Mereja.Forum

Wedi wrote: ↑

27 Jul 2020, 10:10

ዳውድ ኢብሳ ጡረታ ወጣ ነው የምትለኝ??

Revelations wrote: ↑

27 Jul 2020, 10:30

ለደህንነታቸው ሲባል ስልካቸው በቴሌ በመቆለፉ የወደፊት እቅዳቸውን ልንጥይቃቸው አልቻልንም:: ግና እንደታጠቁ ጡረታ አለ ወይይይይይ?!

Revelations wrote: ↑

27 Jul 2020, 11:02

ኦቦ ሌንጮ ባቲ (የቀድሞ ኦኔግ መሪ)

ሌንጮ ባቲ በውጭ ጉዳይ በኩል የአብይ አሀመድ ከፍተኛ አማካሪ ሆኖ እየሰራ ያለ ሰው እኮ ነው፡፡ አንድ ሰው በአንድ ግዜ የሁለት ፓርቲ አገልጋይ ሊሆን ይቻላል? Conflict of interest?

Abere wrote: ↑

27 Jul 2020, 11:15

አሁን አቶ ዳውድ ዒብሣ በህግ ያለመከሰስ መብቱ ተገፏል ወይስ አልተገፈፈም? ከነ ጦር መሣሪያው ጡረታ እንዴ ወጣ በህግ ያለመጠየቅ መብቱም አብሮት ጡረታ ወጥቷል ማለት ነው? መልከ ጥፉን በስም ይደግፉ ይባላል ዐብይ ሀቀኛ ከሆነ ለምን ኦነግ የሚባል ትርጉም ዐልባ የጥፋት ድርጅት አይዘጋም። የዓሣ ግማቱ ከጭንቅላቱ - ከታች አስከ ላይ ድረስ ያለው ትርጉም ዐልባው ኦነግ ነው። ዳውድ ዒብሳ ብቻውን አይደለም።

Wedi wrote: ↑

27 Jul 2020, 11:33

Revelations ዋናው ጥያቄ አሁን እነዚህ አስወራጆች ኦነግ ሸኔን እና ኮማንደር ጃል ማሮን ምንድን ነው የሚያደርጉት?

ነገር ግን የግንባሩ ሊቀ መንበር በከተማው ውስጥ እያሉ፣ በሚመሩት ድርጅት ስብሰባ ላይ ሳይገኙ ውይይቱን ስለማድረጋቸውና አቶ ዳውድ ስለስብሰባው የሚያውቁት ነገር ስለመኖሩ ከቢቢሲ ለተጠየቁት ጥያቄ አቶ አራርሶ መልስ ሰጥተዋል።

“አቶ ዳውድ የተለየ ጉዳይ ስለገጠማቸው እየተንቀሳቀሱ የዕለተ ከዕለት ሥራቸውን ማከናወን አልቻሉም። ስለዚህም ስብሰባችን ላይ መገኘት አልቻሉም” ብለው፤ ይሁን እንጂ ስለ ጉዳዩ ከአቶ ዳውድ ጋር ተነጋግረውበት እንደነበር ገልጸዋል።

ጨምረውም፤ ስብሰባው እንዲካሄድ የሊቀ መንበሩን ይሁንታ እንዳገኙ በመጥቀስ “ውይይታችንን ሳንጨርስ ኔትዎርክ ተቋርጦ ነበር። ነገር ግን የድርጅቱ ከፍተኛ አመራር [ጉሚ ሰባ] ተሰብስቦ እንዲመክር ተስማምተን ነበር” ብለዋል።

ዋናው ሊቀ መንበር ባለመገኘታቸው በምክትሉ የሚመራ አይነት ሰብሰባ መካሄዱን በመግለጽ፤ በዚህም ሊቀ መንበሩን ጨምሮ “ምንም አይነት ሹም ሽር አልተካሄደም” ሲሉ አስረግጠው ተናግረዋል።

አቶ አራርሶ ቢቂላ ይህንን ይበሉ እንጂ የኦሮሞ ነጻነት ግንባር ቢሮ ኃላፊ የሆኑት ገዳ ኦልጅራ (ዶ/ር) ግን የተካሄደውን ስብሰባ በተመለከተ የተለየ ሃሳብ እንዳላቸው ለቢቢሲ ተናግረዋል።

"ትናንት በአቶ አራርሶ ቢቂላ የተመራው ሰብሰባ የድርጅቱ እውቅና የለውም” በማለት ስብሰባው በግንባሩም ሆነ በሊቀ መንበሩ የማይታወቅ መሆኑን ለቢቢሲ ገልጸዋል።

አቶ አራርሶ፤ ከአቶ ዳውድ ስብሰባ ለማካሄድ ፍቃድ እንደተሰጣቸው ተናግረው ስብሰባ ሲጠሩ፤ ገዳ (ዶ/ር) ወደ አቶ ዳውድ እንደደወሉና፤ አቶ ዳውድ ስለ ስብሰባው መረጃ እንዳልደረሳቸው እንደገለጹላቸው ተናግረዋል።

ያለ ድርጅቱ ሊቀ መንበር እውቅና ስብሰባ ማካሄድ ተገቢ አይደለም ብለው ለስብሰባ የሄዱ ሰዎችን እንደከለከሉ ገልጸው፤ “ሲከለከሉ የታጠቁ የመንግሥት አካላትን ይዘው መጥተው፣ በጉልበት ገብተው ነው ስብሰባቸውን ያካሄዱት። ስብሰባው ሕጋዊ አልነበረም” ብለዋል።

ገዳ (ዶ/ር) አያይዘውም ስብሰባው ላይ የተነሱ አጀንዳዎችን እንደማያውቁ ተናግረዋል።

በስብሰባው ሹም ሽር ተካሂዶ፤ በአቶ ዳውድ ምትክ አቶ አራርሶ ሊቀ መንበር ሆነዋል የሚል ወሬ እንደተናፈሰ ጠቅሰን፤ እውነት ስለመሆኑ ሲጠየቁም እሳቸውም ተጨባጭ መረጃ እንዳልደረሳቸው አስረግጠው፤ “ከወሬ ያለፈ አይመስለኝም። ለዚያ የሚያበቃ ስብሰባ አይደለም” ብለው ምላሽ ሰጥተዋል።

ቢቢሲ ካናገራቸው የኦሮሞ ነጻነት ግንባር አመራር አባላት በተጨማሪ ለተለያዩ መገናኛ ብዙሃን ስለተፈጠረው ነገር የሚሰጡት ማብራሪያ እርስ በርሱ የሚቃረን ሲሆን ግለሰቦች ከሚሰጡት ምላሽ ውጪ እስካሁን ከግንባሩ ተሰጠ መግለጫ የለም።

ሊቀመንበሩ ከአቶ ዳውድ ኢብሳ ከመኖሪያቸው መውጣት እንዳልቻሉ እንዲሁም የስልክ ግንኙነት ስለሌላቸው በድርጅቱ ውስጥ እተካሄደ ስላለው ነገር ቁርጥ ያለ ነገር ለመስማት አልተቻለም።