጵያ እዩ። ሞታን ሕልፈተ ህይወታን ንዘይተርፋ ኢትዮጵያ፣ ስቓይ ሕልፈተ ህይወታ ብዘናውሕ ምትሕልላኻት፡ የሳሕግዋ ካብ ዘልዉ ወገናት ሓደ፡ ኣብዪ ኣሕመድ እዩ። ሕሉፍ ሓሊፉ ድማ፡ ኤርትራ ወጥሪ ንምፍኳስን ምትእምማን ንምድልዳልን፡ ትኸፍሎ ንዘላ ዋጋ፣ ክሳብ ኣብ ቅሉዕ ሜድያ ወጺኡ ብምፍትታን፣ ኣብዪ ኣሕመድ ዝገብሮ ዘሎ፡ ግሁድ ወስታታት ንርእዮ ኣሎና።

እዛ ዓንቀጽ እዚኣ፡ መደምደምታ ናይ‘ቲ ብጕዳይ ‘‘ ክሳድ ሓዝ ‘‘ ዘልዓልክዎ ኣርእስቲ ከኣ‘ያ። ንሓውና ማሕሙድ ሳልሕ፣ ስለ‘ቲ ሃናጺ ኣበርክትኡ ኣብ ምስጓም፣ ንጕዳይ ምጽውዋር፡ አመስግኖ። ሻዱሻይ ትርጕም ኣልቦ ተሃላላኺ ጭርሖ፡ ክሳድ ሓዝ ኤልያስ ኣማረ ግን፣ ኣብ 1983-84 ዝነበረ፣ ናይ ወያነ ምትዅታዅ፣ ንትርጕም ኣልቦ ቍይቊ ኣዘኻኺሩኒ።

ወያነ ንህዝባዊ ግንባር፡ ናይ ብርጅዋ ናይ ሃብታማት ውድብ እዩ ኢሎም፡ ከሲሰሞ። ሕሰብዎ ኸኣ፡ ገና ወዲ ዓከር‘ኳ ጸጊብካ፡ ኣብ ዘይሕደረሉ፣ ሕሱም ግዜ መኸተ ኵናትን ጥምየትን፡ 1983-84 እዩ። ሽዑ ህዝባዊ ግንባር፡ ‘ ኣጕባዝ ከም ዓይበት ይቐደዱ፣ ጓል ማእምን ጥራጥ ተራእይዋ‘ ዝዓይነቱ ወርጃ መልሲ ሂቡ። ‘‘ ትርጕም ኣልቦ ቍይቊ ኣየድልየናን እዩ ‘‘ ኢሉ፡ ኣስቂጡ፣ ከቲትዎም። እንተዅነ ወያነ ኣየዕረፉን፡ ‘‘ ጕይቊ ተባሂልና! ወያነና ጕይቊ ኣይኵነን..! ጕይቊ፡ ጕይቊ፡ ጕይቊ ‘‘ ክብሉ፣ ሓሙሽተ ድዩ ዋላስ ሽዱሽተ መግለጺ ኣውጺኦም።

ሓው ኤልያስ ኣማረ፡ ህዝቢ ኤርትራ፣ ክሳድ ክልተ ርእሲ ሓያላን፣ ራሻን ኣመርካን፡ ሒዙ ዘድነነ ህዝቢ እዩ። ነዚ ሓያል ህዝቢ፡ ብሰንኪ ባርኾት ኣብዪ ኣሕመድ፡ ኣብ ሆቴላት መቐለ፡ ዕድሚኣ ዘናውሐት ሓልቃም ክሳድ ወያነ፡ ክሳድ ሓዝ፡ ኢልካ ምጽውዑ፣ ኣብ ተገራጫዊ ስያመ ናይ ጭርሖን ጨራሕትን ከየእተወካ፡ እስከፍ ኣለኹ።
ጭርሖ... ናይ ስራሕ ድርኺት እዩ። ንስራሕ ምትብባዕ፡ ምድራኽ፡ ምድፋእ...

ጨራሕቲ... ንጭርሖ ከም ስራሕ ዝሓዝዎ ሰባት‘ዮም። ጭርሖታት ጥራይ‘ዮም ዝሰርሑ። ንጡፋት ሰራሕረኛታት ግን ኣይኵኑን።

ንኤልያስ ኣማረ፡ ካብ 1998-99 ቍሩብ ቀሪበ ተላልየዮ። ስነ ጽሑፍ ብዕቱብ ገምጋምን ህየሳን፣ ንሃናጺ ዓውዲ ስነ ጥበብ፡ ዝብል ጭርሖ ኣልዒሉ፣ ብኣዝዪ ልዑል ተወፋይነት፡ ክሳብ ኣብ ቲቪ ኤረ፣ ንዕንቅፋታት ብዓል ዓሊ ዓብዱ ይብድህ ከም ዝነበረ ከኣ፡ ክምስክር ግዴታይ እዩ። ብላዕ ንከርስኻ፡ መስክር ንነብስኻ ስለ ዝዅነ። ኤልስያ ኣማረ፡ ሕጂ‘ውን ንናይ ጽባሕ ምስክርነት ሕሰብ።
ቀንዲ ጕዳይና ንሓዝ።

ቀዳምነት... ዝተሓዋወሰ ትርጕም ዝወሃበን፣ ክልተ ዝተፈላለያ ኣምራት ከትሕዘኩም።
1... ጭራ ዋጣ፡
2... ዋጣ

ብዙሕ ሰብ፡ ነቲ ክቡር ሞያ ጸወታ መሳርሒት ሞዚቃ ጭራ ዋጣ፣ ካብ‘ቲ ፍጹም ዓይኒ ዘውጽአ፣ ናትካን ዘይናትካን፡ መቝጸልጸሊ ቃላት ምላሊኡ ዝውድስ ዋጣ፣ ኣይፈልዮን እዩ።
ዋጣ ጸርፊ እዩ። ብልቡ ንዘይኣመነሉ፡ ንገለ ረብሓ፡ ኣውራ‘ኳ ቅርሺ ወዲ ቅርሺ፡ ክቕርም፣ ሰባት ክውድስ ዝውዕል፣ ለዅመኛን መጣቝስን እዩ፡ ዋጣ።

ጭራ ዋጣ ግን፡ ሞያ‘ዩ። ክቡር ሞያ፡ ናይ ሞዚቃን ደራፋይን። ንኣብነት ኣቦና ኤልያስ መስመር፡ ኣቦና ይሕያ፡ ካብ‘ቶም ቀዳሞት፣ ጭራ ዋጣ ደኣ‘ምበር ዋጣ ኣይነበሩን። ካብ‘ዚ ዳሕረዋይ፡ ዘበነ ታሪኽ፡ ሃገራዊ ኣገልግሎት፡ ኣብነት ክንጠቅስ፣ ወዲ ወልዳይን ኣበራን፣ ሞያውያን፡ ጭራ ዋጣ ደኣ እምበር፣ ዋጣ ኣይኵኑን። ስለ‘ዚ... ካብ ቀደም፡ ኣብ ሕብረተ ሰብና፣ ንመርዓ ወድኻ ጓልካ፣ ‘‘ መን ጭራ ዋጣ፡ ሒዝካ...? ‘‘ ተባሂሉ‘ዩ፡ ዝሕተት ዝነበረ። እምበር ‘‘ መን ዋጣ ሒዝካ...? ‘‘ ኣይብሃልን እዩ፡ ነውሪ።

ጊታር፡ ክራር፡ ኪ ቦርድ (ኦርጋን ፕያኖ) ወ.ዘ.ተ ዝጻወቱ፡ ብዙሓት ወሓለታት ሞያውያን ሙዚቃ ኣለዉ። ዝበዝሑ ግን ኣይደርፉን እዮም፣ ብዘይካ ውሑዳት፡ ከም ኣበባ ሃይለን ኢንጂንዮር ኣስገዶምን ዝኣመሰሉ፣ ድርብ ጸጋ ዝተዓደሉ፡ ሞያውያን።

ኵሉ ጭራ ዋጣ ግን፡ ብዓል ድርብ ጸጋ እዩ። ሞያ መሳርሒ ሙዚቃ ይመልኽ‘ዩ፡ ይደርፍ እዩ። ስለ‘ዚ ዝኸበርኩም ኤርትራውያን፣ ኣውራ‘ኳ መንእሰያት ደቀይን ንኣሽቱ ሓው ሓውተይን፣ ድሕሪ ሕጂ፡ ንክቡር ሞያዊ ጭራ ዋጣ፣ ካብ ወዳሲ ዋጣ፡ ከም ብዓል ኣብዪ ኣሕመድ ንምፍላዩ፣ ጭራ ዋጣ ዲኻ? ዋላ‘ሲ ዋጣ ? ብምባል፣ ፈላሊኹም ነጽርዎ።

ምኽንያቱ ከም ብዓል ኣብዪ ኣሕመድ፡ ዝኣመሰለ ዋጣ፣ ክዋጢ ጥራይ ዘይኵነ፡ ኣብ ርእሲ ዋጣ፡ ከውጠጥ‘ውን፣ እታ መሳርሒ ሙዚቃ ኣይተድልዮን‘ያ። ቍሩብ ጥሪን ጥሪን፡ ዘብላ እንተ ኵይኑ ኸኣ፣ ኣድምቕ ኣቢሉ፡ ብሓሶት ክውድስ፡ ከጣቝስ፡ ይጥቀመላ።

ዋጣ... ኣብ ቋንቋ እውን ከምኡ‘ዩ። ቋንቋ ግእዝ በዓለ ዓስበ ከናፍር ይብሎ። ናይ ልቢ ዘይኵነ፣ ብልሓጫ መልሓሱን ጫፋት ከናፍሩን፡ ክጥብረካ ዝፍትን፣ ቃላት ዝምግበካ ሓሳዊ፡ ማለት እዩ፣ ዋጣ።
ኣብ ዝሓለፈ ሳምንታት፡ ዋጣ ኣብዪ ኣሕመድ፣ ብዝተሰነዐ ( forged ) ዋጣ ዓጋመ፡ ዋጥዩ።
ንዓይ ዘገድስኒ፡ እቲ ክቡር ዋጋ መስዋእቲ ዝተኸፍሎ፣ ስም ሃገረይ፡ ኤርትራ ጥራይ እዩ።

ጸማም፡ ሓደ ደርፉ፣ ተባሂሉ ይምሰል እዩ። ንጕዳይ ሃገረይ ብዝምልከት፡ ኣነ ጸማም እየ። ኤርትራ ዝብል ስም ክልዓል ከሎ፣ ኳዅ ኵይነ‘የ ዝከታተል። ብፍላይ ብመራሕቲ ኢትዮጵያ፡ ዝብሃል፣ ውሉድ ወሎደይ ደም ዘንብዓኒ፣ እሾኽ ጂኦግርያፍያዊ ክሊ፣ ኤርትራ ትብል ስም ክትልዓል ከላ፣ ኣንኳይ እዝነይ፡ መናፊት ቍርበተይ ተኸፊቱ‘ዩ፣ ሳዕቤናት ዝድህስስ።
ስለምንታይ...? ንትብሉ፡ ናይ ቀረባ፣ በሰላ ቍሲሊ ኵልና ከቕርብ።

ነዚ ክቡር ስም ኤርትራ፣ መለስ ዜናዊ፡ ዝተባህለ፣ ዓቢ ሓዉ፡ ፈላዪ ጽቃጥ ማንታ መዋልዱ፣ ንኣብዪ ኣሕመድ፣ መበቍላዊ፡ (ኦርጅናል) ዋጣ ዓጋመ ኵይኑ፡ ወዲስዎ ነይሩ።
ኣስተብህሉ... መለስ ዜናዊ፡ ሞያዊ ጭራ ዋጣ፡ ናይ ህዝቢ ዓጋመ፡ ነይሩ ኣይበልኩን።

ብዙሓት ኣዝዪ ዘኽብሮም፣ ሞያውያን ጭራ ዋጣ ህዝቢ ዓጋመ፡ እፈልጥየ። ከም ኣብነት ክቡራት፡ ሞያውያን፡ ጭራ ዋጣ፡ ገብረ ጻድቕን ሓዉ ተስፋይን። ስለ‘ዚ ንክቡራት ሞያውያን ጭራ ዋጣ ዓጋመ፡ ከም ገብረ ጻድቕ፣ ምስ ዋጣ መልስ ዜናዊ ኣደባሊቐ፣ ክቡር ሞይኦም ከራኽስ፡ ሕልናይ ኣይፈቕዶን።

ገብረ ጻድቕን ተስፋይን፡ ክቡራት ሞያውያን ጭራ ዋጣ፣ ናይ‘ቲ ግዜ‘ቲ እዮም።
መለስ ዜናዊ ኸኣ...፡ ዋጣ ናይ‘ቲ ግዜ‘ቲ እዩ፣ ብሓሶት፡ ንምትላል ዝውድስ፣ ዘጣቝስ፡ ዘባእስ።
ሽዑ መለስ ዜናዊ፡ እንታይ ኢሉ፡ ዋጥዪ...?
ኣብ‘ቲ ግዜ ምግዳል፡ ‘‘ ካብ ሓሙሽተ መጽሓፍ ምንባብ፣ ሓሙሽተ ደቒቕ፡ ምስ ኣይተ ኢስኣያስ፣ ምዕላል ይበልጽ፡ ይጥዕመ፣ ከዓመ፡ ከዓመ፡ ከዓመ፡ ‘‘ ኢሉ፡ ነይሩ። ናጽነት ኵይኑ ኣስመራ ምስ ኣተና፣ ‘‘ ጀጋኑ ኤርትራ‘የ፡ ቍስልኹም ኣይትሕከኹ‘የ. የ.! ንዅሉ ክጥዕመ፣ ከዓመ፡ ከዓመ፡ ‘‘ ኢሉ ዋጥዩ።

ድሓር ንመለስ፡ ኤርትራውያን፡ ኣንኳይ ቍስልና፣ ሓብሪ ዓይንና‘ኳ ምርኣይ ኣጽሊእዎ።
መለስ ዜናዊ፡ 360 ድግሪ፡ ተጻይ ማእዝን ተጠምዚዙ፣ ኤርትራ ክኽሕድ፡ ሽዱሽተ ዓመት ጥራይ ወሲድሉ። ናይ ኣብዪ ኣሕመድ፡ ክሕደት ንኤርትራ ግን፣ ካብኣ ዝቐልጠፈት፡ ንናይ‘ቲ ቅድሚ ደርሆ ነቖ፡ ሰለስተ ሳዕ ዝተገላበጠ ካብ ሃዋርያት... እየሱስ ክርስቶስ፣ ዘዘኻኽር ክኸውን ከም ዝኽእል፣ ኣሚቱልና ኣሎ።

ኣነ ክልተ ዓመት ምሉእ፣ ኣብዪ ኣሕመድ፡ ንመስርሕ ለውጢ ጆግርያፍያዊ ክሊ ኢትዮጵያን ምሉእ ቀርኒ ኣፍሪቃን፣ ሓደጋ ታሪኽ እዩ። መለለዪ ጠባዩ(character) ድማ፣ ብዙሕ ርእሰ ተገራጫዊ ባህርዪ ዝደባለቐ ሰብ እዩ። ንጕዳያት ብድግስግስ ኣኳሊሙ፣ ዝያዳ ረብሓ (advantage) ክወስድ፡ ዝጓዪ‘ምበር፣ ሓዊ ኣንዲዱ ክስሕን ወይ ኣጥፊኡ ከርሕቕ፣ ኣይመባልዕቱን‘ያ፣ ኢለ ደምዲመ እየ።

ብወግዓዊ ቃላ መንግስቲ ኤርትራ፣ መስርሕ ሰላም ኤርትራን ኢትዮጵያን፡ ኣብ ውሽጢ‘ዚ ክልተ ዓመት፣ ከም‘ቲ ዝድለ ከም ዘይሰጕመ፣ ሓደ ጭብጢ ሒዝና ኣሎና። ባዕሉ ብወግዓዊ ሓተታኡ..... ሓተታ ‘‘ ታሪኻዊ ስምምዕ ሰላምን ምሕዝነትን ኤርትራን ኢትዮጵያን ‘‘ ስለ ዘስመረልና። ኣብ ገድሊ ኣብ ህዝባዊ ግንባር ፍልስፍና ተማሂርና ኢና። ጭቡጥ ወይ ሓቂ ሒዝካ ተዛረብ፣ ዝብል። ፍልስፍና ማለት፡ ብናይ ሓንጕልካ ብርሃን ተመሪሕካ፡ ሓቂ ክተረክብ ጭብጢ ክትሕዝ፡ ምግዳል ስለ ዝዅነ።
ስለ‘ዚ ኣተኵሮይ ኣብ ዘቤታዊ ምብህሃልና እዩ።

መንግስቲ ኤርትራ፡ ዜጋታት፣ ክልተ ዓመት ምሉእ፡ ሃህ. ህ.! ኢሎም፡ ንምስምዑ ዝተሃንጠይሉ፣ ምምልካት ዶብ፣ ሃንደበት ‘‘ ተዓናቂፉ‘ዩ ዘሎ ‘‘ ብምባሉ፣ ንተራ ሰብ ‘‘ እሞ እንታይ‘ዩ ጕድና...?! ‘‘ ዝብል፣ ካልእ ሰንፈላል‘ዩ ፈጢርሉ።

ድሕሪ ስምምዕ ኣስመራን ኣህጕራዊ መጽንዒ (ድንክል) ስምምዕ ጅዳን፣ ካብ ምውጋድ ስግኣት፡ እፎይታን ምሉእ ቍላሕታን ንልምዓት፡ ምልዓል እገዳ፡ ክሳብ ምምሕያሽ ዲፕሎምያስያዊ ገጽ፣ ኤርትራ ዝኸሰበቶ ነግር፣ ተኸታቲሉ ክንገር ነይርዎ። ኣይተገብረን።

እቲ ዓቢ ሃጓፍ ወይ ግድፈት ግን፣ ኣብ ውሽጢ‘ዚ ክልተ ዓመት፡ ምውጻእ ሰራዊት ካብ ሉኣላዊ መሬት ኤርትራን ምምልካት ዶብን፡ ብዝምልከት፣ እቲ መስርሕ ሰላም ዕንቅፋት የጋጥሞ ከም ዘሎ፣ ዝዅነ ይዅን ኣንፈት ከይተዋህበ ምጽንሑ‘ዩ። ካልእስ ይትረፍ ዋላ ብሰሚናራት ክንገር ነይርዎ። ምውዕዋዓት ሜድያ፡ ምናልባት ንምፍኳስ ወጥርን ምጕዳል ምትእምማንን፡ ከይዕንቅፍ፣ ተሰጊኡ‘ዩ ተባሂሉ‘ውን እንተ ተመኽነየ።
ብርእይቶይ... ምምልካት ዶብ፡ ቀዳመይትን እታ ቀንዲ ኣሳሪት ቍልፊ ናይ‘ቲ ስምምዓትን እያ። እንተ ዅነ ሕጂ‘ውን፣ በታ ንእሽቶ ዓቕሚ ገምጋምይ፣ ኤርትራ ንምምልካት ዶብ፡ ኣብ ራብዓይ ደረጃ፡ ክስራዕ ምስምመዓ፣ ዋጋ ንምፍኳስ ወጥርን ምህናጽ ምትእምማንን እዩ። ህዝብ ኤርትራ‘ውን ነዚ፡ ልቢ ኣዕብዩ ዝተቐበሎ እመስለኒ። ቀዳማይ፡ ምውጋድ ናይ‘ቲ ቀንዲ ፍጮ ክልቲኡ ህዝብታት ኵይኑ ዝነበረ፡ ብዕሉግ ወያነ፣ ካብ ቀንዲ ወይ ማእከላይ ስልጣን ኣዲስ ኣባባ ምጅማሩ። ካልኣይ ብኡ ኣቢሉ ወያነ፡ ኣብ ናይ ታሪኽ ጕሓፉ ተደብዩ ክቕበር‘ሞ፣ ዘተኣማምን ሰላም ክሰፍን።

ስለ‘ዚ ህዝቢ ኤርትራ፡ ከም‘ቲ ምሉእ መዋእሉ ዓዊሩ ነይሩ‘ስ፣ ጽባሕ ክትርኢ ኢኻ ምስ በልዎ፣ ድቃስ ዘይብሉ ሓዲሩ፣ ናይ ዝብልዎ ሰብ፡ ህንጡይነት ኣይሓዘን። ዝሓለፈ 20 ዓመት መመላእታ፡ ዝተጸበዮን ዝተማረሮን ኣይተፍኦን።

ክልተ ዓመት ምሉእ፡ ንምፍኳስ ወጥርን ምህናጽ ምትእምማንን፣ ዝኸፈሎ ዋጋ፡ ብፍላይ ኣብ‘ታ ቀንዲ ኣሳሪት ቍልፊ ናይ‘ቲ ስምምዕ፣ ማለት ምምልካት ዶብ ከም‘ቲ ዝድለ ከም ዘይሰጕመ፡ ክሰምዕ ከሎ ግን፡ ምሒር ክሻቐለሉ ባህርያዊ‘ዩ። ነቲ ሻቕሎት ስዒቡ ድማ፡-

እሞ‘ኸ... ሕጂ እንታይ‘ዩ ሽንና...? እንታይ‘ዩ ጕድና...? ዝብል ሕቶ ይልዓል።
ክልተ ዓመት ምሉእ፡ ንፍኳስ ወጥርን ምህናጽ ምትእምማንን ዝተኸፈለ ዋጋ፣ ንወያነ ካብ ዘየልዘባ፣ ምሕንጋድ ወያነ ኣበይ‘ዩ ወሰኑ...? ዝብል ሕቶ ይለዓል።
እቲ ብዋጋ ገና ተጕቢጡ ዘሎ፡ ሉኣላዊ መሬትና፣ ንምፍኳስ ወጥርን ምህናጽ ምትእምማንን፣ ክልተ ዓመት ምሉእ፡ ግዜ ዝተዋህቦ፡ መንግስቲ ኣብዪ ኣሕመድ፣ ብሕጂ‘ኸ ክንደይ ዝኣክል ግዜ፣ ምስ ዝወሃቦ‘ዩ... ንምሕንጋድ ወያነ ወሰን ዝገብረሉ...? ዝብል ሕቶ ይለዓል።
ብሓፈሻ.. ዝመጽእ ኣተሓሕዛ ጕዳይ ምምልካት ዶብ፣ እንታይ‘ዩ ክኸውን..? ዝብል ሕቶ ይለዓል።
እዚ ዅሉ ሕቶታት ሻቕሎት፡ ገና ንኣእምሮ ኵሉ ኤርትራዊ ብሒቱ እና ተመሳቐለ እንከሎ፡ እምበኣር‘ዩ፣ ጭርሖ ክሳድ ሓዝ፡ ብዓል ኤልያስ ኣማርን ተንጠልጠልቲ ኣቝጽልቱን መጺኡ፣ ዝገደደ ዘመሳቐለና።
ብመረዳእታ ተራ ሰብ ንኺዶ። መስርሕ ምምልካት ዶብ ከም‘ቲ ዝድለ ኣይሰጕመን፣ እኳ ደኣ፡ መሊሱ ብኢሱ፣ ወያነ ኣብ ባድመን ከባቢኣን፣ ሕማም ጥረራ ደጊስዋ ኣሎ፡ ሰሚዕካ፣ ክሳድ ሓዝ እንተ ስዒቡ፣ ሓደጋ ምምላስ ናብ ኵናት‘ዩ ዝረኣየካ።

ርግጽ ኣብ‘ታ ሓተታ፡ መንግስቲ ኤርትራ፣ ደጊም ናብ ኵናት ክኣቱ‘የ፡ ዝበለሉ፣ ኣንፈት የለን። መቛጸሪ እታ ሓተታ፡ ዝበሎ. . . . .
‘‘ ስምምዕ ሰላም ኤርትራን ኢትዮጵያን፡ ከም‘ቲ ተስፋን ትጽቢትን ዝተገበረሉ፡ ከም ዘይስጕመ ዘይክሓድ እዩ። ክልተ ዓመት ድሕሪ‘ቲ ስምምዕ፣ ሰራዊት ኢትዮጵያ ገና ኣብ ሉኣላዊ መሬት ኤርትራ ሰፊሩ ኣሎ። ንግዳውን ቍጠባውን፡ ዝምድናን ምትሕግጋዝን ክልቴን ሃገራት‘ውን ኣይሰጕመን። . . . .

ጕዕዞ ሰላም ኤርትራን ኢትዮጵን፡ ኣብ ውሽጢ ዝተሓላለኸን ስግኣት ዘንጸላለዎን፣ ዘቤታዊ፣ ዞባውን ኣህጕራውን ኵነታት‘ዩ ዘገም ዝብል ዘሎ። ‘‘ እዩ ዝብል።
ስለ‘ዚ ኣብ ዘቤታዊ ምብህሃልና፣ ከም‘ቲ ኣብ ላዕሊ ዝገለጽክዎ፡ መንግስቲ ኤርትራ፣ ኣብ‘ቲ ስምምዕ እዚ ዕንቅፋታት‘ዚ ይፈታተኖ ከም‘ዘሎ፡ ከይኣንፈተ፣ ክልተ ዓመት ጸኒሑ፣ ከም‘ቲ ተስፋን ትጽቢትን ዝተገረሉ ኣይሰጕመን ክብል እንከሎ፣ ሻቕሎት ተራ ሰብ፡ ኣበይ ጥርዚ ክዓርግ ከም ዝኽእል ፍሉጥ‘ዩ። እሞ ኸኣ፡ ተራ ሰብ ተንቲንቲኑ ክርድኦ፡ ብዘሸግር፣ ኣዝዪ ጥቕሉል፡ ከቢድ ሓረጋት።
ቲቪ ኤረ፡ ራድዮ ድምጺ ሓፋሽ፡ ጋዜጣ ሓዳስ ኤርትራ፣ ካልእ‘ሲ ይትረፍ፡ ነቲ ሓተታ ተኸቲለን፣ ንጕዕዞ ሰላም ኢትዮ/ኤርትራ፡ ኣንጸላልይዎ ዘሎ፡ ዝተሓላለኸ ስግኣት እንታይ‘ዩ...? ንተራ ሰብ ብዝርደኦ መልክዕ፣
ጽሑፋት ኵነ፡ ቃለ መጥይቕ ዝምልከቶ ኣካላት፣ ክትንትና ኣይረኣንን፡ ኣይሰማዕናን።
ኣብ‘ቲ ሓተታ፡ የንጸላሉ ካብ ዘሎ ዝተሓላለኸ ስግኣት፣ ‘‘ ዘቤታዊ ‘‘ ተባሂሉ፡ ተጠቒሱ ኣሎ። እንታይ ማለት‘ዩ...? መጠን ሚዛን፡ ዞባውን ኣህጕራውን ስግኣት‘ከ... እንታይ‘ዩ...?
ስለ‘ዚ መንግስቲ ኤርትራን መራኸቢ ብዙሓኑን፣ ሕጂ‘ውን ነዚ ጥቕሉል ሓተተ፣ ንተራ ዜጋ ካብ ሻቕሎት ብዘውጽእ፡ ዝርዝር መብርሂታት፣ ተንቲኑ ከቕርብ ግዴታ ኣለዎ። ብፍላይ ነቲ፡ ሻቕሎት ተኸቲሉ ዝስዕብ ሕቶታት፣ ማለት ወያነ ካብ ሓንገደት፣ ዝመጽእ ኣተሓሕዛ ጕዳይ ምምልካት ዶብ፣ እንታይ ክኸውን‘ዩ...? ዝብል ሕቶ፣ ንጹር መልሲ ክወሃበሉ ኣለዎ።

ኣብ‘ዚ ወጻኢ ዘለዉ ኣምበሳድራትን ሓለፍቲ ሚሽናትን‘ኳ፣ ነዚ ዘሎ፡ ጸጋ ህዝባዊ መራኸቢታት፡ ንኸምዚ ዝኣመሰለ ጥቕሉል ሓተታ፡ ንተራ ዜግኦም ተንቲኑ ናብ ዘረድእ፣ መድረኽ ሰሚናራት፡ ኣብ ክንዲ ምምእዝኑ፣ ዝተሓሰምዎ‘ዮም ዝመስሉ። ገጻት ፌስ ቡክን ናይ ፓል ቶክ ክፍልታትን፣ ናብ ተራ ቍይቊን ምዝልላፍን ክሳብ ዝወርዱ፣ ዝሰልከየ ብዝመስል ስቕታ‘ዮም፡ ዘሰንይዎ ዘለዉ።

ምስ ሓተታ መንግስቲ ኤርትራ፣ ፍጹም ተገራጫዊ ዝዅነ፣ ጭርሖ ክሳድ ሓዝ ኤልያስ ኣማረ፣ ኣብ ህዝባዊ መራኸቢታት፡ ኵነተ ኵናት ፈጢሩ‘ዩ። ብዙሓት ገርሀኛታት እንታይ ደኣሉ፣ ክሳድ ሓዝ ይብሃል ኣሎ ኢሎም፣ ንዓይ ሓቲተሙኒ እዮም። በዚ ምኽንያት ከኣ‘የ፡ ንኤልያስ ኣማረ፣ ኣብ ግላዊ ሳንዱቕ መልእኽቱ፣ ወይ ንጹር ዝርዝራዊ መብርሂ፡ እንተ ተኻኢሉ ብድምጺ ወይ ብጹሕፍ ሃብ፣ እንተ ዘይኵይኑ፡ ጸዊዒት መንግስቱ ንዘየዕብር ሰብ፣ ጻውዒት ክሳድ ምሓዝ ንዝምለከቶ ኣካል ግደፎ፣ ኢለ ዝጸሓፍክሉ። እሞ ስለምንታይ እዩ... ኤልያስ ኣማረ፡ ሓንሳብ ብርትናን ጥይትናን ክብል፣ ሓንሳብ ደም ዘይፈሶ፡ ክሳድ ምሓዝ‘ዩ ክብለ፣ ሓደ ካብ ኣምበሳድራትና ወይ ሓለፍቲ ሚሽናትና፣ ‘‘ ዓገብ ትርጕም ናይ‘ቲ ሓተታ ተዘምብዕ ኣለኻ ‘‘ ዘይበሎ። ንዓይ ኣርሚሙኒ ኣሎ።
ካብ ዘቤታዊ ኵነት ወጻኢ፣

መንግስቲ ኤርትራ፡ ኣብ ውሽጢ‘ዚ ዝሓለፈ ክልተ ዓመት፣ ስምምዕ ሰላም ኤርትራን ኢትዮጵያን፣ ከም‘ቲ ተስፋን ትጽቢትን ዝተገበረሉ፡ ከም ዘይስጕመ፣ ብወግዓዊ ቃለ መንግስቱ (ሓተታ) ኣረጋጊጹ።
ካብ‘ዚ ሓተታ‘ዚ ብምብጋስ፣ ንቡር ግበረ መልሲ መንግስቲ ኢትዮጵያ እንታይ ክኸውን ነይርዎ?

ናይ ኤርትራ ወግዓዊ ሓተታ ማለት ቃለ መንግስቲ እዩ። ስለ‘ዚ ኣብዪ ኣሕመድ...
ሓደ... ሓቁ‘ዩ መንግስቲ ኤርትራ፡ ጕዕዞ ሰላም ከም‘ቲ ትጽቢት ዝተገብራሉ ኣይሰጕመን ኢሉ፣ ብወግዒ ክእመንን ከረጋግጽን ነይርዎ።
ክልተ... ወይ ኣይፋልን መንግስቲ ኤርትራ ተጋግዩ፣ ጕዕዞ ሰለም ከም‘ቲ ዝተገብረሉ ትጽቢት ይስጕም ኣሎ ኢሉ፣ ንጹር መልሲ ምጕት ክህብ ነይርዎ።
ኣብዪ ኣሕመድ ክልቲኡ ኣይበለን።

ምኽንያቱ ኣብዪ ኣሕመድ፡ ንጕዳያት ብድግስግስ ኣኳሊሙ፣ ዝያዳ ረብሓ (advantage) ክወስድ፡ ዝጓዪ‘ምበር፣ ሓዊ ኣንዲዱ ክስሕን ወይ ኣጥፊኡ ከርሕቕ፡ ዘይመባልዕቱ፣ ዋጣ ስለ ዝዅነ።
ሰለ‘ዚ እዪ፡ ነታ ዝተሰንዐት (forged ) ዋጣ ልሳን ዓጋመኡ፡ ሒዙ፣ ኣብ ቴለቭዥን ብምቕራብ፣ ‘‘ ንደረጽዮን ብወያነ ደገፍ የድልዮ‘ዩ። መንግስቲ ኤርትራ ኸኣ ናይ ሰላም መንግስቲ‘ዩ ኢሉ‘‘ ዋጥዩ።
ሓቂ ንምዝራብ ግን፡ ንሕና ኤርትራውያን፣ ብፍላይ በዛ ኢትዮጵያ ትብሃል እሾኽ ጂኦግርያፋዊ ክልን ዝተረገም ህዝባን፣ ክሳብ እዛ ካልኢት እዚኣ፡ ዋጋ ሰላም ንኸፍል ከም ዘለና፣ ብልሳን ዋጣ ዓጋመ፣ መስክርነት ጥራይ ድዩ ዘድልየና...?

ንሱ ብንሱ ደኣ፡ ኦርጂናል ዋጣ ዓጋመ፣ ናይ መለስ ዜናዊ ‘‘ ቍስልኹም ኣይትሕከኹ ‘‘ ኢላትና እንድያ። ተገምጢላ ሕብሪ ዓይንና ምርኣይ ክሳብ ዝጽልኣ።
ብዛዕባ‘ዛ ዝተሰነዐት (forged) ዋጣ ዓጋመ፡ ናይ ኣብዪ ኣሕመድ ግን... ክድምድም።

ሓምለ 2018 ንኤርትራውያን ፍጹም ስብቍል፡ ሕሉፍ ትኵር፡ በሊሕ (smart) ክኾነሎም ኢሉ፣ ኣብዪ ኣሕመድ፡ ኣስመራ ኣትዩ። ከምቲ በሽቃጥ ባህርያቱ ኣብ ኤርትራ፣ ድርብራብ ናይ ምዕራባውያን ቶርታ ኣይጸንሖን። ብመቶር ሳይክል ተዓጂቡ ድርፎ ወሪዱ። ካብ ባር ድርፎ፡ መላገሲ ንሩባ ጅልጕፍ፡ ቍይሞም፣ ፕረ/ ኢሰያስ ንዝባን ርእሲ ዓዲ እና ኣመልከተ፣ ንኣብዪ ኣሕመድ፡ ገለ የዕልሎ ነይሩ። ሽዑ እቲ ዕላል እንተይ ተዝኸውን ደስ ምበለኒ... ‘‘ ብዓል መለስ ዜናዊ፡ ኣባይ ጸሃየ፡ ስየ ኣብርሃ. ወዘተ ወዘተ... ክዕለማ ንሳሕል ክኸዳ፣ ኣብ‘ዚ ትርእዮ ዘለኻ ጕቦ ርእሲ ዓዲ፣ ፈስን ተምላስን ኵየንን እየን። ቤተ ምንግስቲ ሒዘ ኢልካ፣ ከም‘ቲ ናቶም ከይትሸብዕ። ‘‘

ናይ ምልክት ቋንቋ ስለ ዘይተመሃርኩ፣ እቲ ዝርርብ፡ ኣይተርጕምክዎን፣ ትምኒተይ እየ ገሊጸ።

ሓደ ጭብጢ ግን ሒዘ፣ ብሰንኪ በሽቃጥ ባህርያቱ፡ ኣብ ኣስመራ፣ ድርብራብ ቶርታ ምዕራባውያን ተሰንዩ፣ ንኤርትራ ስብቍል፡ ሕሉፍ ትኵር፡ በሊሕ (smart) ክዅነላ፡ ዝተሃንጠየ ኣብዪ ኣሕመድ፣ በለስ ድርፎ በሊዑ፣ ወጻኢ ካብ ብልሒ ( out smart ) ከም ዝዅነ።

ኣብ ገጻት ፌስ ቡክ፡ ንኣብዪ ኣሕመድ ዘመኻንዩን ዘቀናጅውን ዘለዉ ብዓል መን እዮም...?

ጠቕስታት ግብሪ ሃዋርያት፡ ካብ ሓዲሽ ኪዳን (መጽሓፍ ቅዱስ) በቦጥቚሉም፣ ኣብዪ ኣሕመድ ብልሳን ዝዛረብ፡ ሕሩይ ብዓለ ሓምሳ እዩ ዝብሉ፣ ሰዓብቲ ጴንጤ ቍስጣል ኢና ዝብሉ፣ ካብ ማሕበራት ፖሮቴስታንት፣ ናይ ኣምላኽ ንኣምላኽ፡ ናይ ቄሳር ንቄሳር፡ ስለ ዘይፈልጡ ድዮም...?

ኣምቼ ዝብሃል፡ ባርያ ናይ ገዛእቲ ኢትዮጵያ ናይ ምዃን ናፍቖት ዝረመሶ፣ ኣምቼ ክብሃል ከሎ፣ ክቡር መጸውዒ ዝመስሎ፣ ርሙስ ኣእምሮ ኸኣ ኣሎ።

ኣምሓራ ኣሹሙርኛታት ሰብ ዛርቲ ዓባይ ኢትዮጵያ‘ዮም። ኣብ‘ቲ ግዜ ቃልሲ ዕጥቁ ፈቲሑ ሃዲሙ ንዘመጾም ካብ ታጋዳልቲ ኤርትራ፣ ከይጸውዕዎ ዝመጸ፡ ፈትዩ ዝኣተወ፡ ከም ከልቢ ንምባል ወዶ ገባ ኢለ‘ሞ። ኣቡኡን ኣዲኡን ካብ ኤርትራ ንኢትዮጵያ ተሰዲዶም፡ ኣብኡ ንተዘወልደ ቍልዓ ኸኣ፣ ካብ ደገ ተመስሪሑ ብዝምጸ ውዱእ ኣቕሓ ዝተገጣጠመ ኣሚቼ ኢለሞ። ኤርትራዊ ንምሽቝራር ርእሱ ንምድናን‘ዩ ንኤርትራዊ ጥራይ ኣምቼ ዝብሃል። እምበር ኣቦ ኣዲኦም፡ ካብ ሱዳን፡ ተሰዲዶም ኣብ ኢትዮጵያ ንዘተወለዱ ሱዳናውያን፡ ኣምቼ ኣይብሃሉን እዮም። ኣቡኦም ኣዲኦም ካብ ኬንያ ተሰዲዶም ኣብ ኢትዮጵያ ዝተወልዱ ኬንያውያን፡ ኣምቼ ኣይብሃሉን እዮም። ኣቡኦም ኣዲዮም ካብ ሶማልያ ተስዲዶም፡ ኣብ ኢትዮጵያ ንዝተወልዱ ቍልዑ፣ ኣምቼ እንተ ኢልካዮም እሞ፣ ብኻራ እዮም ዝሰሃሉኻ። ብጕዳይ መንነት ኣብ ሶማል ሕድገት የለን።

ኣምቼን ወዶ ገባን፣ ብዝብል ስም ውርደት፡ ካብ ዝሕበን፣ ናፍቖት ብርነት የድሕነና።

ተስፋ እገብር ጥዕና ክስዕበኒ... ኵልኹም ደለይቲ ጽቡቐይ ከኣ፡ ጸሎት ዱዓኹም ኣይፈለየኒ። ነዚ ዳሕረዋይ ጥብቆታተይ ገለ ተወሳኺ መብርሂታት እልቅብ እኸውን።
ሰናይ ቅነ. . .

pushkin wrote: ↑

26 Aug 2020, 15:09

.... 360 ድግሪ፡ ተጻይ ማእዝን ተጠምዚዙ፣...

ከመይ ከመይ ደኣላ እዡኣ ኣገላልጻ!
ጋዜጠኛና ካብ ቅኒት ፈሪስኩም ወይ ኣንፈት ተደርቢሹኩም ትመስሉ!